¹ Matsiapa paowaca macotsa paiñaoda yapiya tsodalritsa,lrioya lriaji apadapana pantji ninicawa aima iñaodatji aimatsaca isratji. ² Apada nasrodalri cajikedalri imenacacaotsa apada yenpetji inaitjacada capaman nadalri jite lricadawatsa lrisro lriyaroañe caiji apada lrikitsindashocatsa. ³ Lriaji crisol palrata icaoya nite lriaji namaitacarroda ovirro icaoya,mitsa lriaji waminalri lrimatsieta nacaolre. ⁴ Apada inaiki inaitjacada matsi lrimica nacaiterri naji matsiperrin;apada cashaadalri lrimi nacoan naji iwayaketacape. ⁵ Cocacada imacoadata kenadalri lrimacoadataca lriaji inatjacadani,nite lriaji catjimatacada lriaji matsidalri lrirrapjitacaotsa. ⁶ Nadakenai icatsa naji cacoadape nasrro naji pekipenai caiji coronasho nite nanirrinape icacoadata naji neenipe. ⁷ Corrin joivi matsiperrin icapa lriaji cacopedadalri aima;Nite macoadaperripaotsa nacoan naji cashaaperri lrisrro lriaji italricanati yenipe. ⁸ Jipada cacoadadalrishoca lrisrro lriaji icaitepejicada matsiadalri ima lrioketacaotsa matsiadalri akjerrecawaca lriawa. ⁹ Lriaji yanicada lrimatsicana riomaca itjimatji,mitsa lriaji iwaopiajicada lrimatsicana lrienitacaca lrikitsiñapeji yoya. ¹⁰ Apapiatsa nacaiteca lriji cajikedalri lriajina coanshopaca,lrioya lriaji majicadalrin neñanda cien veces corrin lriepaca. ¹¹ Apada inaiki majicadalrin icamitsa lrima matsidalri,nite namenaca lriderre idecada yacotji cashadalri ¹² Matsiapa paoketa apada osa lrioya lriaji iñaitocada tsinoenpe lrioya lriaji paoketaca apada majicadan lrimajican ima. ¹³ Apada inaitacada matsi nanaitacapoa matsia lrisrro, corriwatsa matsidalri jiyapacarro lripana yoya. ¹⁴ Lrinitacadacoa lriaji matsidalri caicaniaji apada yarrocapisho oni piomi akjerrecatsa,nini yenitaca yoyao yepacakjetji lripeyatoa initaca matsidalri. ¹⁵ Nite lriaji icaitecada matsiaca lriaji isrrocatsa lrimatsicana nitetsaca lriaji icaitecada matsi lrinaco lriaji matsiadalritsa ,pacowaca matsicana waminalri isrro. ¹⁶ ¿Coadantao apada majicadalrin icaveña palratasho lriajicarro yajikjetji naco, corricadana lritaita lriajica? ¹⁷ Apada pakitsindaji catjimadalri caidalritsa nite paverrishocatsani inonacadanaco pja. ¹⁸ Apada majicadalri icaitecada yaca lriyarro apada isrro lricada lricodapidalri idevecani. ¹⁹ Lriaji ipeyocada icaitepjekjetji lripeyoca lrimatsicana;nite lriaji yacada aima lriyarroaji lriomaca lriwayaketacacao. ²⁰ Lriaji isrrocada lriwaopiakje matsidalri corrin lrioketa tso matsiadalri;lriaji cacodalri matsi lrioketaotsa jirrapjitakjetji. ²¹ Lriaji ikitsindajicada apada majicadalrin,lrideca inonacalri lrirrowawatsa;corrin catjima lrinirri lriaji mjepacadalrin. ²² Lriaji isrrocada lriwaopiake matsiadalri cacaniaji tapesho lrisrro . ²³ Apada matsidalrin lripeyo icaitepjekjetji dawacalritsa lrimatsiketacarrotsa lriaji matsiadalri. ²⁴ Lriaji isrrocada yajikjetji lriomapja lriaji yajikjetji,mitsa lriaji matsidalrin lricapajica piomi cakerrecatsa. ²⁵ Apada yenpetji mjepacada icatsa imacada lrinirri icapaca nite inonatacada lridoa. ²⁶ Corrin tsaca matsia pjerrapjitetaca apada mamatsicanadalritsa;corrintsaca matsia pafietaca caconaite ajadalri ²⁷ Lriaji isrrocada iwaopiakjetji matsiadalri corrin cacoca aimani nite lriaji isrrocada yajikjetji lricaite yacotji mayacan. ²⁸ Nite lriaji majicadalrin lricadaca yajicadasho corricadanaco lricaitepeca yacotji;nite lriaji maacopedalritsa icatsa lriaji cajikjedalri.