¹ Ikaatsa ljikaitje Waminalji njarsu Njañji ljiputsietjañji matekasho (ungido), Ciro irsu tsaka, Njapjawerriku ljinjapjanaka atsiemja, ljianwantjakarro tjaimi Mjakadaljipje yakalje ljirsuwawa, ljiwatjakakarru tjaljikanatinjai, Njamekukarru pjantjinumja ljirsu, jaljakatsa nauji pjantjinumja. ² Njuawatsa yawa pjipeyalje, Njomayakantakarru awakadja, Njutjukuawatsa pjaitjepenja ljionji pjantjinamja bronceshodalji, nite njuyuawatsa ljidjanje tsipjaljashodalji. ³ Nite njuawatsa pjirsu nanji kakuadjaperri djawakaljiperri, pjiañji karro Njuakatsa ljiomji pjiminallji, iwanalji pjipitjanaljiku, noa Israel iDiostje. ⁴ Ljikautjewatsa liañji njusru djalji Jacob, Njuniwananda Israel, Njuwanawatsa pjipitjananjaku, Njuakarru pjiakunawa, ninitsa kurrika pjianji djanjua. ⁵ Ikatsa noa iminali nite kurrin pjakapja apjada, kurrin ´jakapja apjada Dios nuenawatsa injania owi ikauyanadja. Ninitsa kurrika pjioñji noa; ⁶ Nañji karru nañji inaiki ljinikuwatje ljiañji jerri imutjalji nite, kurrin pjakapa apjada Dios ikamitsa noa, atsa iminalji, kurri pjakapja apjda. ⁷ Naatsa jinjaitja kamarria nite nuinitja kadauwerriku; nodje metjamidalji nite Mjunaitja tsaka iwayakeljakadi, noatsa jinaitjakaitja pjiomi, nanji. ⁸ ¡Shaa enjo, iyenjani yonjonitje! iyakarru enjoljikuitje matsiadalji, ljipakarrun ljiañji jipai, ljitjauñakarrua ljiañji matsudalji pjakuakatsa, Njaa iminalji jinjaitjakada sha. ⁹ Kenaperriwatsa ikuitetjakape ljinaka initjakadán, kaikautsa niañji turrupenasho jaljedauka ljiku shodaljitua, kuantsaka ljiaka turrupjeda irsu,, ¿kukapinaitjalji? kurrin pjakapaka pidjenintjalje pjenitaninda kauñiji. ¹⁰ ¡Kenjadalji ljionji ikaitekada ljinnirri:" ¿Ikewedjantaka? apjama injarru, ¿Osuañji kerijiperruenja?" ¹¹ Ikasta ljikaitjeka ljiañji Waminalji: Maupjitadalji Israel, ljiañji initjakaitan, ima Njatatjaka kuadaka ljinaku ljianji njonaitjaljiwatsa narsú nañji nuenipje: ¿Pjikaitetsaka kuamika ljiañji njodeñikalje Njakapisho? ¹² Njoniatja ljañji jaljeudauka Njainatjatsaka atsianjai ljirrikuda, Njukapisho Njumakaitjeta jaljeudauka, Njona pjiomi nañji jiwirrida njamutjukatsakau. ¹³ Njukafietja ljioñji Ciro matsiadalji sho, Njimayakantawatsa pjiomi ljiapuwa, ljiemjetjawatsa Njuyakalje; ljikadawatsa Njañji Njapekuñjin Njakarruwa pantirriku, kurrin kakuadanjapjeka kurrin imanietjetakapje tsaka, ljiaku ljioñiji naminalji nañji tsolodaunai. ¹⁴ Ikatsa ljikaiteka ljiañji Waminilji, Njadeñikalje ikuadja nauji Egiptonjai nite Njanirrimja tsaka Njañji Etiopiapje tsaka pjapakún sabeosnjai yapjiya jaljipanipje atsianjai, Njanuwatsa pjikaulje, pjiyapjewatsana, Njawatsawa pjiapudján, ipjapikewatsa, Njayammijawatsawa Njatatja pjinai Njakaitjewatsa, ajadjalji Dioskatsa pjinai, kurrin pjakapja apjada ikamitsa ljia. ¹⁵ Ajadjalji pjiakatsa ljiañji Dios idjawakaljiu, Israelidiotje imjanakukadja. ¹⁶ Pjiomiwatsa kapjaimanakana nite kañaitjeperrin shotsakana, pjapukún, Njañji jinjaitjakape ljionji njapeyanalji Njemjaniwatsawa kanjike shotsa. ¹⁷ Mitsa Waminalji imanakutjawatsa Israel kaidjaljiwetsa, kurriwatsa kuankuilje ipjietja kapjaimana katsa. ¹⁸ Ikatsa ljikaitjeka ljianji Waminalji, ljiañji initjakada jaljeudauka, ljiatsa ajadjalji Dios, ljiatsa jinaitjalji jalieudauka, ljiwaketjauda matsia, kurritsa ljinitjenkani kaiñji midjalji shotsantja, ljinaitjani pjaufakarru ljirrikudja, Njoatsa ljiañji iminalji kurrin pakapa apjadapjauta. ¹⁹ Kurrin djawakaljika kakuka njoa, kurrintsaka njokaitjeka nañji ljipekipenatje ljañji Jacob, midjaljitsa yamjaka Njaai, Njaatsa ljianji iminalji, kakudjalji jaljamikawa, Najakoitje ljiañji matsiadjalji ²⁰ ¡Iwaketjakawa nite Njuena! ¡pjapukuwatsa nañji maminaljiperrin jipjaikuán! majikaperrintsa, nañji idejeñikapje ljinjapian Njatjata ljinai ljiañji Njadiotje kurridgaljitsa imjanakutjana. ²¹ ¡Injuena ikaitjenja nursein, idjena ajadjalji! ikaitjepenja pjapakúm ¿kuka imjutjuetján opjipienjana niankán? ¿Kuka ikaitjen? ¿Njaatsa ljianji iminalji? kurrin pjakapa apjada Dios ikamitsa njoa, Dios ajadjalji nite imanjakutjakaitja, kurrin pjakapja apjada njuya. ²² Idjiawa Njukaulje mjanakukarru tsa, pjiomi ljiwayakakalje ljiailji jaljeudjauka, ima kamikatsa Njoa Dios kurrin pjakapja apjada njuya. ²³ Njunjakuwa katsa njukaitje ajadjalji, njukaitje Njudjawakalje matsiadjalji, kurriwatsa namatsietja Njatjudawatsa Njaursipjadawa nursu, Njakuanawatsa Njakaitjeka Dios ipjitjananaku. ²⁴ Njakaitjewatsa njonaku, kumitsa Waminalji Njaku imanjakutjafa nite ljidjasho. "Pjiomiwatsa kapjamanaka nañji kerruapjerrinljirsu. ²⁵ Waminalji Njakuwatsa pjiomi Njañji ljipjekipenjatje ljiañji Israel ljipjakuakatjawa tsanja; matsiwatsana ljinaku pjadenirri.