¹ Jliaji yempetji canjikjedalri lriepa lrinirri yaco, mitsanjajĩ mjepacadalri corrin lriepa lrinirri yaco. ² Nacoanamiotsa naoketaca lricoadaonjajĩ nacaiterri matsia, nintsa njajĩ iwaopiacada matsi dawacalritsa apada icoetje lrirrapjitaotsa aima ³ Jliajĩ macaitepe cadalritsa macadatsa lriwapacacao matsidalri ioya, mitsa jliajĩ icaitepecada aima lriwayacacaotsao. ⁴ Jliajĩ inodalrin lriomapjaca aima,mitsa corriwatsa lrirsoca, mitsa jliajĩ pomenadalri lrioketa caotsa aima lriofa shopa matsia. ⁵ Jliajĩ matsiadalri inaiki corrin lripeyoca ishaati, mitsa jliajĩ ipeyocada inaitjaca maatsi corrin coca iomani lrikjaote jliajĩ lrinaitjalri, lrinaitja njajĩ capaimanperri pacapaca. ⁶ Jliajĩ inaiki matsiadalri yacona corrin nacaitecarro matsi lrinaco ima cirrica lrimatada narso,mitsanjajĩ imatsicanatji lrimatsiketa njajĩ inaitacada lrimatsicanao. ⁷ Kjenadalritsa njajĩ icaitecada lrirsoca aima,mitsa corritsa coca lrirso corrin tsoca njitenjajĩ icaitecada kjenadalricani corricadana kjenadalrican. ⁸ Cafainanatsa lrirsonjajĩ cananidalri nainocarson lrinani icaotje,mitsanjajĩ kjenadalri corrin lrimi nacaite matsi lrinaco. ⁹ Njajĩ inaiki matsiaperri nacanaca cayojĩ camarraisho,mitsa njajĩ inaiki matsiperri, yalrimica nacamarra. ¹⁰ Lriañji padalrekjetji lricada icamitsa lricada inoacakjetji, mitsa njajĩ jimicapenjajĩ yacotji matsidalri nacaite shopa niinica yanjikjetji. ¹¹ Lriañji yoketacada lriyarsoa mjerrapitinanacatsa mjerrapitinacatsakja lriwayacaca lrioya, nini matsiapatoa pawaketaca tsopetsa parsowao njite apapiawatsa parsoca aima. ¹² Mjetatsa picaolre lrinaconjajĩ piwapalri picapa, mitsa jiaji ioketacada jliajĩ lriomalri lrirsowao lrioketaca cafishopani cayojĩ paoketa capisho jliajĩ jaico iacada pacaficao. ¹³ Jliaji imacoadatacada nacananta shopa lriwayacacaotsao nama, mitsanjajĩ ipeyocada nacantashopa lrioketaotsa lricoadao. ¹⁴ Lriañji lricanantas hopa njajĩ cañjikjedalri matsidalricani parso yenitacada pja mayamicalri ioya. ¹⁵ Jliaji yañjikjetji matsidalri lricada matsidalri, mitsanjajĩ napowa njajĩ cashaperri corrin lriwayacacao. ¹⁶ Jliaji cañjikjedalri lrirsotsa lriwaopiaca lrinita lripjeyatoa lrideñjica,mitsanjajĩ mañjicadan lrimotoeta njajĩ lrimañjican. ¹⁷ Jliaji idecada yacotji, corricada lricaite añjadalri lrinaita matsi lrirsowawatsa, mitsanjajĩ namenacanda idee yacotji apana irso lricadaotsa naofa matsia napiiawaca. ¹⁸ Kjenadalri catsanjajĩ corridalri sheepa nacaite cadanacon, mitsa jliajĩ sheepacada nacaiteshopan matsiawatsa nacapacan. ¹⁹ Catjimanjajĩ yoketacadanjajĩ lriomalri,mitsanjajĩ mañjicadalri corin lrioma lrimacaca njajĩ lrimatsicana. ²⁰ Jliaji yañjicada cañjikjedalri inai cañjikje tsakjaotsani, njite njajĩ yañjicada mañjicadalri inai mañjica tsakjaotsani. ²¹ Njajĩ inaiki matsiperritsa inaikica nanaitja namatsicanawa a kjerre catsa nawa, mitsa jaji matsiaperritsa inaikica icamitsa nanaitjaca matsia narso. ²² Jliajĩ matsiete inaiki, mayami cadanaco lrimaca lridakenai irso njajĩ lrirsonipe pia, mitsa njajĩ camatsicanaperri, inaiki matsiaperri jipaotsa lrioya pjiomi njajĩ lrinaani lriwaketanipe pia lrirsowawa. ²³ Apada kjenadalri irsocada jipaite corridalritoa mapiyo napaná carroni, nataita njetaca njite aima lripaniana napana caojlinani, mitsa njajĩ inaiki matsiperri corrin namaca lrirso. ²⁴ Jjliajĩ corridalritsa ioma lrienipe corrin jlirrapitetai, mitsa jliajĩ ipeyo cada lrienipe lriwapa lricapa matsia coajĩca lricanantani. ²⁵ Apada inaiki matsiadalritsa, lriñja njite kepinacani matsiatsa; mitsa jliajĩ inaiki manaikicadalrimi corrin coancaojlica yami lriiñjaca.