¹ Mjetatsa picaolreo jlinaco jliaji tjevena ima corrin piaji coajica pjia tevena. ² Picada pada icaite piacona corrin pjivacacatsa icaite piaconao; ³ Jliaji jipai nite jliaji jipada jamiñaperricana mitsa jamiñadajlipjaca jliaji jlirroa jliaji majicadajlin. ⁴ Jliaji irroatji matsidajlican jlitjaita jlivaketaca piomi,mitsa jliaji matsidajli icapaca jlikitsinda matsidajlipja isrooatji yoya. ⁵ Matsiapjatoa jliaji pacaiteca jalrami njemio jlioya jliaji ipeyoacakjetji davacajlidatsa. ⁶ Matsiadajlica jliaji pikitsinda ikitsindatacada pjia piyapacadanaco matsi,mitsa jliaji matsidajli icapacapjia jlitaita jlipeyocapjia inaiki icapaotsa. ⁷ Apada inaiki kepinadajli jlitaita jlimacoadataca jliaji mapá,mitsa jliaji apada inaiki caividajli isrro mavitjacai jlitjaita jliñaca piomi cocacatsa. ⁸ Njaji inaiki imacacape nayacalre caicanaji vipjiarro imacacape narropocosho. ⁹ Jliaji pomenianjai nite jiaji jlitjan joividajli jlicada catjima pacaolre,potjiyadajlishoca jliaji pikitsinda icaitecadanaco pjia ajadajli. ¹⁰ Mamacoadatatsa naji pikitsiñapeji natsaca pjinirri ikitsiñapeji.madetsa naji pimatsicana jlipanajlico jliaji pikitsinda.Picacoadata jliaji tsomida-jlitsa yofaca pioya jlioya jliaji tëcodajli yavaca pioya. ¹¹ Picajiketacao,nirri, picatjimata nocaolre;niniotsa pitjaita pimacoetaca naji yomacape pipjeyalrecana. ¹² Pada atsia cajikedajli jlicapa jliaji matsidajli nite jlienitacao naoya,mitsanaji inaiki majicaperrin nava nite njerrapjitaca jlicoadao jliaji nanaitjajli. ¹³ Jliaji icaitecada icaveñaca apada icoenton corridajli jliaji,nite jlimatsicaca apama inarro cavilredarron inai,jlivayacavatsa pjiomi naji jlirrojli. ¹⁴ Jliaji icaitecada matsiadajli jlikitsinda isrro caidajlico piyonpina-cotoa, matsiotsa jlimotjoca jlirro. ¹⁵ Srroaji apama inaro corridarrotsa icada yacotji jiva rronaco caicanoaji iiya itsacjacavasho carrida yamica itsacjacao; ¹⁶ Corritsa coca itjaita imacoitacano caiji corricapisho patjaita pjepaca caojli o pjepaca jliaji aceite pacapi rrico. ¹⁷ Jliaji tsipalra jlikemata cao tsipalrashotsa;caitsacja naji inaiki naji nanacoitetsa naji inaiki. ¹⁸ Jliaji imatsietacada jaico iguera jliñjatsacaotsa jlinaca,nite jliaji imatsietacada jliminajli jlisrroatsa jlicoada. ¹⁹ Caiji apada icaocapisho jliecoa jinapjian onirico,caitsaca pacaoca jlicaolre jliaji inaiki catjimadajli. ²⁰ .Jliaji mayamicajli nite jliaji irirri corrivatsa coancaolre metjami najiacacao,caitsaca jliaji ikemicada corrivatsa coancaolre metjami jliajiacacao. ²¹ Jliaji palrata nite jliaji ovirro tjiyeshoatsa namatsietana;nite jliaji atsia namatsietaotsa nasho naji nacaiterri jlinaco. ²² Piñacada jliaji majicadajlin jamiñadajlisho caiji piñacapisho paniatji ishi,caitsaca piñacadata jliaji majicadajlin corrivatsa jlimacaca jliaji jlimajican. ²³ Pivapa caidajlitsa naji pinaikite nite pjita picaolre nanaco, ²⁴ Jliaji cananidajlica pja corritsa caidajlicaro-catsan.¿capjaotsa caidajlicarrotsa itjajkicanatjica pjä? ²⁵ Piyoa naji majlitsi vajliperri imotocarroa,piniva naji majlitsi avacadajlicoperri naiñacarro naji pipirra. ²⁶ Pidanatashapa pidaki naji nayan naji cordero nite naji cabra piventashopao pjipaiteva. ²⁷ Pirsoatsa cabra inia pirraoda piipana lrico njite naijaope njaji idenjicape pirso.