¹ Pino pia Babilonia ituu mayapacadarotua ashia inai piofawawa metepecawa, nite curica pisro piofacarodawa, pia Caldeo ituu tsaca, curim coacaojli naoni matsidaruca pia. ² Pipaca jliaji pamojleshopa nite pimojleca caana; pitaca jliaji trapuita pioyawa, pitsiquereta pitsiorani piyapacaro jliaji uuni taracapi. ³ Matsayanincaotsa pia capaimana, ajadajli nacapaotsa piomi pia: nocadawatsa nacapa curiwatsa queenaca apada nocaapacajli. ⁴ Icatsa jlipitana shojlodaonai imanajli jliaji icotsocaitawa, santo dajli Israel. ⁵ Macotsa pia,nite piewaca cadaocadajlirico, Caldeo ituu; ima curiwatsa coancaojli nanica reinaca pia. ⁶ Ima queroaca nua napiya napji noyacajleta; macudadajlishoca nocadaca napji noapodanperi, curim quenaca picapa narso, aimapaca picadaca nadenicajlewa napji pequipenai. ⁷ Cai piaco: caidaliwetsa nareinancaotsa nua, cai caacoca pia picaojlerico curim piwaopia caica piyapacawa. ⁸ Pimica, panaaya pia inaru macanidan, pia iowacaita iwaopia icaojlerico curica coami piyapacao: nuatsa jliaji curim pacapa apada caidajli nocaypsho, curiwatsa maniridaroca nua curim tsaca menipedaronca nua. ⁹ Yamadaotsa inoca picaojle apadatsa jaledauca: mayanca pienipe nite piiniri tsaca; ninitaotsa pimajliritacacao curicadeca namiwatsa pirso nite watsa pitatacacawa micapancatsa pia. ¹⁰ Ima picadaca picaojlewa pidanaco nite pimatsicanaco tsaca cai piaco: curim coca icapa norso nadeca pia matsicawajle napji pianique, nini piaco picaojlerico. camitsa nua curim cooca caiji nocasho. ¹¹ Matsiri inocaotsa picaojle; ciriwatsa pianica coamica pienitacacawa jlioya, ima matsiri iwaotsa pinaco; curiwatsa pianidaocaca coamica pia jlioya. matsiri inowatsa picaojle cuircadano piwaopia. ¹² Piemataotsa jlinaco taimi jliaji pimajliricanaco jliaji pinaitandan iepeticadanaco tua pia, piwadata caica jliacarp pioya jliaji matsiri iocajli pinaco. ¹³ Mapiquena pia ima jorsedajli pitataca pidiote inai, paanaya pinaaca nemacao napji ashianai ipeyocapepia nomanacotacaro pia, napji icapa jiwirida nite eeno tsaca, napji icaitecape ianica picadaca namanacotacaro pia jlioya jliaji piyapajliotsawa ¹⁴ Pia naicaojle, ima caicaotsana napji patanipensho tiiye imataotsana. curim watsa nataita namanacotacacao nawacawacatsa, curiwatsa pacapa tiyemen nini naqueratawape curintsaca tiiyeca naowacarodawa. ¹⁵ Cai watsa noofacwa napji picadaniepe picaojlewanaco, catsa pidecajleca napiya piwentaca nite piwendetsaca yenpetipiacatua pia, icamitsa jliaji nadejicajleca, mitsa piwanawericona curiwatsa apada inoca picaojle naquitsindatacaro piaa.