¹ Abimelec, Jerobaal irri iawa jlidoa ikitsiñape iderse Siquem ricojle njite lriaco narso njaji jlidoa iktsiñape irso: ² ''Icaiteotsa cayoji, njemi carroatsa njaji caconaaperri Siquem ricope: '¿Cocao matsia pjaa irso: natalricanaata-cantja inaco pjiomi njaji setenta Jerobaal ienipe, o pada catsantja nanakjoite italricanaata inaco?' Njite iwaopia inakjoite-dalrica njoa. ³ Niini njaji lrikitsiñape jlidoa nacope caacona lrikjaote narso njaji caconaaperri Siquem lricope, njite nacaite matsiacatsa nacadaacarro naapiyawalreo jliaji Abimelec, ima nacaite: ''Wanakjoite-dalri cani.'' ⁴ Naa lrirso wadeepe pada kilo palraata Baal Berit iipana lrikjoitepe, njite Abimelec jipa njaji palraata lricaoñashopa inaiki cainoaakje-perri njite mafio-caperritsa naa-carro lriinai. ⁵ Abimelec iawa jlinirri iipana lricojle Ofra lricoda, njite pada jiipada naco lriino njaji lriweenai, diecisiete pia namaimaca, Jerobaal ienipe. Icaamitsa caafirrica jliaji Jotam, Jerobaal irri iwerriti, lridawaaca capoa lrioya. ⁶ Ikena nawacaacawa njaji Siquem njite Bet Milo iapiyawanai nacadaa-carro natalricanaatiwa jliaji Abimelec, lricodapi jliaji jaico macani tsoomi lrioya jliaji njerretanda Siquem lricoda. ⁷ Nacaite-cádanaco Jotam irso lrinaco jliaji nanaitjalri, ikena lria lriemawa lrinaco jliaji Awacada Gerizim. Lriwana naikjaolre njite: ''Jimi pjiomi shaa Siquem iapiyawanai, Dio jimi-carro irso. ⁸ Njaji jaicolrima naapiawa nacadaa-carro narso pada talricanaatiwa nanaco. Njite naaco lrirso jliaji jaico olivo, 'Pitalricanatawatsa wanaco.' ⁹ Mitsa jliaji jaico olivo iaco narso: '¿Capja norsotsa noaca lrinakjoite jliaji no-aceiteni, jliaji nonaitja shopa matsia narso njaji dionai njite atsianai tsakja, notaitá-carro nodiacawa, nocoajá carrotsa naikjaolre njaji paana jaico?' ¹⁰ Njite njaji jaicolrima naaco higuerana irso: 'Pino pitalricanata wanaco.' ¹¹ Mitsa jliaji jaico higuerana iaco narso: '¿Capja norsotsa nocadaaca nooyao nopotiyaca njite aimacawa noinaca, njite notaitá-carro nodiacawa norsotsa nocoajacawa naikjaolre njaji apaana jaico?' ¹² Njite njaji jaico lrima naaco lrirso jliaji oovapji: 'Pino pitalricanata wanaco.'' ¹³ Njite jliaji oovapji iaco narso: '¿Capjaotsa norsotsa yaamica noaca jaicotjedaa iaana walriajao, ima nopomenataca njaji dionai njite atsianai tsakja, nodiá-carro njite nocoajacawa naikjaolre njaji paana jaicolrima?' ¹⁴ Njite pjiomi njaji jaico lrima naaco lrirso jliaji jaico zarza: ''Pino pitalricanata wanaco.' ¹⁵ Niini lriaco narso njaji jaicolrima jliaji jaico zarza: 'Ajádalri cadaa iomaca italricanaaca njoa, íno pedaa idawaacá carroa noapjite. Corri cadaa, icadaa peda tiyee imotocawa lrioya jliaji zarza njite namá carro tsakja lriinai njaji cedro lrima Libano lricope.' ¹⁶ Panaya iwaopia, ajádalri cadaa icadaaca talricanaati-carro inaco jliaji Abimelec, njite inaitja cadaa matsia Jerobaal ikjaote njite nja lriipaneta tsakja caicarro iinoca njaji lrienipemi, ¹⁷ Njite cadaana jliaji njonirri lrinoacawa ikjaote, lricadaacawa mayami carroni lritaitá carro ljlitaca shaa nacaapi rikjoite njaji madianitanai, ¹⁸ mitsa shaa panaya jinicoca njonirri iipaneta ikjoete njite oopi iino njaji lrienipemi, setenta inaiki iorsoawa pada jiipada naco. Njite icadaa pja abimelec-carro italricanaawa, talricanaati nanaco njaji Siquem iapiyawanai, ima ikitsindacani. ¹⁹ Ajádalriperri cadaa shaa njonirri Jerobaal iinai lrisho jliaji inaitjalri, icatiimatacawa peda abimelec inaí, njite icadaa tsakja lricatiimatacawa iinai. ²⁰ Mitsa corricadaa, icadaa tiye imotocawa abimelec inoma lrikjoite lrimjaitá-carro njaji atsianai Siquem lricope njite Bet Milo lricope tsakja. icadaa tsakja tiyee imotocawa nanoma lrikjoite njaji atsianai Siquem lricope njite Bet Milo lricope tsakja namjaitá-carro abimelec.'' ²¹ Ikena Jotam ipitocawa, jlieco teeco naoya, lriawa Beer lricojle. Icatsa lrifacawa nirse teeco lripjerri Abimelec ioya. ²² Abimelec italricanata Irael naco madalriwalria. ²³ Dio imeenaca pada caolriti Abimelec ikjoete naapiya njaji Siquem iapiyawanai. Njaji Siquem iapiyawanai nema Abimelec ikjoete matsia cayami piana napiyawaacana. ²⁴ Dio inaitja cayo lrioma carrotsa nacoada njaji diecisiete Jerobaal ienipenai, Abimelec iwenaitsa lrinoji, njite njaji Siquem iapiyawanai nakitsindatani lriinó carrona. ²⁵ Niini njaji Siquem iapiyawanai nameenaca atsianai jiipana tajida nacojle nawapá carro nadanata, nañaitó njaji inaiki jiyapacapewa lri ricoda inipoca. Njite nacaite Abimelec jimi. ²⁶ Njite Gaal, Ebed irri, njite njaji lrikitsiñape náno naofaa-carro yacaalre Siquemrico. Njite njaji Siquem iapiyawanai nacadaa nacaolre Gaal naco. ²⁷ Niini naacawa na-kinikerre lricojle naniwá-carro ova napitsiocá-carro. Nanaitja nacatiima taaca-carroa nadiote iipana lrico. Naija niini nairra tsakja, njite caacona maatsi Abimelec naco. ²⁸ Njite Gaal, Ebed irri iaco narso: ''¿Cocao jliaji Abimelec? ¿Capja Jerobaal irricani, njite Zebul-ca jliaji lrirsodalri? ¿Njite coada tsakja lrirsoperrica faa? Corrin wataita feepaca Abimelec iaco. Warsotsa feepaca naaco njatsa njaji wakitsiñapetsa, njaji Jamor ienipenaipe. ²⁹ Nonaantja njoaca yaaji nanaco njaji inaiki, njeepa cantja noaco. Ikenantja njotaca jliaji Abimelec. Noacontja lrirso: 'Abimelec, pjita njaji pinaikite ajaiteji.' ³⁰ Njite Zebul, Siquem italricanaa jimi cádanaco njaji yacoti Gaal, Ebed irri icaiterri, icaamitsa kerroacani pekrritsa. ³¹ Niini lrimeenaca ideecape iacoti Abimelec irso lricashatá-carrotsan, lriaco lrirso: ''Jliaji Gaal, Ebed irri njite njaji lrikitsiñape yofacape Siquem rico, nacaitepeca pinaco narso njaji inaiki neemá carro pikjoete. ³² Panayaotsa deepi, piawatsa naapiya njaji pitsolrodaonai piwapá carroatsa pidaanatan awacada lrico. ³³ Njiteotsa piyompinacojle, jeerri imoto cádanacoatsa, jinicoatsa shewá-carro yacaalre rico. Njite Gaal, Ebed irri imoto cádanacoatsa pikjoete njite njaji lrinaiperri tsakja, pinaitjaotsa cocaca natatjalri piinai.'' ³⁴ Niini Abimelec jinico iawa deepi ricotsa naapiya njaji atsianai lrinaiperri, njite nanaitja coatro poco naoyawaaca nadaanatá-carro jliaji yacaalre Siquem. ³⁵ Gaal, Ebed irri imoto yemawa yacaalre ipananoma lrico. Njite Abimelec naapiya njaji atsianai lriinaiperri namoto pemajle lrioya jliaji nadawaaca cawa. ³⁶ Gaal icapa cádanaco njaji atsianai, lriaco Zebul irso: ''¡Picapa njaji atsianai naorrococawwa jiipana nakjoite! Zebul iaco lrirso: ''Jiipana idanapiatsa jliaji icapalri inaiki capisho.'' ³⁷ Gaal icaite tsenakja: ''Icapa nanoca njaji atsianai jiipai ipamoyoaca nakjoite, njite papoco íno inipolrikjoite jaico lrima cawa naofacawa njaji malrirrinai.'' ³⁸ Njite Zebul iaco Gaal irso: ''¿Kjerrena njaji piacoam padalreperri panaya?, pjia icaiterri, ¿Cocao jliaji Abimelec, coadantja wadeji lrirso?'' Icatsa njaji atsianai pimenatalri. Panaya, warsena piawa picoadatana oowi rico nakjoete.'' ³⁹ Niini Gaal iawa napeyajle njaji atsianai Siquem ricoope nainoacá-carro Abimelec ikjoete. ⁴⁰ Abimelec ipineta Gaal, mitsa lripito lrioya. Aima atsianai mayamirri yacaalre ipananoma lricotoa aima capoa nayaoni. ⁴¹ Abimelec iocatoa iofawa Aruma lrico. Njite Zebul ipiajleta Gaal njite njaji lrikitsiñape Siquem lricope. ⁴² Tjewaijle njaji inaiki Siquem ricope namoto naawa awacada lricojle njite nacaite Abimelec jimio. ⁴³ Niini lrinaitja madalripoco njaji lrinaikite, njite namatsietaacawa napia inipolrico nadaanatá carrona awacadaapji rico. Niini lricapatsa namotocawa njaji inaiki yacaalre ioya. Ikena nemaca nakjoete, icaamitsa naonoca pjiomina. ⁴⁴ Abimelec njite njaji lrinaiperri nainoacawa nakjoete njite nadaanata jliaji yacaalre ipananoma. Njite njaji yamapoco nainacawa nakjoete njaji paana awacaapji ricoperri, njite naono pjiomina. ⁴⁵ Abimelec inoacawa nakjoete njaji yacaalre ricope padaa jalredaoca. Jlípa jliaji yacaalre njite lriino pjiomi njaji inaki ninperri. Lridoita njewao njaji yacaare idaana njite lripeco yokirra lrinaco jliaji yacaalre. ⁴⁶ Njemi cádanaco coanca Abimelec inaitjaca, njaji caconaperri Siquem lricoperri iofacapewa yenondapana lrico, icaamitsa naaca njeewao El Berit iidapan lrico taimí dalri. ⁴⁷ Njite nacaite Abimelec jimí aaca nawacacao njaji caconaperri Siquem lricope yeenondapana icodapi. ⁴⁸ Abimelec jirrawa naapiya njaji atsianai lriinaiperri lrinaco jliaji awcada Salmón. Niini jlipaca paita yooca lriyoá-carro jaicoki. Njite lriwaakjena, lricaite narso njaji lrinaiperri nanaitjá-carro tsakja cayó lricayosho, lriaco narso: ''Kjeya inaitjáca jliaji icapalri nonaitjaca.'' ⁴⁹ Niini nayoaca jaicoki nacoanaamtsa naacarro Abimelec jiapodam. Nawaketa njaji jaicoki lriwaida naco jliaji panti yeenondapana, ikena nawacaca tiyee lrinaco mayamí-carro pjiomi njaji inaiki jiewacape lri-ricoda jliaji yeenondapana Siquem lricoda, wadeepe mil atsianai inaitjepefie mayami niini. ⁵⁰ Njitedalri Abimelec iawa Tebes lricojle, lriema nakjoete njaji Tebes ricope, njite jlípa tsakja jliaji yacaalre. ⁵¹ Mitsa niini pia padapana yenonmi taimí-dalri lri-ricoda yacaalreca, njite pjiomi njaji atsianai, inaitjepe, njaji caconaperri nayacalre ricope oopi napitoa lri-ricoda jliaji panti yeenondapana, icatsa naaca naitacawa lri-ricoda. Njite njerracawa lritapje naco jliaji yeenondapana. ⁵² Abimelec iawa lrikjaolre jliaji yeenondapana lrinoacá-carro lrikjoete, njite lritsoomita lripananoma ikjaolre lrimjaitá-carron. ⁵³ Mitsa aapama inarro icadaa pada jiipada jiwao nawitita shopa caana Abimelec jiwida naco niini bolronca jliwida. ⁵⁴ Njite lriwana kjeya pada lrirsodalri iempetitoa, idejicada lrirso njaji lrinoacashopawa, lriaco lrirso: ''Pjita pimatsetan piinó-carro njoa, wadentja nacaiteca nonaco: 'Apama inarro inoni.'' Ikena jliaji yempetitoa lritodani matseta sho, icaamitsa mayamica Abimelec. ⁵⁵ Niini njaji Iraelnai nacapa cádanaco mayamica Abimelec, nadiawa naapana lricojle. ⁵⁶ Cayotsa Dio icadaa Abimelec icaoñaca njaji lrimatsicanaa lrinaitjalri jlinirri irso lriino capoa njaji setentadee lriweenaipe. ⁵⁷ Dio icadaa namatsicanaatsa njaji atsianai Siquem lricope idiaca nanacojletsa, njite njaji imatsicanaati Jotam, Jerobaal irri icaiterri narso.