¹ Pjamaya pjimi, Jacob nunaikitje, nuniwananda: ² Ikatsa ljiaka ljiañji Waminalji, ljioñji jinjaitjaikaita pjia nawawaljikuitje, ljikitsindatja watsapjia: "Mafiutsau, Jacob munaikitje, nete pjia, Jesurún, nuniwanjanda. ³ Nini njuarruwatsa oni metjakawa jipjai ljiarrukarruwa mjetjadaljinako, nuarruwatsa Espíritusho nañji pjipekipjenatjenai; nubendicioni sho, pjiyenpetjitjenaku. ⁴ Njapukutja karru kainji maljitsi sho, kainji ljikauljena sho tjarrakapji oni. ⁵ Apjadapenja ikaitje: "Waminalji iyda noa, pjapuku iwanawatsa Jacob, ipjitanjanaku, pjapuku nadanawatsa njakapisho, Waminalji mapjepia, kaiwatsa njepitjanañji Israel sho." ⁶ Iatsa ljikaitjeka ljiañji Waminalji --Israel itjaljikana Jesucristo (redentor), natjaljiana nañji tsoljodaunjai, "Noatsa initjakada nite pjiketjendakji, kurrin pjakauka apjada njuya ⁷ ¿Kaidaljiañji nukaisho? ikadenja nakaitjekarru kuampjiaka ljiyapjakau ljiwalji numatsietjekarru kuampjiaka ljiyapjakau ljiwalji numatsietjaka nañji opepjerri njuyakalie, ikaitjena kuañji watsa ljianji injulji ⁸ Mafiosau, o mafietjakatsao ¿kurritjua njukaitjenka kuamipjiaka opji, njukaitjenina? shatsa ikaitjekapje yakutji añjadalji: ¿Kapja ninika apjada Dios njuya? kurrin pjakauka tjaimidjalji jipjadasho; kurrin pjakauka daljikán ⁹ Pjjiomi nañji jinjaitakapje ljinjapján mipjekatsana; nañji njapeyñji mjakuadepjerrin kana, nañji ikaitjekapje makapjakapetsa o nañji kayu yatsa, nakadawatsa njauma nakuadawa. ¹⁰ ¿kuandaljiutsa jinaitja nadiotewa o idutja ljioñji njapeyanda mjakuadadaljin? ¹¹ Pjikapja, pjiomi watsa nañji pjakuakaperri kapjaimanja watsana, ima nañji iñjakape atsianjaitsa, ikadenja njemawa pjapukún, nafietjakakarrowa kapjaimanja karruwatsana. ¹² Ljianji tsipaljatjualji ljidenji tsipaljasho, ljideñjika tjiyemjensho ljimatsietja, ljimayakatja matillosho ljideñji kaidja lji napjasho, nite mjafitjakairrikuni, ljiañji ljidjaa iwayaau, mairrakadaljitsa oni nite djaimikani. ¹³ Nite iyuakaitja jeiku (carpintero) ljiwi nañji jaika apadja jaljipakaisho, ljikada ljinjanawa awisho ljimatsietjana ljideñji shopja sho, ljianawa ljidjishopasho (compás) ljinjaitja ljinukikawa atsuasho, apadja imiki pjemini, pjantji ikauyanapjetsa. ¹⁴ Nite ljiyua taiku (cedro) o ljiniwana kaiku irraini pjomenidjalji (ciprés) o kaiku tjarrani (roble) ljiwakatsa iniwana owakadjaljiko nañji jaiku, nite ljiapjana jaiku kawini (conífero) nite iya itjauñetjani. ¹⁵ Njamintsa njepjalji njamutjaka shopja tjiyenasho njakerratja shopa tjiye namakarra shopja pjetje (pan) nite njashomintsa ljinjantja ljidiotjewa ljitjatauda injai. ¹⁶ Ljimjaitja njanakupje nañji jaiku, ljikada ljipjekawa ljiñjau matsia ljiañji kakau, ljimjutjakawerriku ljiaku: "Pjaá jamjuljina noa njukapjeni tsaka tjiye." ¹⁷ Njanakupjen sho nanji jauku ljinaitja ljidrotjeo, ljimjajikarrua ljirsu, ljitjata ljinai: "pjimanakutjena noa, ima pjiaka nudiotje." ¹⁸ Kurrin njanjika, kuan shopjakan, ima tjaimika njatji kurrim njatjitja njakapaka, kurrin tsaka njakaulje shoka njañji. ¹⁹ Kurritsa kukaka njakaitje, kurri njañjika, kurrim mjawaupjiaka: "njumaitjenina njanakupje njañji tjiyena tjiyerriku, añja, njumakarre njinatsaka pjetje ljimjensho (pan) njomitjetsaka ljipje ljimjensho njuiñau, pjanaya ¿njonaitjaka tssenjaka ljipjadansho ljoñji jaiku, apjada kadufialjekadalji pjatjauda injai? ¿njosrusha njayanjakau jaiku jipjadan irsu?" ²⁰ Kainji ljiñja kapjisho pjaljipukua, nite ljikaulje imanjietján ljiwa tjekulje, kurrikarru mjanakuni ljiwakawaka tsa, kurriwatsa ljikaitjeka, ljionji atsiamjetjedalji njokapirrikuka diopjanalji. ²¹ Pjiwaupjiawatsa ljiañji Jacob, Israel tsaka, ima njunaikitje kapjia, njonaitjandaka pjia, ima njunaikitje kapjia, Israel kurriwa tsa njumawadakaka pjiuya. ²² Njuatjawatsa, ljioñji pjimaasikanja kañji iyadukasho, kainji iyadaukasho, ljioñji pjimatsikana, pjidiawa njudetse, ima njukauñandenja pjia. ²³ ikantjena, sha enjoljikupe, ima ikatsa Waminalji jinjaitjandaka, shematjenja, tjewakawerriku jipjai, kemjaa ikautjaka, ikuanja shajaiku awakadaljikupje, Waminalji ikaunañjina Jacob irsu, ljikañatjakarru matsiadalji Israel njaku, ²⁴ Ikatsa ljikaitjeka ljiañji Waminalji, Jesucristo (redentor), initjakada pjia njawawaljikuka adjanakupjiatjua pjia: "No atsa ljioñji iminalji, jinjitjakaita pjiomi, ljiamintsa imjaikeitjeta jaljeudauka, ljiaminitsa imatsietja jipjai. ²⁵ Njuatsa imatsika nañji ikaitjekape kuomiwatsa nañji kañjikepjerri mjetgadaperrin, katsapjirri natsaka ileekapje ljioñji matsiadjalji o matsidalji, njuatsa iwayaketja njenijinke, mjakaitjenda njaiyi mjekapjerri. ²⁶ Njaatsa iminalji, ikafietjakaitja ljiaku ljianji irsudaljji, ikadakada ljiwayaketja ljionji ljikaitjerri mjaku, Jerusalén maku. Njaufawatsa nini, namatsietjawatsa njayakalje mjañji Judáperri, njurretjawatsa kenjakalji yuyanjo, ²⁷ kuan mjaku makapjawán tjewakakawa, oni, mjetjapjia, njumetjatawatsa pjiarrukawa. ²⁸ Ljiatsa waminlji ikaitje Ciro njaku: "Ljiatsa njupastomi, ljinjaitjawatsa pjiomi kainji njomakapisho, ljikaitewatsa Jerusalénnaku: "Njamatsietja watsanú; nite njakawa matsiadalji, njakadakarruni ljinitjakakawa pjiatsa.