¹ Njaji atsianai Efraín poco inakjoitepe iwacaacawa. Njite naawa Zafón lricojle, naaco Jefté irso: ''¿Coada pia pinoacawa pjiwacatsa nakjoete njaji amonitanai, njite corrin piinaica fa? Panaya wamjaita caotsa piipana pjiadalricotsa lri-ricoda.'' ² Njite Jefté shepana, lriaco narso: ''Njaji noyacalremnanai aima pia warsoca maatsicalri wakjoetewaca naapiya njaji amonitanai, nowana cádanaco piatja shaa ikitsindatá-carro njoa, corrin inoca ikindata njoa nakjoete. ³ Njite nocapa cádanaco corrica itaita inoca ikitsindata njoa, nocadaacawa njowacatsa noacarro noinoacawa nakjoete njaji amonitanai, njite wa-Minalri icadaa njoamana oowi rico. Corrin noaji coadaca inoca inoaca nokjoete panaya.'' ⁴ Jefté iwakeeta pjiomi njaji atsianai Galaad lricope lrinoacá-carro Efraín poco ikjoete. Njaji atsianai Gaalad lricope nainoacawa Efraín poco ikjoete nacaite capoa cayoji nanaco: ''Shaa galaditanai yaají cape ipitowa Efraí poco ioya, padapena inakjoite Efraín poco inakjoite-perri cana, njite padape Manase inaljoite perri.'' ⁵ Njaji galaditanai njepa jliaji Jordán inomapi njaa carro iajíi lrinaco nayoatacawa Ooni Jordán pemajle, njeyapacawa naacarro Efraín poco ikjaolre. Njaji yomjeperri Efraín poco nakjoite, naaco mana narso, ''Icadaa wayoeta jliaji ooni,'' njite njaji galaditanai natatja njemiona, ''¿Capja Efrainaica jia?'' lricaite cadaa corrica, ⁶ njite nanaa nacaiteca, ''Shibolet.'' Njite lricaite cadaa ''Sibolet'' Corrin lritaita lrimotoitaca matsia jli yaacoti, icaamitsa galaditanai jipa niinina naino carrona Jordán inomapi ricotsa. Naino niini coarenta do mil Efrainai jliawajli. ⁷ Jefté icaite nanaco njaji Iraelnai siete walria icoa. Njite mayami Jefté Galaad inakjoitedalri njite nadawani pacoa yacaalre rico Galaad jipaite ricope. ⁸ Jliapodamjite, Ibzán, Belén njité-dalri jimaoca icaiteca nanaco njaji Iraelnai. ⁹ Lrirso trenta lrienipe atsianai njite trenta tsakja inaitjepe, njite jlita lri-rinonaipe trentama tsakja. Siete walria icoa lricaiteca Irael nacó. ¹⁰ Mayami Ibzán njite nadawani Belén lrico. ¹¹ Jliapodamjite, Elón, Zabulón njitedalri jliá-carro icaite nanaco njaji Iraelnai. Siete walria lricaiteca nanaco njaji Iraelnai. ¹² Mayami Elón, Zabulón-dalri, njite nadawani Ajalón ricó njepaite rico njaji Zabulón-perri. ¹³ Jliapodamjite, Abdón, Hilel irri Piratón njité-dalri jimao icaiteca nanaco njaji Iraelnai. ¹⁴ Lrirsopia coarenta lrienipe njite trenta lridakenai. Narsopia setenta borro, njite lricaite ocho walria nanaco njaji Iraelnai. ¹⁵ Njite mayami Abdón, Hilel irri Piratón njité-dalri, atsa nadawani lriyacalre rico, piratón, njepaite rico njaji Efrain poco, awacada cawa lrico amalecita iyaada.