¹ sroaji inasro canjikedarro sromatsieta sropaneta, mitsa sroaji inasro mawopiakedasro icamitsa srowayaketana ² lriaji inaiki matsiadali iacona lrinaitjaca caiji Dios icaitecapisho, mitsa lriaji inaiki maatsidalritsa corrin lricoadata. ³ maanjicaperrica naji cacupeeri matsia nanacowaca, mitsa lriaji kanjikedalri corriwatsa cacoca lrinacowaca. ⁴ lriaji corridalri ipeyoca inaikite corriwatsa lrisro lrinaikite, mitsa lriaji ipeyocada inaiki lrisrowatsa aima lriñaoda. ⁵ pada inaiki icapaca matsia corriwatsa lricashataca, mitsa lriaji corridalri icapa matsia icamitsa lricashataca. ⁶ lriaji ikacada apada icao corriwatsa lrioketa lrianikeo lriomacadanaco, mitsa lriaji keyadalrica jimica icao kjeya watsa lrisroca lrianike. ⁷ pienitacao naoya naji inaikipe manjicaperri ima corriwatsa coca pianji nainai yaaniketi ⁸ lriaji atsia canjikedalri lricadawatsa najii lrinaco lriaji yaanjiketi, mitsa lriaji manjikedalrin corriwatsa coca lricada nanjii. ⁹ manjikedalrinca lriaji corridalri icaite iacona coca lrinaitjalri, mitsa lriaji icaitecada iacona maatsiadalricani. ¹⁰ pjawacatsa ianji lriaji imatsicalri pawopiake njite corrin catima nainai naji pana inaiki. ¹¹ lriaji naapana naji maatsiperri kjeyawatsa lriwayaketacani, mitsa naapana naji matsiaperri corriwatsa lriwayacao keya. ¹² nini inipo matsiaperri lriwopiake lrico lriaji atsia, mitsa corrin lrianji nacatsa idecape matsicanalre. ¹³ lriaji catimadalri lricada pacapa lrinaco jnite lriaji itimati lritaita lriwayacao inonacalri sho ¹⁴ lriaji inaitacada maatsi lrisro watsa lricoada, mitsa lriaji inaitacada matsia lrisro tsaca lricoada . ¹⁵ lriaji manjicadalri lriepa piomi naji nacaiterri lrisro, mitsa lriaji atsia kanjikedalri lriwopia matsia lripjeya lrinaitaca. ¹⁶ pada atsia kanjikedalri lrifio Dios iwana njite lrienitacao maatsidalri iuya, mitsa lriaji manjicadalri corrin lrinacowaca lricada lriwopiake. ¹⁷ lriaji keyadalri keroaca keyatsaca lrinaitaca macadatsa, njite lriaji pada atsia iwopiada matsia corriwatsa maatsi nacapaca lrisro. ¹⁸ lriaji inaiki manjikedalri lritawatsa lrisrowao ipaimanti, mitsa naji inaiki kanjicaperri neetawatsa nasrowawa yanjiketi. ¹⁹ naji inaiki matsiaperri curriwatsa natoda naorropada narso naji inaiki maatsiperri njite naji inaiki maatsiperri natoda naorrupada nasro naji inaiki matsiaperri. ²⁰ lriaji inaiki kenadalri namacoadataca naji lrikitsiape, mitsa lriaji inaiki kayarrodali lrisro jorre lrikitsiapenji. ²¹ lriaji maatsidalri icapa lricodapidalri isro lrinaitaca lrimatsicanao, mitsa lriaji keenadali icapa lrikitsinda isro lrirsowatsa matsiadalri Dios inai. ²² ¿Pja corrica watsa naji lrinaco lriaji iwopiacada inaitaca maatsi? mitsa naji iwopiacape inaitaca matsia naoketa watsa Dios inai lrimatsiaca. ²³ lriaji idenjicada lricapa watsa lricoada, mitsa lriaji caacopedalri corricada lrinaita, corri watsa coca lrioketa ²⁴ kacoadadalrica lriaji inaiki irsocada yanjiketi, mitsa lriaji manjicadalrin lrimanjica icada lrimatsicacao. ²⁵ Pada inaiki ajadalri lrinaco lriaji lricapalri lriyometa watsa apada nacaitenda matsi inaco, mitsa pada inaiki cashadalri lrinaco lriaji lricapalri lricashatacao lrifacatsa. ²⁶ lriaji ifiocada Dios iwana, lrioketa watsa manacocalri njite naoketa watsaca naji lrienipe. ²⁷ lriaji pafiocao Dios iwana icadacada oni cafidalri lriatsa iyometacada mayamicalri iuya inaiki. ²⁸ lriaji talricanati irsocada aima inaiki caaconadalripja apetsida ioya, mitsa lriaji isrocada tsotsa icamitsa maaconacani. ²⁹ lriaji inaiki itarrawacada wiya lricada nacapa lrianike, mitsa lriaji corridalri itarrawata wiya lricada nacapa lrimatsicana. ³⁰ lriaji imaodacada lricaolre lrico corrin lrimatsicacao, mitsa lriaji cakemicakedalrin lrinaita lrisrowawa iyamiketi. ³¹ lriaji jirrapitetacada naji kenaperri maatsi lrinaita lrisro lriaji inaitacadani, mitsa lriaji inaitacada matsia kenaperri isro nacoadata watsani. ³² naji inaiki maatsiperri nawayaca watsa lrisho lriaji nanaitalri, mitsa naji inaiki matsiaperri naofeta watsa Dios inai mayamicadanaco. ³³ lriaji yanjiketi lrisro watsa lriaji jipacada inacoa, mitsa naji manjicaperri lriyapaca watsa keya naoya. ³⁴ Matsia lriacona lriaji pacoa yacalre lrinaitacapoa matsia, mitsa lriaji inaitaca maatsi capaiman lriacona. ³⁵ Maatsiadalrica lricapa lriaji talricanati lrisrodalri inaicadanaco matsia, mitsa kesroa lricapaca lrisro lriaji inaitacada ipaimanti.