¹ makemitsa nayarro naji inaiki matsiperri, corri tsaca pjipacoatja pjiwopiake naapiya ² nini lriaji nacaolre icamitsa nanaitacarro matsi njite lriaji naaco icamitsa nanaitacarro matsi apa isro. ³ yaaniketi sho lriaji inaiki lrinaitja lripanawa matsiadalri njite lriaji lriyekja lrisrowawatsa. ⁴ Iwopiaketi matsiadalisho watsa pakjami lriaji lripana njite lrisro watsa lriyasro matsiaperri. ⁵ lriaji tsosrodao kanjikedalri kjaidadalricani, njite lriaji atsia kjanjikedalri lrisropjáca lriwopiake matsiadalri pana ioya; ⁶ nini lriwopiaketi kjanjikedalri sho watsa lritaitjá lriametaca lricoema njite lrimicapoa iacoti matsiaperri lritaita watsa lrimacoadataca lricoema. ⁷ lriaji yaanjiketi corritsa coadaca lrisro lriaji corridatsa iomaca yaanjiketi; corrin lrimeco pantinoma corrin tsaca lrimeco lrinoma lriomacarro lrisrowawa. ⁸ nini inaiki iwopiacape inaitaca matsia pada isro, nini piomi naji inaiki nacaiteca lrinaco atsia maatsidalrica. ⁹ lriaji iwopiacada maatsidalritsa pada inaco lrinaita maatsi njite naji inaiki kaiperri maatsi watsa naacona. ¹⁰ picadacacadá inodalrica pjía nadenjicadanaco naji aimadam, nini watsa lriaji pjidaa lriorroco watsa pjiomacadanaco pjidenjica. ¹¹ 11pjiyometjá naji inaiki nadenji nainocarronjá njite pjimatsieta pjinaiwa naji inaike nacaitenji iacona nainocarronjá ¹² Pjicaitecada: corrin njoanji nanaco nanji, ¿pjá corrica lriaji nanaco lria icaitaca watsa naacona? lriaji imatsietalri tsaca pjicafica, ¿pjá corrin pjianji Dios watsa icaiteca naacona lria watsa icada nerrapitjá lricoda lriaji nanaitalri? ¹³ Noenipe, piña maapa ima matsiadalica, ima njewacao nanji lritopjeke potiyaperri najoiwitashoda pjienene. ¹⁴ Caitsaca lriaji yanjiketi lrijoiwitashoda pjicaolre, pjioketacadanaconi, nini watsa pjisro matsiadalri corridalritoa pjicapa njite lriaji pjiomanda pjicapaca corri watsa lrisro lrinana. ¹⁵ mawapatsa pjicapa caiji nacashosho naji inaiki machiperri namatsicarro lripana lriaji inaiki matsiadalri ¡mamatsicatsa lripana! ¹⁶ Nini lriaji inaiki matsiadalri lriwacada watsa siete walria njite lrinico shenaca, mitsa nanji inaiki maatsiperri corri watsa napieta njenicoca lrioya lriaji namatsicana. ¹⁷ macatimatjá catsa pjicapacadanaco lrirrapitaca lriaji pjicoema njite corrin pjijoiwitaca lriaji pjicaolre pjicapacadanaco lriocacadanaco lrinana lrirrapitaca, ¹⁸ ima lriaji wa-Minalri Dios lricapentsa njite lria watsa jita lrioya lriaji lrirrapitalri njite lria tsaca jita lrioya lrisroa. ¹⁹ metjátsa pjicaolre nanaco nanji inaiki maatsiperri, njite macapatsa pjicawa nanji inaiki inaitjácape maatsi, ²⁰ nini nanji inaiki maatsiperri corrin nasro nawopiake matsdiadalri napjeyalre njite lriaji nacamarranjá yalrimica watsa. ²¹ noenipe, pjifio lriwana lriaji wa-Minalri Dios, njite pjifio tsaca lriwana lriaji talricanati; corrin pjipacoacata pjiwopiake nainai nanji corriperri sheepa naco, ²² ima lrioca watsa lriaji nerrapjitashoda nanaco njite, ¿corrin nanji coancadanaco watsa lrioca nanaco naisroa nanji yamadadé? ²³ njatsaca nanji nacaitenji naji isrocape yanjiketi. lriaji icaitecada matsia pada iacona lrisrocapoa lriyarro corrin lrinaitjá matsia. ²⁴ Maatsi watsa lriacona lriaji inaiki icaitecada: "matsia lriacona lriaji inaiki maatsidalritsa", njite nanji paana yacalre nacaite tsaca maatsi lrinaco lriaji inaiki inaitjacada cayo ²⁵ Nanji jirrapitetacape nanji inaiki maatsiperri nasro watsa matsiadalri njite nasro tsaca lricoada matsiadalri. ²⁶ lriaji inaiki shepacada iacoti matsiadalrisho, lricañatja lripeyoca lrikitsinada ²⁷ pjinaitja pjikinkilrewa pjiapanacarro pjipanaiawa njite pjiapana piomi pjaniati lrirricoda; njite pjinaitja pjipanawa ²⁸ Macaite tsa lriacona maatsi lriaji pjicodapidalri corricada lrinaitja maatsi njite mamotoatja tsa ishati pjinomalricoite. ²⁹ Macaite tsa: nonaitja tsa lrisro maatsi caiji lrinaitja capisho nosro; njodieta watsa lrisro caiji lrinaitja capisho nosro maatsi. ³⁰ Noyapa lrinomapi lriaji lripaniapi lriaji atsia inodalri, noyapatsaca lripaniapji lrico lriaji atsia mawopiakedalri ³¹ Opi dowirri imotoa piomi lripaniapji lrico; lriaji jipai opi dowirri ipacantjá njite lriaji lriwai opi lrifao jipai lrico. ³² Mitsa njocapa njite nocada nowopiake lrico; njocapa njite nowapa njomi iacoti matsiadalri ³³ Pjimacapisho keyatsa, pjiwida jiwanicapisho daimicapoa pitji, pjicadacapisho picapi pinacoa piafetacarro, ³⁴ Njite lriaji kenacalri njite lriaji pjimanjikja naoca watsa pinaco corricadanaco piwapacao.