¹ Mitsa ljieespiriton ljiaji noomilalji Dios kaatsa noine, iima ljiaji noominalji ljienita ljishowawanoa noodekaaro iiakooti mashiadalji nashowale naaji keenaaperi, niite ljimenakanoa nootaapekaro noakaolje naaji kooyoljeperii, naashotsaaka naajii presoperii maanakookaronaa. ² Niite jliimenakaanoa nookaitekaro ljia año ljiimatsiaka ljiiaji noominali, ljiadaawatsa ljiomaka naakoadao ljiaji naaDiote, ljikishindatakaroatsa naaji iiyakape. ³ Miitsa ljiimenakanoa, ljiakaaro naasho naajii kooyoljeeperii iofakaape Sion ljiiko, ljiaka Corona tiiñeemen ioya, aceite iikaatimaatakaita maayankaljiinta, shaaya paakaroda maashiadalji ljiakadaanta ljiaji Espiritu kooyoljedalji, naanikaana kaidaperii maatsiaperii, ljiipaniopi ljiaji naaminalji, maatsiaperikaotsanaa, ⁴ Naapietakatsenaka neereta keenakaaljii ljiaji oopidalji; neeretaka ljiaji kooriidalitsa koado oopidaljiinpia. Neeretakaotsa ljiaji yaakale naakeenatandanolan, naakandamina aima iinakii ioyawaaka. ⁵ Neenikokaotsa naaji teekoiteperii naiñakaotsaa naaji naapiiraa, neenipe naaji iinokape teekoite naadeenikaotsa naakinikeriko. ⁶ Jiiawatsa naanikaotsa jia naaminalji iisacerdootenkajia; naaniikaotsa jia liishoperika ljiiaji iiDiote. maatsiakaotsa jia naarikookansho naaji aapana iipadaljetakakaotsa naarikokansho. ⁷ Ljioyawaale ljiaji piipaiman, piisho kaotsa ñaamapiape; ljiimaotsa ljiaji maashirii, naakatimatakaotsa naawaopiake shoodaljitsa. Kaishopa, naashokaotsa naayadao neepaite; maawayakadalji ljiaji iitima iiyaada kaotsani. ⁸ Miitsa noa; ljiaji iminalji, noopeyoljiimashiaka, miitsa noa maatsi nosho ljiaji iiñaitetii ljiaji mashiadalji kaafainadaliikan. Noawatsa aajadalji isho iikadao nookadaotsa aapada iakoti maawayakaadalji nainee. ⁹ Piomiotsa naaji iinaakoiteperi naaji kaotsaana, naotsakaotsa naaji neeniipe. Piomi naaji ikaapakapeen, naani kaotsan, naakasha nooyakaaljeta ljiaji naaminalji ljiibendicia kaanaa. ¹⁰ Noa joredalji kaatimakanoa waaminaljii iinako; waaDiote iinako noa kaatiima kaanoa. mitsa,ljiikaadaka naaotsayanwa ljiaji tsaaya maanakokaalji; niite ljiika nootsaayanaaljeewa aajadalji, kaiji iinaarosho iishokada roonovionii iimashietakakada ljisho ¹¹ Miitsa, kaaiji jiipaisho iimotoetakada paaniati, kaiji naapanakarodasho naaji paaniati iimotokawaa, kaisha ljiaji naaminalji Dios ljiikada aapada paanishoopa niitetsaka naakawa maashiadalji naamotoetani naakaapaaweeriko naaji aaimadan.