¹ Piofa cadanaco piña itajlicanatji inai,pisrrotsa picapaca matsia cocaca naji pipvajli ipjeyalre, ² pisrrotsa piavantaca caivicadetsa pisrro mavitacai pjia ipeyocada iñaca aima. ³ Maomatsa piñao matsina iñaodatji matsidajli, ima iñaodatji matsidajlican. ⁴ Madejitsa jorre caidajlico pisrrocarro piyasrroajeo;piaji pisrroenkena yajiletji pivapacaca-rroa. ⁵ ¿Capjaotsa pjitaca picaolreo inanitjinaco?Navayacacao-tsao ajadajli pirocatsa pipje caiji perri ipjesho piarra-caotsao enojlicolre. ⁶ Maiñatsa apada iñaoda majicajlico nite maomatsa piñao jorre; ⁷ Ima corrin piaji coamica jicaolre jliaji atsia icamitsa jlicada jlicaolre iñaodatji icoadanaco.¡jlicaiteotsa pirro piña pirratsaca!mitsa corrin jlicaolre-rricoite jlicaite. ⁸ Picatjacaotsa piñanda tsotsa nite pimatsikete piaco tacadajlitsa ⁹ 9Macotsa pjia ninicadanaco jliaji majicadajlin ima jlimacoa-dataotsa jliaji picaiterri matsiadajli. ¹⁰ 10Mjenitatsa pada jipada opidajli navishopa jlinana o pjitacanta manirridajli jipaite, ¹¹ 11Ima caidadajkica jliaji ivapacadana jliavatsa ivapacan picoetje. ¹² Pivaopia picaolre-rrico nocananta-shopa pjia nite pjimi naji yacotji cayecjaperri. ¹³ Maivarrotsa nacantaca naji yempetjipe ima piñacada jaicoa- posho,corrivatsa mayami-carron. ¹⁴ Pirrotsa piñacan jaicoapo-sho nite pimanaco-taotsani infierno yoya. ¹⁵ Noenipe,cajicadajli-cada picaolre,nite catjimavatsa nocaolre; ¹⁶ Catjima- paotsa njoa njomicadanaco cacoca pjia mayacan. ¹⁷ Mamatsica-tsa picapa picaolre- rricoite naji camatsi-canaperri,mitsa pivio Dios ivana jalredaoca icoan. ¹⁸ Ajadajli nocaite nini corriperri-tjoa pacapa nite jliaji pivapajli picapa corritsa coca itjaita jitaca pioyan. ¹⁹ Pjimi pjia noenipe, nite cajikjeda jliotsa pjia jite pimayancata pivaopiake piapovanaco. ²⁰ Majitsa nainai naji idevanacape,corrintsaca nainai naji iñacape iipetji ²¹ ima jliaji irracada jite jliaji camoninajli kjenacaotsana ima jliaji idainitji jlicadacaotsa njeta natsayanio tserrempen. ²² Pjiepa pjinirri yaco jliaji imotjoeta-cada picapa jalredaoca jite mamacoadatsa srroaji pjidoa pekirrica-danacoenano. ²³ Piventa srrorro cacoadadajli mitsa corrim pivendeca srrorron;pioma srrorro yajiketji,jite nacananta-shopa,jite iyecatji. ²⁴ Catjima aima jliaji irrocada jlienipe yepecada,jite jliaji icadacada cajikjeca jlienipe catjimaotsani jlienipe icaitje. ²⁵ Picatjimata pjinirri pjidoatsaca jite picada catjima nacaolre naji icadacape pimoto picapa jalredaoca. ²⁶ Noenipe, picada picaolre nonaco jite picapa coajica nonaitaca. ²⁷ Ima inarro cavilredarron-shoca jliaji iñakjetji tjevacalredajli,jliana tjevacada-shoca srroaji inarro matsidarron. ²⁸ Srroaji rromaca caiji cañaiteda-jlisho jite rroketa aima matsiperrin nanacoite naji inaiki. ²⁹ ¿Coca irro coyokjetji?¿Coca irro inonacajli?¿Coca isrro inoacakjetji?¿Coca icaite apada yacona?¿Coca isrro icaiyatji micjapantsa?¿Coca isrro jlitji irraidajli? ³⁰ Naji ipeyocape irraodatji,njatsaca yacape yoma jlitepen. ³¹ Macapatsa jliaji irraodatji irraicadanacon,jlitsiacadanacoa tazajlico jite jliorrocoa tacatsa. ³² Mitsa piketen capoacani caiji apisho jite jlioco caiji apisho. ³³ Pitji icapaotsa naji macapacanapetsa jite picaolre icaitecaotsa naji macadapetsa. ³⁴ Caicatsapiaji apada mayamdajlin mar rrico o piorroacao yeno jaiconaco natodaji jipainaco. ³⁵ neñaca njoa,picaiteotsa,"corrin cayaonica njoa.Neñaca njoa,mitsa corrin caivica njoaji.¿njonicocadanaco njoemao? Nomatsenaca apada irraodatji."