¹ Waminalri catsa iaji lricaolre naco lriaji talricanati, lriatsa icate kerrecatsa lrioma. ² Apadatsa jliaji inaitjacada jliaji canaanidalri njite jliaji kjenaalritsa. Wa-Minalri-tsa inaitja padenirrina. ³ Matsiapatoa naaji panaitaji Waminalri irso naoya naaji maficalri pamaitaji. ⁴ Maatsiperrica naaji iajicaperrica padalrecana ima lriji nanaitalri mashidalrican ⁵ Piomi naaji matsiaperri iwaopiakje nacapaotsa matsiadalri lriaji maashidalri iwaopiake kenacaotsani. ⁶ Picananta jlia yenpetida covca njaji matsiaperri lrirsolritsa lrinaitjaca, njite pekirri cádanacoenaotsani corriotsa jliená carroca lrioya. ⁷ Lriwayaketacaotsana lraji nanaitanda naaji maashiperrin corricapoa naoma nanaitaca lriaji mashiadalri. ⁸ Lriaji mashidalritsa yowacawa jirrapitina watsa lriocacawa mashia mitsa lriaji yowacada mashiawa catimawatsa lriofacao. ⁹ Matsiapatoa paofacawa pawacatsa rroya shoaji inarro cainoacakedarro apadapana panti mastiadalrirrico. ¹⁰ Lriaji mashidalri icamitsa lrivaopia lrinaitaca maashi, corrin kena lricapaca lrikishinda irso. ¹¹ Lriaji icacada apada icao, lriaji paotsa lrioya njite nacanantadaco naji inaiki nanaitaotsa caiji nawaopiake yomacapisho. ¹² Lriaji Dio lricapentsa coamica naofacao naapanalrico njaji mashiperri njite lritsaotsa iwayaketana. ¹³ Naaco njaji inoperri: ''¡A apana yuaawi inipo lrico! Corrin nooma nainoca njoa nacapa cawa njaji inaiki.'' ¹⁴ Irrirri tjewacadalri shoca roacoam rsoaji cawilredarrom; Pjiomi njaji jiyapacape roapiya icamitsa nakerroataca Dio. ¹⁵ Manjica catoa jiaji yempeti tso-cádanacotoani, mitsa jirrapiteta cada jaikjiwi sho lrikjaote matsia watsani lrioyan. ¹⁶ Jliaji jirrapitetecada apada inaiki kjenadalri lrirsocarro pja aima lriyarro, o lriaca lripalratan ape canaanidalri irso, kjena watsan lrikjaote. ¹⁷ Piwapa pjimi matsia pjinacolrico sho pjimí-carro coajica caacoca jliaji inaiki canjikjédalri njite picadaotsa naofawa picaolre ricó jliaji noanjikje nocaiterri pjimi, ¹⁸ nanaitjaotsa matsia pirso corri cadaa pimaodaca naoya picaolre ricó, ima njacaotsa caaco pjia inaco. ¹⁹ Pitaitá-carro picadaca picaolre mapaimantsa wa- Minalri naco, icatsa njaji nocanantalri inaco pjia panaya. ²⁰ Nodana pirso trenta yacoti nocananta shopa pjia pianjícarro coajica njite pirsocarro yanjikjeti, ²¹ nocanantácarro pjia yacoti ajádalri sho pataitanji pacadaca pacaolre inaco matsia, pitaitácarro pidietaca yacoti narso njaji imenacalri pjia noderse. ²² Mañaitotsaotsa jlaiji kjenadalritsa kjena capoatsani, madetsa jliaji kjenadalri talricanati ikjaolre pioma carrotsa lridejica pirso, ²³ ima Dio watsa ikitsindatani lrikjaote jliaji pinaitjalri lrirso, Jlia watsa ikjenata njaji jirrapitetacada apada kjenadalritsa. ²⁴ Maomatsa pikitsindajica jliaji iwapacada inaiki kerroadalri njite corrin tsakja piemanji lrinai jliaji ikerroataacacadawa kjeya, ²⁵ ima wadetsa cayo catsakjaotsa pjia njite pjiwacatsa inaitja maatsi pirsowacatsa. ²⁶ Mjepatsa lricaapi rico jliaji inaitjacada apada yacoti lricaitecawa lrinaitjacaotsa apada, o apada icaitecada lricaoñacaotsa apada icoentoni. ²⁷ Corri cada pirso picaoña shopani, ¿Cocantja itaita idanataca pjia lrioya jliaji iomacada ideeca piorsoacarroita pidewe capoani? ²⁸ Macarsetatsa jliaji pjipaite jinaa iocacawa nakjenanatacawa pia njaji jinirrinaipemi. ²⁹ ¿Capja picapa apada atsia yanjicada idenjica matsia? Jliaji atsia caidalri lridenjicaotsa talricanati caconadalri irso; corriotsa lridenjicarroca mipem inaitsa.