¹ Picanta, inaro menipedarrotua, pia curidarotua quenipeca; picanta caida nite piemataca caiida, pia curidarro cuancaojli quenipeca. Ima matsiapa napji ruenipe rsuaji curidaro coca iomaca rooya rsuaji cainiridaro, cai jliaco waminajli. ² Pinaita macaitepa jliaji pipanaita nite pimeco macaitepa jliaji picortinani menajlicotsa, pirapa jliñada jliaji pipana nite picadaca jliemawa taimi. ³ Ima macaitecaotsa pia ashiamete, nite inarsuemetetsaca nite watsa pienipe jirawatsa piomi jliaji jipai naiquinai iofawatsao maminajlinacawapia. ⁴ Mawiotsawa, ima curitsa coca ipaimanietaca pia, curintsaca yamadaca piwaiopiaque ima curica icaca picao; curim watsa coacaojli piwaopia jliaji capaimanapiaca pia yepenticadanacotua pia ⁵ Ima piinirica jliaji jinaitacada piomi, jlipitana Tsojlidaonai iminajlicani. Santo Israel jlipitana jliaji icotsojli iranasho jliaji pimatsicana. jlipitana Dios jaledauca iminajlicani. ⁶ Nini waminajli iwanaca pia pidiacaro jlicaole caiji pawanacani inaro namacanda quenadaro Espiirito naco, caitsacaji caniricani inaro ienpetitua curin cadeca coca iomacano, cai jliaco waminajli ⁷ Apapiapia noenitacacao pioya, mitsa panaya quenaca nocapa pirso nini nodiaca picaojle. ⁸ Iruatijlico nodawaca noecua pioya queyacatsadeca, nite cadeca jlima jliaji noaco quenaca nocapa pirso cai jliaco jliaji waminajli iwentacaitafa. ⁹ Caipia Noe iawajli, nocaitecaojlipia curica coancaojli uuni iawiñeta jliaji jipai, caitsaca nocaiteca panaya, curica querua nua piapiya o nocadacanta picapa jlicuada jliaji pimatsicana. ¹⁰ Ninitsanta canaanica napji jipana o nawacantawa jipanadape, curim yamiica nopeyoca pia, curim tsaca jliwatsacao jliaji nocaitejli cai jliaco waminajli, jliaji quenadajli icapaca pirso. ¹¹ Coyojledaroca pia, piita picaojlewa, picapa, nocadacaotsa jliaji pinipotewa matsiacai jipojlecaishodajli, nite taimidajlicaotsa jliaji piowacaroda. ¹² Matsia perricaotsa jipadasho nocadaca napji piventana, piomi napji pipananoma nite picorarani nocadacaotsa jipada matsiaperishona. ¹³ Nite Dios watsa icananta piomi napji pienipe, nini watsa namawadacaca caidajlitsa napji pienipe, ¹⁴ Matsiadajlisho watsa nomatsietaca pia. tecowatsa pioya jliaji parapitacapan, nite curim watsa piwiocawa, curiotsa coca itsomitaca pia. ¹⁵ Paada iomacada iemaca picuete curicadeca nua jlinai, ima jliwacatsa jicaotsawa picapaotsa. ¹⁶ Picapa, noacatsa jinaitaca jliaji idenicada shipajlasho, jliaji ipiacada tiiye jliaji idenicada, noacatsa jinaitaca jlaiji iwayaquetacaita. ¹⁷ Curim coca apada iomacaita inoca jlitaitaca picuete; nite jlipaimanietawatsa cocacada iomaca iemaca picuete, catsa jlicadajlica warso jliaji waminajli, nonacuite jlinoca jliaji jaledauca mawayacacadajli.