¹ Jliaji corridalritsa matsia iwaopoiakje lriofa tecotsa naoya njaji lrikitsiñape njite corrin matsia lricapaca njaji nanaitjalri matsia. ² Pada mawaopiakjédalri corrin lrioketaca itimati yajikjeti naci, icamitsa lrianjica lricaite nanaco njaji lrirsolri lricaolre ricó. ³ Lritsomita cádanaco inaiki jliaji apada inaiki matsidalritsa, náno tsakja lriinai njaji menacalri, ipaimanti, corrin coca iomani. ⁴ Caco cádanaco jliaji atsia cajikjedalri cacocani yacoti jirrapitinaperri pajica coanshopacana cayoji ooni tjewacadalri sho; ima lrirsoca aima yajikjeti lrinaco cayoji aima capisho ooni lrimotocawa lrico. ⁵ Corrin matsia matsiete cada pja lriapiya jliaji inaiki matsitetsa, njite corrin matsiaca corri cadaa pakitsindata jliaji inaitjacadatsa matsia. ⁶ Caco cádanaco jliaji inaiki mawaopiakjé-dalritsa icamitsa lrideca inoaca kjeti njite nainoetani lricaitenda ikjaotetsa. ⁷ Lrinoma imatsa corrin coca lrirso jliaji mawaopiakjé-dalri, lrinaitja lrimatsicanao jliwacawaaca tsa. ⁸ Njaji yacoti ishatipetsa cayocana iñjaodati joiwipewrri sho niini namarracawa pawawa lricojle ⁹ Jliaji inodalri idejica pacoacani lricayosho jliaji mawaopiakjedalrim, njaji iwayaketacape pjiomi. ¹⁰ Lriipitana jliaji wa-Minalri pada ípitanati taimídalri cayoji taimi capisho lriemacawa jliaji nemetanda yemawa yenon jiipada sho; niini njaji inaitjacape matsia njeco lrikjaolre njite icamitsa matsiacana nirse. ¹¹ Jliaji cayarroajidalri aima lricadaa lricaolre nanaco njaji lrirsolri cayoji pada yacaalre icada capisho lricaolre lriwai taimidalri naco. ¹² Lripjeya toa kjenaca jliaji apada atsia, padalre toani, mitsa lripjeya caconaaca apada lrinita toa lricadaca kjenadalrica lriwaopiakje. ¹³ Jliaji shepacada apada lripjeya toa jlimica jliaji lricaiterri lrirso icamitsa capaimanica lricao njite majíca capoani. ¹⁴ Jliaji inaiki iwapacada matsiadalri corriotsa mayamicarroni ipoati kjaidadalri sho, mitsa jliaji orraidalrim iwaopiakje ¿capaotsa yomjeni? ¹⁵ Jliaji atsia irsocada iwaopiakje iomacada irso pjaaca lriajikjeo lrirsocaotsani, njite njaji yajicape jimica narsowao matsiaperri naji njemica njaji yajikjetimatsiaperri. ¹⁶ Lrinaitja capoa matsia jliaji apada, lritaita lrioketaca lrirsowao coca catsa njite lritaita lridejica caconacawa lrico. ¹⁷ lriaji initacada icaiteca corrica lrisro lrimatsicana, mitsa nini naji icapacape jnite nacaiteca lriacona lriaji lrimatsicana ¹⁸ Naji maatsiperri iwopiake nacoetewaca corri watsa nataita namatsietacao icamitsa imatsietalri nja lriaji Dios. ¹⁹ Jirrapitinadalri lriaji pamatsietaca paineiwa lriaji pjakitsinda pamacadawalretanda lrioya lriaji pada yacalre kjaidadalri njite caiperrica naji iacoti maatsiperi caiji lriwaida sho lriaji yacalre ²⁰ Matsia watsa lriaji imotoetacada iacoti matsiaperri; piomi naji lricaiteri lricatimata watsa jna. ²¹ lriaji pienene lride watsa pjia matsicawalre o maatsiacawalre, jnite lriaji picaiterri pjiwacatsa jirrapita lricoada. ²² lriaji ioketacada inoa, lrinata maatsia njite lrioketa watsa matsiadalri Dios inai. ²³ Pada inaiki kenadalri lrioma nakitsindatacani, mitsa lriaji kananidalri lrinaita kjeya. ²⁴ lriaji isrocada jorre lrikitsiapanji keya watsa lrimatsicacao, mitsa lriaji isrocada padatsa ikitsinda corri watsa lrimacaca lriyapacada naco maatsi.