¹ Bel ijamjawa, Nebo itsikiawa, nañji Njapjeyoriji. Njadeñji mafikalji njaku, njunji ipjeyuñji jamjiñaperri ljinaku ljiaiñji mafikalji mjapjidalji. ² Pjapúkún iyamjakau, itjudja yursipjadawa, kurriwatsa kurriwatsa imanakatja nañji ljijapjianpjén, njaminwatsa yawa imjatsikakawa. ³ Jimi, Jacob ipjanjaljikupe, pjiamiotsa nañji ljimakaketen Israel ipjanaljikupe, Njudejipjiena ljipeyatjua njamutjukawa, njadua iwawaljikuitje. ⁴ Atjé pjekirrika pjia Njoa Mimtsa ljiañji, Njodeñiwatsa pjia kerreka jaljepjirrie pjitsikulje, ima Njonjaitjauda kapjia. Nite Njideniwatsa pjia Njomanjakutjawatsa pjia. ^{6 5} ¿Kuandalji injai ipjakuatja njua? ¿Kuajinpja iwaupjia ljiañji njokapakana, ipjakuakatja karruenja wakapjakana? Nanji apjana Njarru owirru ljiarru dja lji kuitje nite mjawi Njapjaljani ajjñi Njapjakua katjakawani, nite njakauña apjada jinjaitjakauda njadiotewa pjaljata shoni, Njatjudakarru Njaursipjadawa Njakarru ljisru matsiadalji. ⁷ Nite Njawake Njadani ljiywakawa, ninitsa ljiufawawa kurrin kanjanikani nitjén, njemjatja ljirsu, mitsa kurrin ljitjaita ljiepakanja kurrintsaka ljimanjakutakanja Njamatsikarra yuya. ⁸ ¡Iwaupjiawatsa ljinjaku ljañji, kurriwatsa kuankauljieka imjakuadatján, shaa Mjepjakaperrin! ⁹ Iwaupjiawatsa ljinaka ljañji opjidaljin ljiakañi jiyapjaljinawa, nini Njoatsa ljiañji Dios, kurrin pjakapaka apjada apjada kaidja ljiañji Njukai sho, ¹⁰ Njokaitje ljinitjakawetje nite ljiwayakakawalje, nite nañjji kurripjetua jiyapjawa; Njokaitje: "Ljiawatsa ljiañji Njukaiterri kaiwatsani, Njunjaitawatsa kaiñi Njumaka pjisho." ¹¹ Njowanawatsa wipjiarrunai kerruaperri jerri shewalji Nite Njuniwanjanda atsia tjekuitjedalji jipjai, Ajia, kakuljina njua, njutjaitjeninja, Njukadjeninja, nite Njunjaitjawatsani. ¹² Jimii Njua, sha inaiki Mjepjakaperri, tjekupjerri ljiuya ljiañji matsikawa. ¹³ Njudewatsa tsumitsa ljañji Njumatsika, kurritsa tjekuljika, kurriwatsa yamjika njumanjakutjaka; nite Njuawatsa Njanakukalji Sion irsu, nite Njumatsiaka Israel irsu.