¹ Naji inaiki matsiperrin navacatsa imatsicacao,mitsa naji mtsiaperi naofacao caiji leön yafacapisho. ² Matsicada-nacotsa jlimenacaca jliaji pada itjajlicanatji apada jipainaco,mitsa jliaji matsiadajli itjajlicanatji imenacaca apada jipainaco jlitjajlicana-taca aima año. ³ Jliaji apada inaiki kjenadajli ikjenatacada apada kjenadajli cayocaniaji iiya caidadajli imatsicacapisho naji ipaniatji. ⁴ Naji corriperrri yoma shepaca jlia Dios yaco nacaiteacacao ,atsiperrin-cana; mitsa njaji shepacape jliaji Dios yaco matsi napa jliaji nanaitajli. ⁵ Naji atsianai matsiperrin corrivatsa coancaolree naji jliaji matsiadajli mitsa naji yomacape jliaji Dios najivatsa pjiomi jliaji matsiadajli. ⁶ Matiapjatoa jliaji apada kjenadajli jlicadacaca ajadajli, jlioya jliaji rricodajli matsidajli yacona. ⁷ Jliaji shepacada Dios yaco jlienipecan cajikjedajli,mitsa jliaji corridajli shepaca jlinirri yaco jlipaimanietaca jlinirri. ⁸ Jliaji ivaketacada aima jlipalratanio jlitacarropä jlinacoitje jlivaketacani jlirro jliaji kjenadajli icapaca naji kjenaperri. ⁹ Jliaji corridajli yoma jimica Dios yaco, corrintsacaotsa Dios jimi jlitataca jlinai. ¹⁰ Jliavatsa jliaji icadacada jlinaitja jlimatsinao jliaji apada shepacada jlivacatsaotsa icapa jlicoadao;mitsa naji inaiki matsiaperri nacapatsacjaotsa jlicoadao. ¹¹ Jliaji cananidajli cajikjedajli jliajiacacao jlivaopiakje-shovatsa, mitsa jliaji kjenadajli jliajikjesho jliajivatsa coajidajlica. ¹² Nacatjimata-cacadanacoa naji matsiaperri catjimacaotsana pjiomi, mitsa nacatjimata-cacadanacoa naji matsiperrin camitsa nadavacaca naoya njaji inaiki. ¹³ Corrivatsa matsiaca jliaji idavacada jlimatsina icao,mitsa jliaji icofasacada jlimatsicana Dios vatsa shata jlimatsicana. ¹⁴ Catjimacaotda jliaji yacada matsiadajli caidajlitsa ,mitsa jliaji itarratacada jlicaolre jlirrapjitacaotsa. ¹⁵ Caiji yavi kerroanisho o caitsacjani oso inoacacapishoa, jliaji apada itjajkicanatji matsidajli jlimenaca-cadanaco apacoa yacalre kjenadajli naco. ¹⁶ Jliaji apada itjajlicanatji matsidajlin icamitsa jlimatsike-taca,mitsa jliaji carridajli ikemi jlifacaotsa via jalredaoca jlico. ¹⁷ Jliaji inocada apada inaiki pacovacatsa-cjaotsa mayamican corrivatsa coca itjaita idanata jlioyan. ¹⁸ Jliavatsa jliaji yofacada ajadajli vaminajlivatsa ivapacan,mitsa jliaji matsidajlin jlirrapjita-caotsa ¹⁹ Jliaji idejicada jlipaiterrico jlirroatsa aima jliñaoda,mitsa jliaji corridajli ivaopia jlidejica corritsaotsa coancalre yami kjenacan. ²⁰ Jliaji apada atsia icadacada icaolteo jlirroatsa aima matsiadajli,mitsa jliaji yomacada cananicani kjeya jlirrapji-tjacaotsa. ²¹ Corrrin matsia papeyoca apadapenatsa apjetsida yoya,mitsa nini inaiki inaitjacape namatsicanava pjepada pansho. ²² Jliaji jitacada icaolreo cananicarron,corrivatsa jliaji kjenacajli inoca jlinaco. ²³ Jliaji apada yomacada ikitsindataca apada icaitepecada,jlirrotsa jlirroca jliaji ipeyokjetji. ²⁴ Jliaji iñaitocada jlinirri jlidoatsaca, jlicaite corricatsa pecadocan, jliacatsa nanacoitjedajli naji iñaitocape o inocaperri. ²⁵ Jliaji apada atsia ikemicada icamitsa jlicadaca nainoacacarroa, mitsa jliaji icadacada icaolreo waminajli-naco matsiacaotsani. ²⁶ Jliaji icadacada jlicaolreo jlinacovaca majicadajlin can,mitsa jliaji cajikedajli jlienitaca jlioya jliaji matsidajli. ²⁷ Jliaji ikitsindatacada naji kjenaperri,corrivatsa coancaolre kjenacan, mitsa jliaji corridajli yoma ikitsindataca kjenaperri jlioketacaotsa matsirri. ²⁸ Nacatjima-tacacadanacoa naji camatsicana-perrin,icamitsa nadavacacao naoya naji inaiki,mitsa jliocacada-nacoa njenana njeñacarroa naji matsiperrin,namaimatacacao naji matsiaperri.