¹ Noa nootaita noanikaaro nooma naaji kooriiperii iitata noonako; Noa piatsaka iitaitakada ianikaa ioma naaji kooriperii naokeetaka. Nookaite kaiji: "¡Aalitsa naajii! ¡Aaljitsanoajii!" naanakoite naajii aimadan kooriiperii iiwana noipiitana. ² ¡Noa noopialjeta nookaapii jaaljedaoka iikoan naikaolee naaji meepakaperri, kaishopa meemaniikao kooriidaljitsa maashia,naaniikao ljiapoodaan ljiaji naawaopiakee naayadatsa ljiaji naomaljii naanaitaka! ³ Iikaatsanaa aapada yaakaalje noajii kooriipetsa ioma iinaitaka maashia, naanaitaka ljiaji Ofrenda nainoka piiraitii aasha aaji naamooljionshe, niite naamaitaka ljiaji poomendaljii ljiinako ljiaji bloque jiipaidape. ⁴ Miitsa naofaakao aaji maayanperiin ioshoakawao iikoodapii niite naofaa naawaapa deepiite, niite naijaa coshii kaanadaljiiko miitsa ljiaji ljiana kaopiitania. ⁵ Naakaite kaijii: teekoopasha jia, mashomiitatsanoa, iimanoa maashiadaljiipakaonoa pio yaa. "Iima najii iitakaatii aaji nootakoljikoo, ljiaji tiiyee ljiimaitakaanoa jaaljekakoan. ⁶ Piikaapa, aaka niaji paapeeraljikoo noosho: kooriotsa maakokanoa, noomaotsa nookoadao; noawaatsa ljiikoadao pisho. ⁷ Ljiima ljiajii waanaitanda niite naamashikaana iapiya naajii faanirinai, ljiikaite ljiaji waaminaljii. Niite naamaita ljiaji poomendalji aajii aawakadaljikoo naakataro noikao aanaji jiipananakoa. kaishopaotsa, noa kaishopawatsa noowiika ljiaji naanaitanda piaa. ⁸ Iikasha ljiaji waaminalji iikaiteenda: Kaiji peetakaapisha ljiaji pairaope ljioya ljiaji aapapokoo uva, kaiji paakaitekapisho: Maama shiikatsan, iima paokeetaotsa mashiodoljii, "iikashaotsa ljiaji noonaitaljiotsa maashiadalji naoma naajii iideenikape nosho: kooriotsa nookeenaata kaana piomi. ⁹ Noa nootakaotsa naaji nanakoiteperi naaji Jacob, naashakaotsa naaji judanai aapadapeena iofaakape aanaji noowakadatee iinako. Miisha nooniwananiipe nookadaa kaotsanaa aajii noopaitenakonaa, niite naaji iidenikape nosho naofakaosha ljiinako ¹⁰ Mitsa ljiaji Sarón nao fakarodakaan naaji oveja, niiteshakaa ljiaji Acor aapafee naofeetakaroda naaji noovacan, naashowaalje naajii nooyakaljeta iomakaape noa. ¹¹ Niite jia iimakakape ljiaji iiDiote, jiashako jia iimawada kaaperii ljioyaljiaji noenitanda nooshowaale noowakadate, naajii iimashietakaape aapaita mesa ljiisho waale ljiaji noa diote neetashopa suerte, niiteepa naapakaanta naajii koopa vinosho naakeewiitanda ljiishowaalje ljiaji naadiote ljiipitana Destino. ¹² Nookadakaotsa naawa maayakan maasheeta iikaole, niiteotsa jia iiyamaa kaotsa ljiikaole ljiaji naakadanda kaiji ofrendasho,miitsa noowaanakadanakoatsa, kooriotsa jiiepakanoa; miitsa kaakokadanakoatsa noa, kooriotsa jiimika noosho. Niite jia iinaita maashidalji nookapa niite iiniwana iinaita kooridaljii iikaatimatanoa. ¹³ Iikasha ljiaji ljiikaitelji ljiaji Dios: Iikapaataa, naaji iidenikaperi nijakatsa, miitsa jia iisho maawitaka; iikaapanta, naaji iidenikaperi nairakaatsa, mitsa jia meetaka iikaole; iikapataa, naafoitatakakao naaji noshoperi, mitsa jia oopi iipaimanietakakao. ¹⁴ Iikapa, neematakaa kaatiimakapoa naakaolee, miitsa jia iiyaaka kaiwikapoa ikaoljeriko, jiitakapoa iikaolewa niini iiyetakao. ¹⁵ Jia iikadaka ljiaji iipitanaa kaiji maakadawaaljesho miitsa naaji nooniwanipe naakaite; Noa, ljiaji Dios ljiinikaotsa; Mitsa noa noowanakaotsa naaji iidenikaaperi aapada ljikaotsa naipitanaa. ¹⁶ Koandaljikatsa iikaite aapada mashiadalji iinako aajii neepaitenako maashiadaljikaotsanii nooman, ljiakaotsa Dios aajadaljii. Koandaljikasha ljiaji iikaitekada aaji feepaitenako ljikaiteotso noonako, ljiakasha Dios aajadaljii, iima ljiaji naamaka naakapaka oopiidaljiin kooritsa naawaopiakaanii, iima ljiaji jaaljraa. miika naaji nootii. ¹⁷ Iikaapakee, koankadana kookatsa noonaita waaljidalji eenoljikolje niite waaljidalji jiipaai; niite naajii oopiiperin kooritsa naawaopiakana aadaljiaji neewidaljiko. ¹⁸ Miitsa jia iishotsa iikatimatakakao iifoitakakao kaidaljiweetsa iima kaamikena noonaitaka. Iikaapakee. Noa iikaminaotsa noonaitaka ljiaji Jerusalén kaijii kaatimadaljisho, miitsa naaji nooyakaljeeta kaatimakaana. ¹⁹ Nokatimatakao ljiinako ljiaji Jerusalén niite noofoitaka naanako naajii nooyakaleeta; kooritsa peemika naanako kooyoljekana koorintsaka matsika naaniakakao ²⁰ Kooriisha paakapao maayamika keeyapii naajii ienpetipee; Koorin paakapa aapada peekiiri maayamikaani ljiipeyatoa ljiinana maayamikanii. Iima ljiaji aapada ienpeti mayami kaotsanii cien año iinako ljiaji aapada iofaakada ljiimashikanaanako cien años ljiirapiitakaotsa. ²¹ Naanaitakaotsa naapanao naofaakaotsa ljiirikoda, naapanakaotsa naapaniawa niite naiñaa kaosha nainaka. ²² Koorisha kuankaoljii naanaita naapanao aapade nakoa iofaa nariikodaa; koorisha naapanaka paaniatii, aapadenaka iijaanaa; ljiapia naaljedaokate naaji jaiko naayadakenakaan naajii nooyakaljeeta. Naaji nooniwaananipe neenakaosho mashia naasho naajii naadenikoljesho naaji aapana. ²³ Koorin naadeniikaa miikapantsa, koorin naashoka naawaopiake iifuitakadanaa. Iima naakasha aapana eenipenan naaji Dios iimashietaniipe, niite naasha naanakoiteperi aakatsa naalji naine. ²⁴ Ljiipeyatoa naawanaka, noa noepanaa; kaikadanatua kaokopekanaa, noomiinsha naasho. ²⁵ Naaji lobo naapiyaa naajii oveja naofaaka aapapokootsa, miitsa ljiaji leon ljiijakaa maaljishi kaijii vacasho; miisha ljiaji aapii ljiijaakaa jiipai. Kooriishaosha paakapa ljianajii kaafainadaljii ljiirikooda ljiaji ljiipaite, "Kai ljiikaite ljiajii Dios