¹ Cai jliaco waminajli: picapa jlaiji matsiadajli, nite pinaita matsia; ima tsomiquena jliaji nomanacotacarro pia nite nocañata picapa jliaji macapacanadajli. ² Matsiadajli jliaji ashia jinaitacada caiji nocaitecapisho, nite jlicadaca jliowa jlicaojlerico. jliowetacawa paowetacawarico nite curim jliomaca jlinaitaca matsi ³ Macadatsa cocopeca napji paana inaiquinai iacape waminajli ijiapodan: Dios jienitacaotsa nua jliaoyawa. nite jliaji eunoco curim jlicaiteca, apana jaico metanin nua. ⁴ Cai jliaco waminajli Dios: napji eunuconai nacapa jliaji nowetacaroda nite nepa jlaiji noaco nocadanda narso. ⁵ Noawatsa narso naowacarodawa noinai nopanajlico, nocorratawatsa naowawa, nite notsaca narso naipitanawa caidawetsa curiwatsa coca itaita jitaca nocapiricuitena. ⁶ Natsa napji inaiquinai inocapetsa apaawe yacajle ricuite nacarro waminajli iapodan, nite napeyoca jorsedajli jliaji waDiote, nacaro jlirso matsiadajli, piomi napji iowetacape jliowetacarodajlico nite curim nacaca jlicao, mitsa nadacaca nacaojlewa jlinaco. ⁷ Nodecaotsana noyacajle iderse apji mawayacacawajle; jliaji nashopa norso matsiadajli norecibicaotsani apji nowacarodajlico. Ima jlaiji nopana jlipitana patatacawa noipitananaco, ⁸ Cai jliaco waminajli Dios, jliaji iniwacaita piomi camatsicanaperin Israel nite peeri, caicatua noniwaca manajleperin. ⁹ Piomi shia mawicajlinape awacdaita iinoena iyacaro iñacaro napji mawicajli wacadajlico ¹⁰ Piomi napji iapacapena matipericana, curica naani naamica. caica napji shino napesho macuitacape, napeyoca nataponca nite nemaca tsaca. ¹¹ Nite jliaji tsino camonicani; curim coancaojlica quepinacani; caicanaji maminajliperinsho. naacawa inipo cuamicairicocatsa, naoma naganaca coamicatsa ¹² Inoena, cai naco, iino wairacaro wadewanacaro. nite tewena caicarontsaotsa jajleca waicao