¹ ¡Iinueena, piiomi shia metaperi icaojle ninitsa curica pirso pajlata, piino, piventa nite pijñani! piino piventa pirrawa vino nite leche macuadadajlitsa. ² ¿Cuaada iwaopia pajlatanaco curicadana pirso pete? ¿nadeniica curicadeca catimana? jimiwatsa norso iwapacacaotsawa canikia nite iñawatsa jliaji matsiadajli, nite icatimatacacaotsawa idakisho ³ ¡Panaya jimica norso ino nocaojle! jimicaro itaitaca dayowaawa! nuaa irso apada yacuti iowashopa piqueten nanacowatsa matsia icaponitacawatsawa liapia Davida pia jinaitani. ⁴ Icapa, no cadawatsa jliaji icaitecadasho nanaco napji nonaiquete caconape caotsana nawapacaroatsa nayacajle ⁵ Pia, nacaitewatsa apanaa inaiqui coriperitsa naniica watsa picaojle waminajli icaote wa Dioa jliaji maopitadajlitsa naDiote napji Israel nacapa jlimatsiaca. ⁶ Iooma waminajli matsiacadanacotoa shia piwanani tsomicadanaconi. ⁷ Pia matsidajli pimaca jliaji inipo jliaji atsia camatsicanadajli piomitsaca jliwaopiaque jlidiacaroatsa waminajli icaojle ima quenawatsa jlicapacani jliaji Dios ima jliatsa jiata piomi wamatsicana ⁸ Ima jliaji nowaopiaque coritsa piwaopiaqueshocan, curitsaca caica nuaji piapowa icayosho cai jliaco jliaji waminajli, ⁹ Caiji eenosho jliatsa ienonpa jipai ioya, caiji noapowa icayosho ienopacani iapowa ioya, nite jliaji nowaopiaque curim caicaniaji iwaopiaque icayosho. ¹⁰ Caiji iiyasho nite itamanasho inojli ienonite curim jliadiaca nirse jliacacaro jipainacojle catimanacaron quewicaroni cainacacaroni jlicarro ipaniati narso napji iapanacape naiñacaro pete. ¹¹ Ima cai watsa jliaji nuaco imotojli nonomajlicuite: curim watsa jlidiaca macudatsa noicaojle, mitsa jlimotuatsa caipji nomacapisho, nite matsia watsa shiaa jinaitacapoa caiji nocaitecapisho. ¹² Nini watsa ianicawa catimaperi nite nanicaotsawa meruajlicotsa; napji jipanana nite jipanadape nematawatsa caida nacantawatsa nacaapawa, piomi napji jaconape wacadajlicoperi nañawatsa nacapi. ¹³ awatsa namotojli nite napji dowiripoco, natawiñawa napji querajli napodan napji Zarzas, jliawatsa jliaji ipaniati jlitawiñacaotsawa, jlirsowao jliaji waminajli, jlipitananoco, panishopa curim pataitaca payuacani.