¹ Njaji yacatji rey lamuel icaiterri jlidoa icanantasho-pani . ² Pjiacatsa noenipe, nomotjotanda novavajlicoite ,Dios icadanda nosrro natjatacapoa jlinai corritsa cocapjanta nocaite. ³ Mcadarsa pjidä njarro njaji inaitjepe, matsa nanai njaji inaitjepe ivayaketacape njaji rey nai ⁴ Lamuel, corrin matsia nairraca irraodatji njaji reyenai corrin irraodatji capoadajli,corrin matsia natjataca naji gobernante-nai akjerrepa irraodatji capoanjai. ⁵ Vadetsa irraodatji icada imavadacaca jlioya jliaji Dios yaco nite corrintja inaita caiji kjenaperri yomacapisho. ⁶ Icada nairraca irraodatji njaji irraotji imatsicanipe nite icada nairraca vino njaji maidaperri. ⁷ nairra irraodatji nite namaodacaotsa jlioya jliaji kjenaperricana nite corritsacao-tsa navaopia jliaji namatsicana. ⁸ Pivapaotsa njaji corriperri itjaita ivapacacao, Dios icaitecada-nacoatsa nacona pjiomi njaji inaiki. ⁹ Caco pjia ajadajli, picaite yacotji mayacandajli kjena picapa njaji kjenaperri njatsaca canacaiperri isrro cocaca. ¹⁰ ¡ Jirrapitjina paoketaca apama iinarro matsiadarro inaikica! cacoadada-rrocano caiji apacja cadena ovirrocjasho. ¹¹ nite jliaji srroinirri jlicada jlicaolre srronaco nite corrin jlicada kjenacano. ¹² Srronaitja jlisrro matsia nite corrin srronjaita jlisrro matsi caficadana-cotoano. ¹³ Rroma yamacatji matsiamakepe nite tjavajli matsiaperri, nite srrodeji catjima srrocapisho. ¹⁴ Caicanoaji apafia ita pacjandajli inanitjisho; srroketa srroiñao acjaitjecatsa. ¹⁵ Srronaitja iñaodatji piyonpinacotoa srroacarro srropanetja iñao, srrocada nadejicalre naji idejicape srrosrro. ¹⁶ Srroa rroma apapji finca o kinikjiapji matsiadajli rroventacarron; jlisho jliaji palrata rroganada rrocapisho rroapanacarro rropaniava. ¹⁷ Srroetaca matsiava rrodejicapoa caida. ¹⁸ Srroaji rrovapaca jliaji rrodejicajle jliacarro matsiava, rrodejica depirrico corrin yajlimica rrolanparan. ¹⁹ Srrocapisho rroavanta rrocotsaca.nite rrotjipirratsaca. ²⁰ Srrokitsindata njaji inaiki kjenaperri; srrokitsindata njaji inaiki canacaiperri isrro cocaca. ²¹ Corrin rrofio rrokitsiñape ivana, narroca nanani matsiaperri njaji rropanetja ²² Srroco rrocaman yecoava , rroeta rrotsayan yamacatji matsiaperri irrocape nadaa amolrape. ²³ Najindaca jliaji roinirri jlivacadanaco napiya njaji pekipenai . ²⁴ Sronaitja tsaya nite rrovendena nite rronjaitja correya rrovendena mercado jlico. ²⁵ Srroetaca matsiava cacoadaperrisho, corrin rrota rrocaolreo jlinaco jliaji jalredaoca inojli. ²⁶ Cacono mayacan cajikje-darrosho rrosrroca yacotji matsiadajli. ²⁷ Srroaji coanca rrofacao rropanetja yapiya nite corrin rroiña jliaji corridajlitsa rroganaca. ²⁸ Catjima rroenipe icapacano nite rroinirri icaite yacotji matsiadajli rrorro jliaco: ²⁹ Aima inaitjepe inaitacape matsia, mitsa matsiapatoa pinaitjaca pjia. ³⁰ Micapan-dajlitsa jliaji apama inarro imatsica, jiyacadatsao jliaji rromatsiaca,mitsa rroaji apama inarro shepacada Dios yaco, rroadecja matsiadarro. ³¹ Pia apada irro jliaji pidejinda picapisho picada caconape icapa matsiaca jliaji pinaitjalri.