¹ ¿cocaotsa iepaca jliaji namijlipia wanacoapana, nite waminajli inapanaco nacañatacani? ² Ima jlitaoñacawa waminaji icapa caiji ipaniati shoonisho, caiji capajlicanini jipai metadajlinaco; curim matsiadajlicani, wacapacadanaconi, curim pacaca jliaji jlimatsiaca. ³ Curim noamani nite namenatacani napji inaiquinai; ape ashia jirrapitacadacani jlianica jliaji caidajli. caiji padawanda pecua ioyani, namenatandacani nite cadaanafa curim cuada warsoni wamacuadata jliaco. ⁴ Mitsa jliatsa ideca waoya jliaji warena jlinacua piomi cai pia jlirapitaca waicaote, nite fatsa iñacani wawaopia Dios catsa jliaji jirrapitetacani jlimatsicana ima ⁵ Mitsa jlideeca jliaji caidajli waicaote, jlirapitaca jorsedajli wamatsicana ima; jlia ideca piomi jliaji jirrapitaqueti watacarro manacococafa jlidepia jlinacoa jliyaonin jlitaita jlitapecawa ⁶ Piomi waa caiji nacayoshoca napji oveja manajleperinsho, nacawa cuanicairico catsa iinipo, nite jliaji waminajli Dio jlicadaca jlinacua piomi jliaji wamatsicana. ⁷ Namatsique tandapiani waicaote, curim cadeca jlimeco jlinoma cai jlicadacacao quenadajlisho, caiji nadenicani cordero painuapesho, nite jliaji oveja macocatsani hasta nainocani, cai curim jlimecoca jlinoma. ⁸ Napresotacani nite napecani teeconi; ¿ cocanta napji jliawajle perripia nawaopiaquetsani? ima oopica napeconi jejledaucaricuiete naofacawa napji cawiperri, namatsicana icaote napji noyacajleta nini jlidec jlinacua piomi jliaji namatsicana. ⁹ Nadawacani nainai napji inoocape inaiqui, caiji canadejlisho mayamicani, curim coancaojli jlicuitacawa curim tsaca jlicashataca. ¹⁰ Mitsa, caicatsa jlicadaca jlirrapita jorsedajli jliaji waminajli. jlicada jlidaqui wamatsicana icaote, nacapaotsa napji inocape jliapodan, jlicapawatsa jorsedajli jajledauca nite watsa jlinaitaotsa piomi napji jlicaiteri jlipitananaco. ¹¹ Jlipodanwatsa lirapitaca jlidaquisho jlicapawatsa camaray catimawatsani jlianique ima. jliaji norsodajli jlicaiteotsa aima iacona matsia; jliawatsa ideca namatiscana. ¹² Nini watsa noaca jliyadawa nanacuite napji aimadan naiqui, nite watsa jliacana narso nacuana caiji jlimacapisho jliaji jlinanida, ima jlicadaca jlidaqui nainai napji matsiperi jlitaita jlimanacotaca piomi napji jaledaucajlicoperi.