¹ Picafia, picafia, pietacacaro noidasho, Sion; pietaa pinaniwa matsiadajli, Jerusalen, yacajle mamatsicanadajlitsa, coriotsa camatsicanadajlin iewaca nirse ² Pitajlacacao jlimare ioya; pinicua nite piowawa, pia Jerusalen; piwataca piwedajlicuite jliaji cadena ipapijli pia Sion. ³ Ima cai jliaco waminajli: pia nawendenda macuadadanjlisho nite watsa nawataca pia mapajlatanatsa. ⁴ Icatsa jlicaiterica jiaji waminaji Dios: jlinitacaojlepia noyacajleta iaca yufawa Egipto riicojle; nite panaaya asiria jirapitetacana ⁵ ¿Panaaya coca jliaji norsojli, cai jliaco waminajli nocapaca coamica nadeeca napji nonaiquite midajli icaotetsa? nacaanica naicao napji itajlicanatacape nanaco, icatsa jlicaitajlica jliaji waminajli nite caidajlitsa namacuadataca jliaji noaco. ⁶ Nini watsa, piomi napji nonaiquite nanicaotsa cuandajlica nua, ima jliawari nacapaotsa nuacaa jliaji cacoojli. ⁷ Matsiadajli jliaji idecaita yacoti mawayacacadajli wacadajlico piomi jipananaco, jliaji icaitecada yacoti paofashoda pamawadaca, manacoshopafa nite tsaca icaitecada Sion Dioca jliaji itajlicanatacaita. ⁸ Jimica narso napji iepacape jia, ima iematacaotsa nainai catimacapoa jia, ima icapacaotsa iitisho waminajli inocaojli idecaro Sion. ⁹ Icanta caida nite icatimatacao pacoaca, jia iwayacacapen Jerusalen ricope, ima wamanijli icatimataca jliaji iyacajle jerusalen. ¹⁰ Ima waminajli Dio icañata piomi jajledaucaricope icapacaro coamica jliaji jlimatsiaa nite jiacatsa Dios imanacuitacaita. ¹¹ Ienitacao, ienitacao, imotuaca jlioya; matsomitatsa matsidajli: imutuaca jlioya, icotsuacawa, piomi jia idenicape waminajli irso. ¹² Icapa mamototsao iqueyapita, nite mapitutsawa, Ima waminajliwatsa iaaca ipeyajleo, jliacatsa Israel iDiote iwapacaitawatsa jia. ¹³ Picapa, caniquedajli watsa jliaji norsodajli, nacaotsa jlirso matsiadajli nacantaotsa jurse. ¹⁴ Aima watsa matsica picuetena piicaote, ima manicanawatsa paacacapaca pia piyaoni icaute nite watsa matsiadajlini naoya piomi napji ashianai ¹⁵ Caiwatsa, notrsodajli icadaca nacapacaro manaitacanadajli piomi napji jajledauca ricope maconwatsa napji caconape, ima nacapacaotsa jliaji macapacanadajli, nite jliaji curin dajlipia namica.