¹ ¿Kookaoljiaji iinoolji Edom niite, ljiishayaan iiraidalji jaite aji Bosraniite? ¿Kookao ljiaji iinaakooljii kaakonadaalji iitsayani, maafiokanatsa ljianikao ljiima ljiaji ljiidaa? iikaatsa noa, kaakoni mashiadalji kaaidadaljisho iitaitakada iimanakoka. ² Koadtsao naaji piinani iiraikaanaa, koadashakao kaikaniaji paapoetandasho uvaljiko? ³ Noatsa ljiaji iipoetalji ljiaji uva, koorin aapana iinaiki iitaita iinokanta iikishindaataatanoa. Noa noopoakan iiroatiiriko niiteshaka noopoanii shiomikadanako nookaolje. Ljiranaa iiwaashia nooshaayan iinako niite kaopiitaa ljiaji noshaayaan. ⁴ Miitsa noa noamaata ljiaji ljiiadaa nookoadao, mitsa ljia pia añokaa ljioka noonakoo ljiaji maanakokaronoa. ⁵ Niite nookaapa, kooritsa kooka nookaapo nookishindaaope. Niite noa nootaapia kooriipiaka paakapa nookishiindataope, miisha ljiaji noonaapa ljiiole nooikaoljee maanakookaronoa, miitsa ljiaji noida kaafaainakan niite ljiipialjetakaonoa. ⁶ Noa noopoa naaji iinaikinai iiroatisha niite noodewaana noira, niite nuaroko piiraana jiipairiko. ⁷ Noa kaakunoa ljiinako ljiaji pashooljisha paanaitaka aajaadalji ljiiyada iakootika ljiaji waaminalji, naanaitanda maashiadaalji naakaronda mashiadaljitsaka ljiishowaale ljiaji naaminalji. Nookaite piomi ljiinaako ljiaji waaminaalji iinaitaalji waasho matsia, ljiimatsaka ljiaji maakaadaljii ljiimatsiaka ljiiwaalji naapana iinaako naaji israelnai ljiikañaata koanka keenaka ljiikaapaka ljiishokapoa aaima ljiaji iipeyokeeti,naanaitanda shoo ljiima ljiaji iakooti. ⁸ Mitsa ljiatsa iikaite: "naakaatsa iikaite naakaotsa noonaikiite, naashaka naaji iieenpetipe kooripetsa yaamada iinaikika. Ljiakaotsa iimaanokookaita. ⁹ Naama naaji piomidalji ljiaji neerapitalji naaji aapana. Ljiirapiitatsakaotsa, ljiaji Angel iiemaalji ljiikoodaapii ljiimanaakooaan. Ljishokaapoa iipeeyokeetii niite keenakaapoa ljiikapaaana kaishopa ljiimanacikana, niite ljiireetana niite ljiidenikana ljiafaaljiipia oopii. ¹⁰ Niiite naajii iinaikinai naameepotakani kaishopa naainonaata ljiaji Espiritu Santo. Kaishoopa ljiidia ljiipondatakana mitsa ljiinoaka naikaote. ¹¹ Kaishopa naaji iinaiki naadia naawaopia ljiawaljiipia ljiaji Moisés. Naakaite kaijii:"¿Keereo ljiaji Dios, kookao ljitana jaitenaaji Oonii maakaapawaanriikoite naapiya naaji naawanipe? ¿Keereo ljiaji Dios, kookao iikaadaa naasho Espiritu Santo aaji naapekoljiiko? ¹² ¿Keereljiaji Dios, kookao iinaita ljiaji ljiimatsiaka piomi ljiida ljiiaro ljiikaapirikoo aashiema ljiaji Moisés, ljiieniitakao ljioyawakao ljiiaji Oonii, ljiikaadakaro ljiipiitanao kaidaliwetsa kaikarootsaanii? ¹³ ¿Keereo ljiaji Dios, kookao ljiaji jiiñaapena Oonii teewaakakawao? Kaiji caballo jiekokaaji sabanaljiko, koorin naatooda naipaawaa. ¹⁴ Kaiji vaca iidiakapisho ljiinoljii niite, ljiespiriton ljiaji naaminaljii ljiikaadaa naofeetaka. Pia piidekaa naajii piiyakaljeen nanali, nookadakaroatsa naanaita pisho aapada piipiitana naakoo maashiadalji. ¹⁵ Piikapaa jaite aaji teewaakafeete aajeereka eenooljikolje niite piiwaapa piimi jaite aaji ljiofaaljii mashiakaka piofaakawao. ¿Aakeereo ljiaji piikeriake piisholjii jiidaati? Keenashopa ljiaji piiyaada ljieniitakakao waoya ljiaji keenaako piikaapakafa. ¹⁶ Piiakatsa faaniirii, kooriitsa Abraham ianiniipekaafaa, naajii Israelnai koorintsa naaninipeekafaa, pia, waaminaalji, piakatsa waamiinaljii, "piakatsa iimanakokaada faa" niidaalitsa ljiaji piipitaana Oopi. ¹⁷ Waaminalji, ¿Kaadao piikadaa feena ljioya ljiajii piapoowa? niite waataarataka waakaolje kaishoopa kooriin feepa? ljiidiawatsa maashiadaljiriko ljiaji piishoodalji naosha naaji piinakoiteperii. ¹⁸ Naaji piiyakaljeenanai neenitaka ljiaji piofaakaroda shootsa jaaledaoka, niite naaji feeponda naapoakaotsa naa. ¹⁹ Kaidaljisha waanokao waanaita naakayosho naaji koriperii kookaa iitaljikanaata, kaikii naakayoshoo naaji kooriperiitsa kooka iiwaananaa neepiitananakoo"