¹ Jliaji corridajli yoma nacaitcani , jlimatsicacaotsao keya. ² Aimacadanaco naji shepacaperri, catjima naji inaiki,mitsa mepacadajli cadanaco itjajlicanata njerrapjitaca naji inaiki. ³ Jliaji ipeyocada jliaji yajikjetji jlicada catjima jlinirri icaolre,mitsa jliaji yajicada cavilredarron inai,jlivayaketaca naji jlirroji. ⁴ Jliaji itjajlicanatji yajicada ivapaca jlipaite jlicada matsiaca jlipaite, mitsa jliaji jitacada aima impuesto jlivaketaca jlipaite. ⁵ Jliaji icaitecada yocotji matsiadajli jlikitsinda isrro, ajadajli midajlicatsa jliaji jlicaiterri. ⁶ Naji jlimatsike-tashopa jliaji matsidajlin icatsa naji jlimatsicana,mitsa jliaji apada inaiki matsiadajli catjima jliofacao jlicatjimatacao ⁷ Jliaji apada inaiki ikitsindatacada naji kenaperri; mitsa jliaji inaiki matsidajli corrin kjena jlicapaca naji kjenaperri. ⁸ Naji inaiki majicaperrin icamitsa namatsiketaca nafaopiake naji inaiki yofacape yacalrerrico,mitsa naji inaiki cajikeperri naji njenitacaca jlioya jliaji matsidajli o irroatji yoya. ⁹ Jliaji cajikedajli jlirrocada yacotji majicadajli icoetje jliaji coajica jlima-tsietaca yacotji,corrin mapjican. ¹⁰ Naji inaiki matsiperrin inocape inaiki matsi nacapa naji inaiki matsiaperri ¹¹ Jliaji majicadajli jlinaita pjiomi naji jlimatsicana, mitsa jliaji apada cajikjedajli jliaji jlivapacacao matsidajli yoya. ¹² Jliaji itjajlicanatji jimicada ishatji isrro,icamitsa jlicada majicaperrica naji idjicape jlisrro. ¹³ Jliaji apada kjenadajli nite jliaji ikjenatacada apada Dios yajitsa nanaco jliatsa icada nacaficao naji yamadade. ¹⁴ Apada itjajlicanatji icaitecada ajadajli yacotji apada kjenadajli naco, jiltjajlicana-tacaotsa aima año. ¹⁵ Piñacada pienipe nite picaitecada caidajlicon cajikjedajli-caotsa pienipe, mitsa jliaji meñacana-dajlitsa corridajli pacaite caida icamitsa jlipaimanietaca jlidoa. ¹⁶ Aimacada njaji camatsi-canaperri, aimatsaca jliaji imatsicanatji, mitsa inaiki matsia-perri icapatsaotsa namatsica-cacao njaji matsiperrin. ¹⁷ Picananta pinipee nite jlidaotsa pimavada-caca; jlicadavatsa catjimaca picaolre. ¹⁸ Corricada apada itjajlicanatji ivapa matsia jlinaikite,corrivatsa naji cocaca nanaitja naji iaiki, mitsa naji inaitjacape caiji Dios icaiteca-pisho naoketaotsa matsiadajli. ¹⁹ Corrin patjaita pamatsietaca apada majicadajlin yacotjisho ima jlimjinta, mitsa corrin jlinaita caiji jlicapisho. ²⁰ Mitsa kjeyapatsa jliajica jliaji mjepacadajlin jlioya jliaji icaitepecada macadatsa corrin jliaji coajishopa jlicaiterri. ²¹ Jliaji icadacada jlisrrodajli shepani tsodajlica-danacotoani mitsa pekirricada-nacoena jlirrodajli corrivatsa jliepaca jliaco. ²² Njaji inaiki keyaperri kerroaca icamitsa naomaca irroatji;njaji inaiki kjeyaperri kerroaca nanaita aima matsidajli. ²³ Jliaji padalredajli capaiman-nadajlicaotsani, mitsa jliaji mapadalreca-dajlitsa , catjimavatsa nacapacani. ²⁴ Jliaji yajicada cañaite-perri inai jlimatsicaca jlivacatsa jlidada; jliajitatsa jliaji matsidajli mitsa corrin jlimacacani. ²⁵ Jliaji atsia cafiokedajli jlivacaotso imatsicana- tjirrico, mitsa jliaji icadacada jlicaolre ajadajli Dios naco manacocaotsani. ²⁶ Aima naji yomacape cocacatsa matsiadajli itjajlicanatji inai , mitsa apadatsa Dios jliaji icadacada matsiadajli naiki isrro ²⁷ jliaji apada atsia matsidajlin icatsa jliaji imatsiketacada inaiki matsiaperri ivaopiakje, mitsa jliaji mayacandajli ivaopiakje napeyocan naji inaiki matsiperrin.