¹ Yaapa jimitsa, yufakape Jacob iipanariku,tsaa jnaninipe Israel iipitananaku, tsaa jlikaana jliaji Judá; tsaa iikaitekape jlipitananaku jtiaji Waminalji jnite iitataka jlipitananaku jliaji juadiute jnaji Israelitanai kurikadeka matjiadalitsu iikaula jnite kutsa aajadalitsuka. ² Kaikadeka juanikana jnafakpuanim jnite juakadaka juawaupiakje jnadiujenaku juaji Israelitanai, jnaminali jnaji tjuludakurri jlipitana. ³ Jnukjitepjia uupi jliaji yakuti; jlimutuka jnunumanikjuite jnukadenina jnuinitsupana, jnite keyanada jnunaitatje nakana, jnite jneyapakau. ⁴ Jnuanika kjeruanidarikapjia tsipalatsu jliaji pjipedaki, jnite piekua kaiji ekuite tsipalatsu. ⁵ Nini Jnukaiteka, juaji yakuti jlipeyapiatua; jlipeyapjia pjiyapakanim, kurikaru pjikaiteka: "Jnudiotenai jinaitetaka kaiji, juaji jnanaitanipe jaikutsu, tsipalatju tsaka. ⁶ Pjimipja jnanaku juaji; pjikapa panaya; juite pjia ¿kujipjikaiteka penaya aajadalika jliaji jnukaiteli? paniyautsa jnuinitaka jnukanetaka pjikapa walipe, kurimpetua pjikapaka. ⁷ Panaya juanuatsa pjikaule, jnite pjia kuriutsa pjiamika jnanaku. ⁸ Kuriali pjimi; kurinu pjianika, jnakaitepiali pjimi jlipeyatua jnuanitsa katsadalikapjia, jmepakadali pjia pjimutukete. ⁹ Jnuipitananaku jnudawa jnuisrua, jnumatsiakanaku kurituatsa jnuinuka pjia. ¹⁰ Pjikapa, jnunua jnumatsietaka pjia, kaiji palatatju; jnukutsuka pjia aaji, pakutjukarudajiku jliaji. ¹¹ Juipitananaku, jnuipitananaku jnunaitakautjan, ¿Kuaji jnukadaka jnakapa kanukuka jliaji jnuipitana? kurim jnukada paada iisu jliaji jnufakawa. ¹² Pjimi jnua, Jacob, jnite Israel tsaa jnupeyumipe; kamtsa jnua, iinitakada, jnite pjiketendalin. ¹³ Aaja, jnukapi jinaitaka jnaji jiipai, njite jnuyekematsu jnunuita jnaji eewi jnuwanaka danakuna, jnenikua pukuakatsa. ¹⁴ ¡jiwaketakakautsa, pjiumi, jmikaru! ¿Kuka iimakjuite iikaite juaji pakapeli? jlimidali jliaji Waminali jlimikautsa kaiji jlikaitekapishu Babilonia iijuete jlimitatsakautsa kaiji jliumakapishu jlia; Waminali jnaukjuete jnaji caldeos nai. ¹⁵ Pjitsumitanua, pjimikani, jnuinitakadanaku kurim jnudawaka kakukanua; jliyapakanadakua aatsanuaji paniya waminali iimenakakanua jliapiya jliaji iikaulekun; matsiabuli. ¹⁶ Pjitsumita jnua, pjimika jliaji: Jlinitakauliu kutsa kakuruka jnua dawakali; jliyapakadanakua, jnitsa jnua." Paniya iiminaliti imenakaka jnua, jnite iikauletin jliyada. ¹⁷ Katsa jliumalika jliaji pjiminali, iimatsietakuda pjia, jlia maupjita dali Israel iiminali jlikaiteka jnuntsa pjiminali, iikanatakada kuanka matsiaka yufakau, iikanetakada iinipupu keereka pjiawa. ¹⁸ ¡Pjiapapjiakanta jnuaku! jlimatsiaka jliaji, pjiufakau jliarukantau kaiji inipautsu, jnite kajiapjia kaiji jlipjiakapishu jliaji uuni makapafan ¹⁹ Jnapianta jnaji pjinakjuetepesri kaintja jnamainaka kaiji kaidakuatsu, jnite kewedanka jnaji pjienipe kaiji jlipadatetsu jliaji, aidakun; kurimtja jnuyuaka juite kurimtja jnutaka jnaipitana jnuya. ²⁰ ¡Pjimutua Babilonia yuya! ¡pjipitua jnauya jnaji caldeosnai! ¡pjiwanaka kaida pjikaitekasru! ¡Pjikada jnanika jliaji, kereka jliakau jliaji jipai! Pjikaiteka: uupi jnumiminali imatsietaka jliaji jlinaidali Jacob! ²¹ Kurin jmetaka jnakaule jlidekadanakuka jmaunitekawa; jlikada uuni yaruka jnasru jiipadarikjuite; jliñaka butan jliaji jiipada uuni yarukarua. ²² Kurim matsia jnajakau jnaji matsiperi, jliaku jliaji Waminali."