¹ Mitsa panaya ljikaite ljiñji waminalji ljiañji, jinaitakaitja pjia, Jacob, ljia tsaka initakaitja Israel, "Mafiotsau, nini noatsa ikutsu pjia, noatsa ikada pipjitana, nini nuyadaka pjia. ² Pjiyapaka danakuatsa unirriku, nuatsautsa pjinai, añjji unipauljiku tsaka, kurriwatsa namakua datjaka pjia, kurriwatsa pjimakau piemawerku tiyerriku, kurriwatsa ljimatsikaca pjia ljia ljirrá. ³ Nini noatsa pjiDiote pjiminalji tsaka, ljiañji, maupjitjadalji Israel, manakushopja pjia, nueninja Egipto irsu ljimanaku tjakarru pjia, Etiopía nite Seba pjikautje. ⁴ Kaidalji añji kakuadadalji sho matsiadalji nukapjaka, nupjeyunda, niniwatsa nañji inaikinai nuawatsana pjikautje, natsa nañjji yakalje makadaljipe pjima. ⁵ Mafiotsau, nini noatsa pjinai; nodewatsa nañji pjipekipenatje jemi shewalji nirse, nuniwawatsana jerri inarruemjetji. ⁶ Nokaitewatsa ná jerri atsiemitje kawa, idietjana; jerri imutjulji nirse; madjanatja tsana; idenja nuenipje tjekuitje, nite nuitjunaipe atjeji ljinanja kawa ljiañji jipai, ⁷ pjiomi nañji nuwanañji nuipjitjanaku, natjanji matsiapje nursuwawa, nuitjanpje ajadjalji. ⁸ Idena nañji inaiki matjiperrin, nintsa katjiperrikatsana, nite nañji mjenakuljikupe, nintsa kenakuljipe katsana, ⁹ Iwaketjakenao pjiomi makadaljipe yakalje, natsaka nañji yokaljefepje mawaketjakau, ¿Kuandalji nanakuitje itjaita ikaitje faa nakaiterru femi kuanpjikáu? ikadja nadekarru ikaitjekaita mayakandalji, ikada njemi: "Nakaitjekarru ajadjalji." ¹⁰ Ikatsa shaa ikaitjekapeka nunaku ajadjalji , " ljiaka ljioñji Waminalji: "Nuniwanañji nunaikitjeu, nanjikarru noa njepjakarro noa, nanjikarro ikakatsa ljiau mintsa noa, nopjeyatjua kurrin pjakapa apjadapjautja, kurriwatsa pjakapja nuopjudamjite. ¹¹ Noa, naatsa ljiañji iminalji, kurrin pjakapja apjada imanakutjaitja ikamitsa noa. ¹² Nokaitjenina shaa: Noena manakualji, kurrin pjakauka inai apjada ipeyondapja, shatsa ikaitjekapje ajadjalji nonaku, ljiaku ljiañji Waminalji, "ikatsa Dioska noa. ¹³ Pjanaya ljjia jaljduakakan ljiañji ikatsa noa, kurriwatsa kuka itjaita jitjaka nukapirrikuitje, noamintsa, ¿kukautsapja imatsiketan?" ¹⁴ Ikatsa ljikaiteka ljiñji Walminalji, pjimatsika, maupjidalji Israel: "Pjikautje ljimenakana Babiloniatse kaiñji ipjitukapesho, napjadametja nakuwa kainji nacuncionisho nerrapjitetja shopja Babilonishoperri. ¹⁵ Noatsa ljiañji iminaljji, itsowalje pnaupjitadalji jnaitjakaita Israel, pjitjaljikana." ¹⁶ Kayo ljikaitjeka ljiañji Waminalji, (ljiatsa jimeko inipo oni makapawán kaidadakji, ¹⁷ ljiatsa jitja nakarruni nite caballo, nite nañji soljodaunai kaidapjerri pjaa, nite njewawa pjapukun; kurriwatsa kuankaulje njenikuwa; opji nañawa, yaljimina kaiji ljinadjakasho). ¹⁸ Mawaupjiatsa ljiañji jiyapja kadjenawa, mawaupjiañji natsa ljioñji opjidaljin. ¹⁹ Ikapja, kaminjautsa njunaitjaka apjada waljidalji, pjanaya ljinitjaka ljiyapjakau, ¿kurrpja yañimiketsán? njunaitjautsa apjaka inipo jaljapukuljirriku, nite tjarrkakai oni awakadjaljiku. ²⁰ Nite nañji mafikalji awaka daljirri ljipjetuanjai (chacales) nite nañji kuamanapjén shoperri (avestruces), noawatsa ya njarsu oni awakadaljikuite, nite anipjau jaljapukuljirriko tsaka, nairrakarru oni nañji nonaikitje, ²¹ noñji njunaitjañji nursuwawatsa, njakaitekarru matsiakawa njuakuna. ²² Mitsa pjia kurrin pjiwanaka noa, Jacob, ima mapjikena pjia numja, Israel. ²³ Kurritsa pjidenjika njanakuitje nañji pjipirra (oveja) pjimaitjakarro matsiadalji nursu. O kuidaljitsa pjinaijaka matsiu, kurritsa njudenika pjia pjaniatjji shoo, mjamapjikanatsa pjiaka pjomenidalji (incienso). ²⁴ Kurri pjiwentjaka paljatasho mapa pjomenjidalji, kurrintsaka pjiarruka nunaku ljifuuiwika ljiañji matsiadlji, mitsa pjipakantjaka noa pjimatsikanasho, pjimapjitakenja noa pjinaitjanda sho matsi. ²⁵ Ikatsa noa, añja, noa tsa ljiañji, shatjaljiwatsa pjimatsikana njoikautewa kaatsa, kurriwatsa njopietja nowaupjiaka pjimatsikana. ²⁶ Pjiwaupjia watsa nursu ljinñji jiyapjaljiwa, kakupewa pjapukún, pjikaitjina kuañji kapjia kuamika mjamatsikana daljikatsa pjimutjukau. ²⁷ Ljiañji pjinjirri pjinitja kamatsikanapjiani, nañji ikanantjakape, kamatsika napjetsaka nursu. ²⁸ Niniwatsanañji mjaupitjaperri njumekuwatsana njaufetjakawa ljikuitje, nukadawatsa ljiaji Jacob namatsiketja karrún, Israel kaljaimi tjewakaljekarrún.