¹ Matsaca nanji iacoti Salomón icaitenji, nadananji nanji Ezequías inaikite, talricanati Juda lricoda. ² Matsiadalri lriaji pjicadaca pjicaolre lriaji Dios imatsiaca, mitsa matsiadalri tsaca nasro nanji talricanatinai naomaca nanjikeo Dios inai. ³ Casho corricapisho pataitja pawica lriyenonca lriaji jalredaoca njite lritjewacaca lriaji jipai, caitsaca corrica pataica pjanjica nawopiake nanji talricanatinai. ⁴ Pjienita lriaji corridalritsa matsia lrinacodalri lriaji palrata, njite lriaji idenjicada tsipalra lritaita lricadaca lriaji palrata lriyeca naco. ⁵ Nini, pjienita nanji inaiki matsiperri lrioya lriaji talricanati, njite lriaji lritalricanatacarroda lrinaita watsa matsia caidalritsa. ⁶ Macadacatsao lripjeyalredalriaca pjia lrioya lriaji talricanati njite corri tsaca napjeyalredalrica nanji ianiki caaconape. ⁷ matsia pjá lriaji nacaiteca:"pino pjirracarropjá", lrioya lriaji napaimantaca pjia lripjeyalre lria caaconaite. ⁸ lriaji pjicapanda nanaitaca maatsi macaitetsa lriacona keya. ima ¿coca watsa pjinaita lripaimantacada pjia lriaji pjicodapicalri? ⁹ imatsietacao lriapiya lriaji pjicodapidalri irrocada iacoti maatsidalri icoetawaca njite corri watsa pjicaitepe lriacona matsidalri lriaji pjikitsinda ¹⁰ njite lriaji pjicaitependa isro lripaimantaca watsa pjia njite nacaitepeca watsa pjia lriaji corridalriwatsa pjitaita piyalrimitaca. ¹¹ lriaji icaitecada iacoti joiwidalri jiwacada nacalrelrico jirrapitinacada naco kaica lriaji iacoti iwirrisho. ¹² Caiji apada icapirrotisho ovirroda o caiji apada tsaya nanaitanda ovirrosho jliaji yajikjetji navapanda njemio. ¹³ Caiji japerrisho itjamanavieda njetacadanaco napania icatsa cai jliaji icaitecaita yacotji matsiadajli nasrro njaji namenacajli irron;jliyomjeta nadada jlidietacarrona jliminajli isrro. ¹⁴ Iyadaoca metjadajlishoca jliaco jliaji icaitecada yaca cocaca macoadatsa jite corrin jliacan. ¹⁵ Tacajlicotsa jlipadameta ivaopiakjetji jliaji caconaite;yacotji tacadajlishotsa yacotji jlimatsieta jirrapitjinadajli ¹⁶ Pioketacada mapaa,piñani tsotsa,mitsa piñacada aimani, picatacacaotsao. ¹⁷ Madiajitsa picodapidajli ideerre kjeyapida, vade pimapjitacan jite matsiotsa jlicapaca pjia. ¹⁸ Jliaji icaitecada yacotji ishatjitsa apadanaco caicaniaji apada martillo jaicodasho nadejinda ovirrico,o caicanji paita matseta kemaitesho o caitsacaji apjevi yavitjioco kemjevisho. ¹⁹ Apada atsia majicadajlin apada icadanda icaorleo inaco ninicadanaco jirrapitji-nadajli caicaniaji yeetsatji matsidajlinsho o caiji apada jipatji kjevakjedajlisho. ²⁰ Caicaniaji apada inaiki itjolroetada jlitsiorran japecadanacon,o caicanji narronda vinagre carbonato soda naco,caitsaca jliaji icantacada canción apada inonadajli icaolre isrro. ²¹ Caivicada mavitjacai pjiponda isrro,pia jliñao,metjacadá jlicaolre pia jlirro oni jlirrao, ²² Ima pimatsietaca jlividajlico jite Dios vcatsa icaveña pjia. ²³ Ajadajli caicaotsa pjiaji caojlisho inocada jerri yevajli nirreo idecada iiya,caitsaca jliaji yenenetji icaitcada yacotji davacajlitsa,jlimotjoatsa matsio jlirro. ²⁴ Matsiapatjoa paofaca pantji itonivinaco jlioya jkiaji apadapana pantji rrofajli nini srroaji inotji kerroadarro. ²⁵ Caiji oni japedajlisho nasrro naji matjaperri icaolre,caitsaca jliaji yacotji matsiadajli inojli jipai tecoitjeperri-rricoitje. ²⁶ Caiji onipao metjaperrisho o onipao caopitjada-jlisho jliaji apada matsiadajli napjeyalre naji matsiperrin. ²⁷ Corrin matsia paiñaca aima mapá;caicanji paomacapisho tjiyeva apada tjiyeva yápotjetje. ²⁸ Apada inaiki corridajli itjaita imatsietacacao jlivacatsa caicanji apacoa yacalre yofacada jotjojotjo-pajlirrico corridajli isrro jlicorrarran