¹ Jiinikoa, iikaana; iima ljiaji kaamarai ljiokakenao, iima ljiaji ljiimaashiaka ljiaji naaminalji aakeenaniajii iinako. ² Missha ljiaji kaadaokadalji ljiidanatakaotsa ljiaji jiipai, miitsa ljiaji kaadaokadaaljipa naanakokaotsan naaji aiimadan; kaikadanawatsa ljiaji iiminalji ljiemaotsa iikoete, ljiaotsa ljiaji ljiimatsiaka aakaotsaniaji iinako. ³ Naawatsa naaji aimadan aakaotsanaaji kaamarailjiko, miitsa naaji taaljikaanatiani piikananiaaljiriko neenikookaotsa. ⁴ Piikaapa piiipokoode. Piimi naawakeetakakao nano piikoolee. Naaji pienipe naanoatsa teekoite naotsa naaji piitoonaiope naadeniikaotsana naana panaaonaa. ⁵ Miitsa piikapana nialje iikaanakana, miitsa ljiaji piikaole kaatimakan niite ljienitakakaa naoya mitsa ljiaji ljiimaimako ljiaji ooni ljraroka piinako ljiaji naarikoka yaakale maakakoepe naanoka piikaole. ⁶ Neemaka iaalipa najii camello niini naadanataka, niite naaji maafikaliinai naano Madián niite efatsaka; piomi naanoka jaite ajii Seba niite; naade Oowiro niite poomedali, niite naaka maatsidalii lisho ljiaji naaminali ⁷ Piomi naaji naapira jaitepe alji Cedar naawaaketakaotsa piishona, naaji Carnero jaite piaji Nebayot naamaotsa koorika kaanakaika pisho; njaa dekaotsa ofrenda maatsiaperi nookaapa aajii altar iinako; niite njoa mashia nokaapaka niite kaatiimatsaka nookapako noopana. ⁸ ¿kookao naaji iaranjirii kaiji iiyadaokasho, kaitsakaaji tsotsowosho iofaakape naarodaljiko? ⁹ Aajadalji naawapakaanoa naaji iofakape ljialrapiiriiko, naaji iita iinokaape tarsi niite iikasho iiniitaljika, iideka neenipe teekoite, naaji naapalraatan niite Oowirritsaka naade nainaiwa, ljiipitana iinako ljiiji naaminalji naaDiote, ljiinakotsaka ljiaji jienitakaka nashiadali iikaoya naayada naaji Israel maashia ljiikapa isho. ¹⁰ Neenipee naaji iinokaape teekoite naawayaketa piipana iidaana, njasha naaji reyenai naadenikaotsa pisho; ljiimaotsa ljiaji noiroa noorapitetakaotsa pia, kaikadantsa nookitsindata niite keenashaka nookapaka pia ¹¹ Miitsa naaji piipanoonoma jaaljiakaoshana kaidaljitsa; kooriotsa tsaamika jaajleweriko koorintsaka deepiriiko, naataitakaro naadeka naanani naaji naikinai, naaji reyenai nasha iideninaa. ¹² Piomiotsa naaji yaakale niiteshakaotsa naaji kaakonaaperri kooriperi iinaita kaiji ljiomakapisho naañaakaotsa; njaosha naaji yaakale naawayakakaotsa piomi. ¹³ Ljiimashiaka ljiaji Líbano ljiinokaotsa piinoko, ljiaji jaiko Cípres, ljinajaiji jiinirisho, naamatsietakaro aakiinoofakawao; maashia ljiaji nookaadakawa ljiaji noipa. ¹⁴ Naanowatsa pikaole naatodakaro naoshiipada pishro, miitsa naaji neenipe naaji iifiokape piiwanaa; naatodaosha naoshipadaa pisho piipa iikkodapii; naakaiteotsa ljiaji yaakate ljiiyadakan ljiaji waaminalji, Sion del Santo de Israel. ¹⁵ Kaikadanashajii naamakanpensho maashiperisho naakaapaka, kooritsaotsa kookaa iitaita jiiyaapakapia, nookada apada iipadaljekeeti kaidaaliweetsa, aapada iitimati kaidaliweetsa ¹⁶ Piashakaotsa piraka leche nayada najii apana, nairakaotsa nainia naaji reyes; naaniwatsa naaDiotekanoa noaka iimanakokaita, ljiiyada kaidadalji ljiajii Jacob. ¹⁷ Ljioyawale ljiaji bronce noodewatsa oowiro, ljioyawalje ljiaji tsiipala noodewatsa shipalra noodetsakaotsa paalrata; naatsakaotsa naaji jaiko, bronce, naoyatsaka naaji jiipada, shiipalrstsaka. nookadaotsa iikapakaope pira kaiji taalikanatisho matsiadaljisho ¹⁸ Ljiaji iiroati kooriitsa peemikani piipaitenaaka, koorintsaka iimashikeetaketi aajipiofaakawa, naaji iidaanatakashopa ljiimanakotakoatsajia, iipanonoma ljiaka mashidalji. ¹⁹ Ljiaji jeerii kooritsa piikamarakan jaaljeweriko, koritsakaotsa keeri iikaanaka piinakoo; iima ljiaji iiminali ljiikanakaotsa iinako kaidaljiwetsa, ljiaji piiDiote maatsiadaljikaotsanii. ²⁰ Ljiaji piiyada jerii kooritsa ljiikanaka, ljiatsaka ljiaji keerii ljiiñakaotsa; iima ljiaji piiminalji ljiakaotsa kaamarai kaidaliwetsa, ljiaji pialjedaokaate kooyooljekapia ljiiwayakakaotsa. ²¹ Piomiotsa naaji piinaikiitee maashiakaotsanaá; neepaakaotsa naayaadao ljiaji neepaite toa, naaki naajii noopania, noodenipe nookapisho maashiakaroatsa ljiimotoka nosho. ²² Ljiaji shoodalisho ljiimotowatsa mil, mitsa ljiaji shodalji iikashoatsa yaakalje kaidaadaljikan, noa iiminaljii, iinaitaotsa keeya ljiaji kookaakan ljikakadanako waatsa ljiinana.