¹ ¡Oh, jaljiakadanta ljiaji eenoljiikolje niitentaa ljiorokoa! naaji awaakadaa naateetekanta piorokokadanako. ² Kaijii tiiyee iimaitakapisho naaji maaljishi, O kaijii tiiyee iitietakaapisho ljiaji Oonii. ¡Oh, naanindakaa ljiaji piipitanaa naaji piipondaapee, naaji iinaiki iimaimaka naateteekaosha piinookadaanakoatsa! ³ Koankaadanakoatsa, kooriin paajii kaashoapaka piinaitakaa kaafainadaljii mitsa faa koorisha waawapandakaa, pia piorokookao, naaji awakaadaa naafiokaa piiwaanaa. ⁴ Ljiawaljiipia Oopii koorisha kookaá jiimii kaidalji, koorintsaka naatii iikaapa aapada Dios ioya, kookao iinaita ljiima ljiaji iiwaapaljii. ⁵ Pia piinoka piikishindaata naajii iifuitaakakape nanaitakaapoa mashiatsakoa, naashatsakaa naaji liwaopiakaape ljinako ljiaji piapowaa niite ljiepakapeena. miitsa pia keeroakapia koankadaanako waanaita waamashikanawaa. Miitsa aaji piapowaljikoo kaidaljitsa maanakokaafaa. ⁶ Miitsa, Piiomii faa paapia waokao kaijii naakayosho naajii meepakaperisho, Niite piomi ljiaji waanaitanda maatsia koikaniaji poimadaro iidanasho. Piomii faa kaikafaajii jiiwirikaanii naajii paanapee; naajii waamashiikanaa, kaijii kaoljiisho, ljiidee teekoojle. ⁷ Kooritsa kookaa ioma ljiaji piipitanaa, iomaljiinta jiipaakakao piinakoo taimi. Miitsa pia piidawa piekoa waoya maakaadatsa jiiwiriikaafaa aajii waamashiikanaljikoo. ⁸ Miitsa paanayaa, waaminaljii, piasha faanirii; faakasha; Miitsa piomi faá piinaitanpeeka faa piikapisho. ⁹ Maakeroatakatsao maashinaa, waaminalji, kooriotsa koankaoljii noowaopia iimashiikanaa. Iinaita maatsiakaalji, piikaapa faa piomii, naaji piiyakaljennanai. ¹⁰ Piomi naaji piiyaakalje pieniitanpe piishowalje kaikanaka maaminaljiin perinsho; ljiaji Sion kaika niaji maaminaaljidaljisho, Jerusalén kaikaniaji maaminaljiinkawasho. ¹¹ Ljiaji templo feeniitandaa mashiada, aanaji faainiri iakawa maashiadalji, mitsa naawayaketaa kaan tiiyesho, miitsa piomii naakaa waapeeyonpepia Oopii naawayakakao. ¹² ¿Niite maananitsan, waaminalji? ¿kaaminta piitaitakaro?