¹ Caiji jirrapitina capisho itamana jiwacao camoi lrico o iyao jiwaca pisho netacadanaco lrinaca lriaji napaniapji, caitsaca jirrapitinaca nacaiteca matsia lrinaco lriaji atsia manjicadalri ² Caiji vipjiarro manalredajlisho caitsacaji apapa cacoesho corridajli isrro jliarropoco caitsacaotsa jliaji imatsicantji,corridajli mashaca corrivatsa jlimatsicaca pjia. ³ Jliaji cabaiio pasrrotsa pamaivatacan,jliaji burro jlirro jliavantashopa nite jliaji majicadajlin pasrrotsa pjeñacan. ⁴ Corrivatsa pjiepaca jliaji majicadajlin caiji jliomacapisho,vade caicaotsa pjia jlicaisho. ⁵ Picada tjevakjetetsa jliaji majicadajlin vade jlivada jliapjaca yaji naoya naji apjetsida. ⁶ Jliaji imenacacada yacotji majicajlin inai caicaniaji jlimenacacapisho jlinai jliaji ipicacada jliatsaotsa jirrapjita jlicoadao. ⁷ Caiji corricapisho jlia técoa jliaji memacaajlin,caitsaca jliaji yacotji jlicaiterri jliaji majicadajlin. ⁸ Caiji papapica-pisho jipada apada hondanaco caitsaca piacada matsiadajli jlirro jliaji majicadajlin. ⁹ Caiji dovirri jiyapacapisho jalran idevanacada icapirrico caitsaca jliaji yacotji nanomajlicoi-tjeda naji majicaperrin. ¹⁰ Caiji apada iyavitacadasho inocada pjiomi naji jiyapacapeo jlicodapi,caitsaca jliaji icadacada apada majicadajlin ideji jlipanajlico. ¹¹ Caiji apana tsinosho icapococada jliña jlicatacalre,caitsaca jliaji majicadajlin jlipietatse-nacja jlinaitaca jlimatsicanao. ¹² ¿Capja picapena apada inaiki jlivacavacatsa?pavadapjatsa ninica matsiadajli jlinaco jliaji majicadajlin jlioya jliaji caidajli. ¹³ Jlicaite jliaji inodajlin:"¡nini apana yawi inipolrico!¡nini apana yawi yacalricoa lrico!" ¹⁴ Caiji pantinoma irrocapisho apafetsa, caitsaca lriaji inaiki inodalri lripana lrico. ¹⁵ Jliaji inaiki inodajlin jlieta jlicapi parratojlico mitsa corrin jlisrro jidatji jlidecarro jliñaoda jliunoma-jlicolre. ¹⁶ Jliaji apada inaiki inodajli cajikjedajlica jlicadacacao;corrin jlivaopia ninica apada caidajli jlicaisho. ¹⁷ Jliaji pada inaiki yevacada apana inaiki imatsicananaco caicaniaji pada jipacapisho tsino kerroani yéninaco. ¹⁸ Caiji jliyavitacapisho jliaji pada inaiki ipicacada, ¹⁹ cai jliaji inaiki imañetacada jlikitsinda nite jlicaite corricatsa ajadajli jliaji jlicaiterri. ²⁰ Canacaicapoa tjiyena, yajlimi jliaji tjiye;caitsaca corricada pacapa jliaji joividajli icashataca apadanaco jlivayacatsa jliaji matsica nacapacacao. ²¹ Naji tjiyemjen tjieyemjen kerraperri irrovalrecana jite naji tjiyena tjiye irrovalre cana,caitaca jliaji inaiki ipeyocada icadaca nainoacao. ²² Joiviperrica jliaco jliaji icashatacada apadanaco;mitsa jlimatsicatsaca pana ivaopiakje. ²³ Matsiaperri jlimotjoeta yacotji jliaji inaiki matsidajli ivaopiakje picoetje. ²⁴ Jkiaji matsidajli icapaca apjetsida isrro jliacoshota jlicada naji jlinaco jlirrocadana jlivaopiakjerrico jlinaitacarro matsi apjetsida isrro. ²⁵ Cacoatsa matsiajlicon,mitsa mjepatsaotsani,ima pacamica matsidajli jlicaolrerrico apjetsida icoetje. ²⁶ Jliomataotsa jlidavaca jlimatsicana mitsa najicaotsa jlinaco pjiomi. ²⁷ Jliaji jicacada cajliapji jlivacaota jliricoda nite jliaji idoitacada jipada jlidiatsena- caota jliva jliunaco. ²⁸ Jliaji cashadajlin matsi jlimica jliaji mashadajli,nite jliaji cacodajli tacapjiatsa jliomaotsa jlimatsiketaca.