¹ Pada yacotji icaitecada coanjishopaca matsiadalri lriyamita irsoatji, mitsa pada yacotji icaitecada matsi o caidalrico lricadapja irsoatji. ² Mitsa nacosho njajĩ kañjikjeperri nacadapja aima yañji kjetji, mitsa nacosho njajĩ mañjicaperrii nacadapja macadadalritsa. ³ Jliaji wa-Minalri lricapjentsa pjiomi akjerrecatsa, lricapjentsa njajĩ matsiperrin njite lricapatsakja njajĩ matsiaperri. ⁴ Apada yacotji imatsietacada cayojĩ jaicosho icadacada pacafica, mitsa pada yacotji icashatetacada lriwayaketanjajĩ espirito. ⁵ Apada mañjicadalrin imacoadata jlinirri icanantashopani, mitsanjajĩ yañjicada njajĩ nacananta shopani icatsanjajĩ yeepacada. ⁶ Lripana lrico liañji apada matsiadalri,nini aima cacoadadalri, mitsanjajĩ njetalriotsa njajĩ matsiperin lricadaotsa matsidalri. ⁷ Naacosho njajĩ cañjikjeperri napocotanjajĩ yañjikjetji,mitsa njajĩ matsiperrin corrin nanaita cayo. ⁸ Matsi wa-Minalri icapanjajĩ nanaitalri njajĩ matsiperrin, mitsanjajĩ natatanialre njajĩ matsiaperri catima lrimican. ⁹ Jliajĩ wa-Minalri matsi lricapanjajĩ nanaitalri njajĩ matsiperrin,mitsa catima lricapanjajĩ ipinietacadanjajĩ matsiadalri. ¹⁰ Jirrapjitakjetji jorredalri lriwapa jliajĩ imacacada njajĩ yacotji matsiadalri njite njajĩ jipondatacada jliaji nacantashopani mayamicaotsani. ¹¹ Wa-Minalri icapjentsa njajĩ matsirri njite irrirri tsakja; njite lricapapanjajĩ nacaolre njajĩ matsiperrin yenipe. ¹² Jliaji mjepacadalrin corrin lripeyonjajĩ icaitecadan, corrin tsakja lripeyo kriajĩca nainai njajĩ yañjikjetji matsiadalri. ¹³ Catjima lriecoa jliajĩ catjimadajri icaojre,mitsa inonacajri iwayaketa jriaji inaiki. ¹⁴ Njite jricaolre jliaji icanantaaca-cadao lriomaca jriajikjeo, mitsa jriaji majicadalrimi macadatsa cacopecan. ¹⁵ Jajredacaoca icoan njerrapjitaca naji inonaperri,mitsa naji catjimape icaojre nacatjimatacao. ¹⁶ Matsiapjatoa kenacapja mitsa pacatsa matsiadajri Dios irso,lrioya jliajĩ cayarrodakricapja jite corrin lricada paowa pamawadaca. ¹⁷ Matsiapatoa jliajĩ inaodatji macoadadakri ninicawa ipeyokjetji,lrioya lriji iñaodatji cacoadadalri nacadanda irsotjirrico. ¹⁸ Pada atsia kerroajidalri lrioma cacopecan macadatsa,mitsa jliajĩ tacadalritsa kerroaca lriyamita irsoatji. ¹⁹ Jirrapitjina lrirso jliajĩ inodalri caiji pacamicapisho lriapowalrico dowirri, mitsa matsiadalri lriapowa lriji inaiki matsiadalri caiji inipo matsiacaisho. ²⁰ Apada yenpetji cajikjedalri lricatjimata jlinirri, mitsa apada majicadalrin lrimacoadata lridoa. ²¹ Jliaji majicadalrin lricatjimataca midalri icaotjetsa, mitsa jliajĩ irsocada jliajĩkje lriacatsa mayacan. ²² Corrin matsia naji nawaopialri nanaitaca corricada nini yacotji matsiaperri, mitsa nasho naji aimadan icaitacape yacotji matsiaperri narso matsiadalri. ²³ Catjima jliajĩ apada lrioketacadanaco yacotji mashadalri apada icaitenda lriro; matsiadalrica jliajĩ yacotji apada icaitenda canacaicadacon. ²⁴ liajĩ inipo idecada pja jalredaoca mawacacadarrico lrideca enolricolre naji inaiki shepacaperri napitocaro infieno ioya. ²⁵ Wa-Minalri iwayaketa lriyarroanje jliajĩ padalredalri mitsa lriwapa rroyarroanje rsoajĩ madoiyoan. ²⁶ Matsi wamilri icapa naeaopiakje naji inaiki matsiperrin, mitsa catjima lrimica naji iwaopiakjetji matsiaperri. ²⁷ Jliaji cañaitedalri lrideca imatsicanatji lrikitsiñape irso, mitsa jliajĩ jipondatacada matsidalri yomjecaotsani. ²⁸ Lriaji inaiki matsiadalri lriwaopiatoa lripjeya lricaiteca, mitsa jliajĩ matsidan lricaiteca yacotji matsiperri . ²⁹ Teeco wa-Minalri naoya naji inaiki matsiperri, mitsa lrimi natataca naji inaiki matsiaperri. ³⁰ Matsia cadanaco apada icapaca parso catjimatsakja pacaolre, njite matsia cadanaco naji yacotji corrin pjeta pacaolreo ³¹ Piwapacada pimi apada icaite cadanacopia coajĩca piowacarro matsiao, piofacaotsao inaiki cajikjeperri inai. ³² Jliaji imacoadatacada nacanantashopani lrimacoadataca lriwatsakja, mitsa jliajĩ jimicada nacanantashopani lritaca lrirsowao yajikjetji. ³³ Jliaji pafiocaapan Dio iwana njite jliaji yanjikjeti nacananta pja corrica coada paoma paaconao napeyajle njaji inaiki.