¹ Dios iikaite kaijii: "ljiajii eenoljiko iikaasha noofakawa, mitsa ljiaji piipai iikasha nookadakaawa ljiofeeta ljiaji noipaa. ¿Keerenao ljiajii, paanti iinaitanda noshowaalje? ¿Keereo ljiaji nootaitakawa noaka noofeeta? ² Nookapii iinaitalji piomi naaji paakapalji; koitsa nainiitakakao piomi naajii paakapaljii, iikatsa ljiikaiterii ljiaji Dios. Mitsa nookapa ljiaji iikadakada keenaa ljiikaolje. Ljiaji teetekada jiimika ljiaji nookaiteri. ³ Ljiaji iinokada aapana vaca kaidaljikaniaji iinokadasho iinaikii; ljiaji jiirapitetada aapana Cordero ljiitaita shaaka ljiitokoaka Shiino iinoro; ljiaji oomakada iako ofrendra naaji koomanadape ljiitaita shaaka ljiaka kooshii iiraana; ljiaji iomakada iaka paawaadashopa ljiaji iincienso ljiinaita shaka maashidalji. Naawakatsa iiniwana naapowao. Ljiaji naawaopiake mashiidaljikashaanii. ⁴ Kaishopaa naawakatsa iomalji ljiaji neerapitashopa; Noodekaotsa naikaolje ljiaji naafietakashooda, ljiima ljiaji noowanakadanakonaa, kooritsa kookaa jiepanoa; kaokokadanakonoa, kooritsa kookaa jiimi noosho. Naanaita mashiidaljii nookaaptsa, Nainiitsa naaniwaanaka kooriidaljitsa iitaita iikatimaatakanoa". ⁵ Neemii ljiako ljiaji naadiote, jia iifiokaape jiimika ljiako: Naajii iikishii iape maashiperri iikaapakajia jienita iioyaawana ljiima ljiaji ipeyokapoana ljiimatsaka ljiaji naakaiterii noipitananako: waakaatimataka ljiaji waaminaljii, niiteosha waakapaotsa ljiitima, kooriikaotsa naaniidaoka. ⁶ Neematakaa kaidaa najii yaakaljeen naanai, peemika neemataka templo ljiikoite, ljiemataka ljiaji naminalji ljiomaka naaine naaji neepoonda. ⁷ Ljiipeyatoa keeniipekanaá, Oopina keenipekanoo; Ljipeyataoa roaniika ljiikaiya, Oopi ljiimotoa rooya aapada Aashiada. ⁸ ¿Kookaa jiimi ljiaji kaidaljii? ¿Kaapa ljiinotoa ljiaji jiipai ljiadasha jaaledaoka? ¿Kaada aapada yaakalje maakadaljii iitaita iinaitakakao ljiadanakotsa? miitsa kaijii, Sionsho keenipekaotsa, roomotoetakaotsa roeniipe. ⁹ ¿Noodeka noa aapada ienpeeti mitsa noa koorin nookada ljiimotoa ljiaji ienpeeti? ljiitata ljiaji naaminalji. O noodewaasha ljiaji ienpeeti ljiadanokoesha mitsa noodanataosha? ljiitata ljiaji piiDiote. ¹⁰ ¡Iikatimatakao ljiinai ljiaji Jerusalén niite iifuitakao ljiima, piomi jia iipeyokapeni; iifoiwitaka ljiinai, piomi jia iikoyoljetakakape ljiima! ¹¹ Iimajia iikaite ljiikoakena iisho; ljiaji iiwawaljiikoljina ljiikishindatakena jia; Iima piomi jia iiraka niite keepinaka jia mashia niite iikatimatakakao ljisho ljiaji ljiimashiakaa. ¹² Iikasha ljiikaitelji ljiaji Dios: "Noa nootaita nookaiteka noaka mashiadalji nasho kaiji iinipao sho, niite ljiaji naariikokaa naajii yaakalje maakakoepe kaanajii Ooni iamarakadasho. Jiawasha iiraka shomitsa naoya, dasho ¹³ Kaijii apama iinaro iikishindaatakada naaji roenipe kaishakaotsa nookishindatakaotsa, piomiosha shaa aaperiajii Jerusaléenricoperrii nookiishindatakaosha jia. ¹⁴ Ikaapaosha ljiaji, iifuiwitakakao iikaolerikoite, naawasha naaji iapi kaikaotsa naaji maaljishi waaliperisho iimotokao. Ljiikaapi ljiaji naaminalji ljiikada naakapan naaji ljishoperi, mitsa ljiikañata naakapa ljiroa naaji ljiiponda. ¹⁵ Miitsa iikaapa, ljiaji iminalji ljiinokaotsa kaiji tiyesho, naaji likarroni naanoka kaiji tiiroljisho naadekaro ljiimoka ljiaji ljiiroa ljiajii ljiiraa kaika niaji tiiyesho. ¹⁶ Iima ljiaji Dios ljiikadakaotsa ljiiroa naanaka naaji jaledaokaljiikoperi kaiji tiyesho ljiimatseetanshoshaka. nainonii waaminaljii iikaote aimaoshana. ¹⁷ Maashietakakaotsa kaiji naawakatsa naawakasha iinaita ljiaji mashiadaljii, aanajii naamoljonshe, kaaka naapondawaaka, naijaakaa kooshi iipe naijatsaka, mashiadalji kaiji jiiriisho. "naanokaotsa piikeetendaljiriko jaljedaoka, kaiji ljiikaitekapisho ljiaji naaminaljii. ¹⁸ Noaninsho piomi ljiaji iinaitaljii piomishaka iiwao piake. Ljiinokaosha ljiadaa ljiinana noowakeetakaotsa piomi naaji iinaiki naakokoaan. Naanokaotsa niiteotsa naakaapaosho ljiimashiaka ¹⁹ Nookadaotsa aapada kaidadaljii naanishoopa naapekooljiikoo. Niiteotsa noomeenakaotsa naanakoiteperoitsa iofaakaro nainee; ajii tarsis riiko, Fut, y Lud, iiwaapakape paantinoma naatarapieta naayawiitiapo iiñaada, a tubal, Javán, jaite aaji jiipai yaaljapiite kooriperitoa jiimi noonako kooriperitoa ljiaji noomashiaka. Nooma kaidaa ljiaji noomashiaka naanakoite najii aimadan. ²⁰ Naadeka piomi naakiishi iape naankoite naajii aimadan, kaiji ofrendasho ljisho walje ljiaji naaminaljii naanokaotsa caballo inako, naarikodatsaka naajii kaarodapee, nanakotsaka naaji mulas, camellonakoshaka, aaji noofaakawa aaji Jerusalénriiko, kai ljiikaiteka ljiaji Dios. Naaji Israelnai naade Ofrenda aji tazapishodalji maopitaapitsa ljiipanaljiikoolje ljiaji Dios. ²¹ Aapadapeena naanakoite naaji, kaikadaotsa naaniwanaaotsa aapada naanakoite sacerdotewaa niitetsakaotsa levita, kai ljiikaite ljiaji Dios. ²² Kaitsakaotsa ljiaji eenoljiiko waaljiidaljikaotsani niite ljiaji jiipai waaljidaljikaotsanii noonaitakani nooshowalje, cailjiitaiketa ljiajii Dios, kaiwatsa naaji ljiinakoiteperri naofaakaotsa kaidaljiiwesha, ljiawa ljiaji neepiitana ljiofakaotsa kaidaljiwesha. ²³ Aapapi naakoasha keerii, niite aapapiajaljedaokanaako nasho kaotsa naofeetakaroda, piomiotsa naaji iinaiki naatodakaotsa naoshipada nosho kai ljiikaiteka ljiaji Dios. ²⁴ Noa naamotokaotsa niite naakapaotsa maayaanpeeriin ashianai iimeepatakaperipia ljiaji Dios, Iima najii akuruu iiñaalioshanaa koriosha maayamikaanaa, niite ljiajii tiiye iimaitaljiinaa kooriosha koankaoljiika yaaljiimikaan, maashidaljiikaotsanii piomi naashowaljee naaji iimaiki.