¹ Icatsa waminaji icaiterica: ¿ aqueere jliaji papera nodananda jlicaitecawa nomacaca rsuaji pidua? ¿cuami noanishopaca ajadajlicani? picapa, navendenda pia jlicaote jliaji pimatsicana nite pimecan, teeco namenacaca rsuaji pidua. ² ¿coaada noono curicanda cooca pacajli nini? ¿nowanata curin cooca iepa? ¿caapa medaca jliaji nocapi nomanacotacaro pia? ¿curin norso jidati nomanacotashopa pia? picapa, nocadacaotsa meeta jiaji ooni macapawandan; nite nacadacaotsa ooni matacwapiani; mañamicaotsa napji cupe ³ Notaita nocada cadauca jliaji eeno; noitacani tsayamequetasho ⁴ Jliaji waminajli jliaca norso apapeco iacoti, jliaji panishopa pacanata, nocaitecaro yacuti matsiadajli narso napji matsiperi yaniacacao; jliretaca nua depitua icoan, jlicanantaca nua jajlecacoan ⁵ Waminajli jimecoquena nonacojlico, ima mepacadajlipiaca nua, curin nuaca noapoddanrsewa. ⁶ Nocadaca noinapi narso napji iñetacapepia nua, nite nocadaca nocacoda norso napji jiracape noshinoma; curin nodawaca nuecoa jliuya liaji capaimanadajli. ⁷ Ima, waminajli iaquitsin dataca nuaa; curicacaro nowao matsicawarico; nini nocadaca nuecua catiina, nite nonicaotsa curica capaimana nua. ⁸ Jliaji icaitecaite nuacona tsomitsa noyani. ¿coocanta iemaca nocuete? iemawa wacaidatacacaro fawacawacatsa. ¿cooca jliaji icaitecada nuacona? icada jlino noicaojle. ⁹ Icapa, waminajli watsa iquitsindata nua. ¿cooca watsa icaite nuaca jliaji jinaita matsi? moyecaotsa natsayani; ima cafipe iñacaotsani. ¹⁰ ¿Cooca inacuite ifioca Dio iwaana? ¿cooca iepa jlirsodajli yaco? ¿cooca iemaniwa cadaucapirico? nini irsotsa icadaca icaojlewa waminajlinaco. ¹¹ Icapa, coamica jlimaitaca piomi jliaji tiiye, napji irsocape lampara: nanicawa jlicamaranasho jliaji tiiye queradajli. Catsa jliaji nacadajlicaotsa icapa. pianicaotsao querrecawaca caiwidajlirico.