¹ lriaji irraodati icatsa icadacada lripocotao lriaji iwopiaketi; lriaji shenitacada lriwopiake lricaote lriaji irraodati corritsa inaiki kanjikedalrica. ² lriaji lrisroa lriaji pada talricanati cayonji yawi kesroadalri yematacapisho; lriaji yoomjetacada lrisrowawa lriatsa watsa iwayaketana. ³ matsiadalrica lriacona lriaji yeenitacada naoyawaca naji yoomacape inoacacao, mitsa lriaji cafiokedalri lriomaca lridanawa. ⁴ lriaji aatsia inodalri corrin lrimatsiena jipai lriapanacarro onialrico; lrimotocadanaco watsa lrioma lriyadawa corri watsa lrioketaca. ⁵ Jirrapitinadalri pajica lriaji lriwopiake lricaolre lricoda lriaji pada inaiki, mitsa lriaji kjanjikedalri lrimotoeta watsa l katinacarro. ⁶ Aima naji inaiki icaitecape pacadacarro pawopiake nanaco, corrin pacapa kaidalri inaikica nacaitecapisho? ⁷ lriaji inaiki matsiadalri lriofa warsa kanjikedalri sho njite naji lrienipe nasro watsa matsiadalri ⁸ lriaji talricanati lriofacadanaco lriofacarrodanaco lricaitecarro nacona naji inaiki nini lritjimolretaca lriaji inaiki matsidalri. ⁹ ¿Coca itaitja icaiteca: corrin jnonaita nomatsicanawa; corrin coca nacaite jnomatsicana? ¹⁰ lriaji pawishopa lrimiñaca corridalritsa matsia njite njawishopa maatsiperrin, corim matsia Dios icapaca nasro. ¹¹ lrinaitjanda naco panji lriaji iempeti, lrinacotsaca lriaji lrinaikica. ¹² Naji pjenacolrico pjemishopa njite naji patji pacapashopa, lriatsa lriaji wa-Minalri inaitanja. ¹³ Mjemapatsa jorre kenadaotsa pjia; pjicafiawa jnite pjirrocarro pjiñawa jorrepja. ¹⁴ Macoadatsa lriventaca lriaji iventacada mitsa lriaakena lrivende, lrivende cacoadapja ¹⁵ Cacoadadalri pjaca owirro ioya lriaji inaiki cacodalri yanjiketisho, mitsa lriaji lriaco cacoadadalri pjaca naoya naji jipada cacoadape ¹⁶ Ape jitacada palrata apada inai toa lriaji yacada palrata lrisro lrita watsa lrioya lritsayani toa lripalrata icoada, njite lridieta watsa lrisroni akerreca lridieta lripalrata lrianda lrisro ¹⁷ lriji iñaodati lritanda ishati sho, mitsa lriaji lriñaoda jipitica watsa lrinomalrico. ¹⁸ lriaji lriwopiake lriaji pada lrimatsieta watsa lripadada matsiadalri nacaitenda njite lriwopiake kanjikedalrisho watsa lriwayaketa lricoema ¹⁹ Jliaji yajicada icaitepeji jliminda inaco corrin lritaita lridawaca apada idawanda iicao niini corrin matsiaca caacoca sha aima calretsa. ²⁰ Jliaji icaitecada yacoti matsidari jlinirri, njite jlidoa naco, kjaya tsaotsa mayamicani cayoji yalrim capisho lampara cadaoca-werrico. ²¹ Corriotsa matsia carroca lridejica jliaji nanda irso lriyadawa jlinirri imacanda lrirso jlinaana ipjeya toa. ²² Macaitetsa cayoji: ''Nocaoña watsa pjia lrikjaote jliaji nomatsicalri pioya. '' Matsia pja piwapaca Dio naco njite jlia watsa iyomjeta pjia. ²³ Matsi Dio icapaca jliaji imañetacada apjetsida lrisho jliaji lriwishopa jamiñadalri ima corrica matsia. ²⁴ Ima Dio-ca yají lrinaco jliaji lrinaitjalri; niini jliaji inaiki corrin lritaita lriajica jliaji lrinaitjalri? ²⁵ Corrin matsiaca lrirso jliaji inaiki lricaite cadaa kjeya apada yacoti: ''fenitandaca matsidalri ioya jliaji,'' lridiá carroenakja lriwaopia coanshopaca jliaji lrinaitjalri lrinaitja cayamina jliaji lricaitenda lrinaitjaca. ²⁶ Jliaji talricanati matsiadalri jlienita lrioyawa njaji inaiki matsiperritsa iwaopaikje, njite lricadaa njerrapitaca matsinaa. ²⁷ Lriaji Waminalri espirito icatsa lricamarranaca lriaji inaiki lricapacarro piomi padawaji. ²⁸ Corriwatsa coca jita lriaji talricanati lriofacarroda lricoite lridejicadanaco matsia ipeyoketinaco ²⁹ Pafio pacapaca lrida ima lriaji aachia yempetitoa mitsa lriaji pekirri pafio pacapacani lripekirrica ima. ³⁰ Lriaji jirrapitaketi lricada lritaca apada inaiki yoya nite lricadatsaca machiacana naji inaiki.