¹ Naapeyo kaapoa ljiaji Sion kooriotsa maakokana, kooriotsa maakokana ljiima ljiaji maashiadalji iinalji Jerusalén ishro. Keerekatsaotsa ljimatsiaka iikanaka niite ljiaji maanakokaali keeradaljisho neepanda naade naakapisho. ² Naajii naamaimaka naakapaotsa naamatsiaka, piomi naaji reyenai naamashiaka iapiya. Naawanakaotsana neepitana waadidaljiriko, ljimaotsa ljiaji naaminalji ljiiniwanakaotsa. ³ Ljiishotsakaotsa ljiikapiiriko aapada Corona mashiada ljiiaji naaminalji, niite aapada kaakkoadadalji ljikapiriko ljiaji Dios. ⁴ kooritsa koankaoli noowanapia "iienitakakaperin;" koorintsaka piipaiteka iikaiteka "ljienitakakao". kooriotsa maatsidaljii iinoka, "naanikaotsani ljiaji ljiifoika ljiinakokakan" ljiaotsa ljiaji piipaite "kaakiishiindadaljiikaotsani" iima ljiaji iiminalji ljifoitakaka iinako. Niiteotsa ljiiaji jiipaite aino kaotsan. ⁵ Ajadaljii, Kaiji kainodalji iienpeti shoradotoa, kaitsaotsa ljiaji pienipe kainokaotsani piinai, kaiji ishokadasho ljinarote kaatimani ljiima ljiaji ljishoolji, kaitsa ljiaji iiDiote kaatimatsakan. ⁶ Kaitsa nookada iiwaapakape ljiinaanaljiko ljiaji Jerusalén; koorin maakoana deepii koorintsaka jaaljewerikooka. Jiawatsa kaidaljishaotsa iiwaopiaka ljiaji iiminalji marotsaotsa. ⁷ Maakaadatsa ljiofeetakao keerekenaotsa ljiidieta ljiaji Jerusalén iinaita iikaatimatakakaroda aaji jiipaiteenako. ⁸ Ljiikaapisho ljiikaite aajadalji ljiaji iiminalji aashiemasho ljiikapi niite ljiida ljiaji ljiinapa: "noanintsa koorika ljia naijao aaji ljiiponda, Naaji iionokape teekoite kooriim nairaka ljiaji vino waaljianai, kaishopa jia iidenikaatoa. ⁹ Naaji iiniwakaape naapania, naijakaotsana, naawatsa mashiadalji naaminalji isho, misha naana iiniwakapetsaka naaji Uvas, nairakaotsa ljiaji vino anaji ljiiofakawao ljiaji mashiadalji". ¹⁰ iino, iishomita ljiaji pantinoma! iimashieta iiniipo nasho naaji iinaikii! ¡jiireetan, iinaita ljiaji iinipo! ¡iiwakeeta naaji jiipada! jiireta ljiaji Bandera naajishopa naaji iinaiki! ¹¹ Iikapa, ljiaji iiminalji iikaite piomi jaaledaokaaljiko: "Iikaite shoaji ljiito ljiaji Sión: !iikapa, ljiaji limanakokaita ljinakaotsa! iikaapa, ljiaji ljialiotsa oopiina ljishonii, ljiakaotsanii ljiipeyatoa" ¹² Naakaanaotsani: "naaji naikii ljienitanipe; ljiimanakotanipe ljiaji naaminaljiii, "iimaa ljiiwaananipekanaa ljiomaakaapoona; aapada yaakale kooridalji ljiimaka".