¹ Waminalri catsa iaji lricaolre naco lriaji talricanati, lriatsa icate kerrecatsa lrioma. ² Nacoamita naji inaiki nawaopiata nanaitaca lriaji matsiadalri, mitsa Waminalri cadeca iaji picaolre ³ Matsia pjatoa njaji panaitaji wa-Minalri irso naoya naaji maficalri pamjaitaji lrirso. ⁴ Maatsiperrica naaji iajicaperrica padalrecana ima jliaji nanaitjalri matsidalrican. ⁵ Piomi naaji matsiaperri iwaopiakje nacapaotsa matsiadalri lriaji maashidalri iwaopiake kenacaotsani. ⁶ Naaji picashataji pita piyarrowa nañacaotsa cayoji illadaoca iñacapishowa. ⁷ Lriwayaketacaotsana lraji nanaitanda naaji maashiperrin corricapoa naoma nanaitaca lriaji mashiadalri. ⁸ Lriaji mashidalritsa yowacawa jirrapitina watsa lriocacawa mashia mitsa lriaji yowacada mashiawa catimawatsa lriofacao ⁹ Matsiapatoa paofacawa pawacatsa rroya shoaji inarro cainoacakedarro apadapana panti mastiadalrirrico. ¹⁰ Lriaji mashidalri icamitsa lrivaopia lrinaitaca maashi, corrin kena lricapaca lrikishinda irso ¹¹ Lriaji icacada apada icao, lriaji paotsa lrioya njite nacanantadaco naji inaiki nanaitaotsa caiji nawaopiake yomacapisho. ¹² Lriaji Dio lricapentsa coamica naofacao naapanalrico njaji mashiperri njite lritsaotsa iwayaketana ¹³ Jliaji corridalri yoma ikitsindataca apada kenadalri, corritsacaotsa nakitsintacani lriomacadanaco nakitsindata. ¹⁴ Jliaiaji nanda apada irso macoadatsa dawacalritsa lrimerroata jliaji kerroadalri, njite jliaji ipojliacadawa lrirroa sho tsakja. ¹⁵ Nanaitja cádanaco matsia ape irso, icamitsa catimaca jliaji inaiki matsiete, mitsa narso njaji inaitjacape maatsi icamitsa maatsica narso. ¹⁶ Jliaji shenacadawa lrioya jliaji yanjikjeti icamitsa lriacawa mayamicalri ikjaolre. ¹⁷ Jliaji iomacada icatimataca lridada nasho njaji lrirsolri icamitsa kjenacani; njite jliaji ipeyocada yanaca corriotsa lrirsocarro lriyarroaji. ¹⁸ Jliaji atsia matsidalritsa iwaopiakje jlirrapitaotsa lrikjaote jliaji inaiki matsiete ¹⁹ Matsia pjatoa paofacawa jalrapocolri ricó lrioya jliaji paofacawa roapiya rsoaji paino kerroanarro cainoacakjete-darro. ²⁰ Aima inaaniti njite iñjaodati canjikjedalri iipanalri, mitsa jliaji manjicadalrim lripeco lrioyao pjiomi. ²¹ Jliaji inaitjacada matsia njite catimani; jliaji inaiki cayodalri lriofaotsa wia jalredaoca lrico, matsia watsani njite caconaiteca narso njaji inaiki. ²² Jliaji irsocada aima lrianjikje lrino nayacalre njaji inaiki kjaidaperri, njite lriwayaketa yacaalre iwaida taimidalri nacadanda nacaolre inaco. ²³ Jliaji iwapacada lrinoma njite lrienene tsakja matsidalri ioya, corriotsa matsiperri itsomitácarroni. ²⁴ Icaacadalri apjetsida naco njite padalredalrimca lriipitana jliaji yanjiacacadawa matsia pjaca apjetsida ioya. ²⁵ Icamitsa mayamicani mawitacai sho jliaji inodalrim iino capoa lridenjica. ²⁶ Icamitsa jliyapetaca padaa lrikemica naoya, mitsa jliaji inaiki capondalri corrin lrifarroca apada ioya. ²⁷ Corrin wa-Minalri ipeyo icapaca na- ofrendani njaji matsiperri iwaopiakje ima matsicalri ricoca naani. ²⁸ Jliaji icashatacada apjetsida naco icamitsa mayami caotsani, mitsa jliaji yanjicada jimica matsia, lrianji watsa jliepaca natatja cádanacon njemio. ²⁹ Jliaji matsidalri iwaopiakje lrianjiacawa matsia capishoni, mitsa jliaji inaitjacada matsia corrin coca ikjoete lrifiowa. ³⁰ Corrin pacapa pada yanjikjeti matsiadalri Dio ipeyajle, corrin tsakja pacapa pada iwaopiakjeti njite iyecati matsiadalri lrirso. ³¹ Namatsieta jliaji caballo lria carroenatsa oowi ricó, mitsa Dio-ca jliaji icada jliaji shama kjeti.