¹ Jlimikadanakuna jliaji rey Ezequías, jlitserentaka jlitsa yanale, jlidatakau tiyejme iipaletsu, jliewau jlipanariku jliaji Waminalji. ² Jlimenuka Eliaquim, yapakada jliaji panti, jnite Sebna jliaji idanakada, jnite jnaji pekipenaipena jnanakjuiteperi jnaji ikanantakape jliaji yakalee jnatsaka jnaji inukape mafikikali, kalaimi jnadatekaku tiyejme iipaletsu, jnakaite jlisru jliaji inuparutakaita Isaías jlisri jliaji Amoz. ³ Jliaku jliaji Ezequías: Jliaji jaledaukakam kuyuledalikam, jnakuitakuwa, jnite matsisali jiwaka panaku, kaiji kiraitali yumakapishu iimutukenau, jnite sjuaji jlidua jmaidaka srupialjetaka jlimutua. ⁴ Wadepetsa pimnali jimika jliaku jliaji jnaminali jnaji tsuludaunai, jliaji jlimenakanda jliaji jliminali, Asiria rikudali, jlinukaru jliwiaka jliapiya jiaji Dios kafidali, jnite jliameta jnaji yakuti jliminipe jliaji piminali, paniya pitataka jnanaku jnaji jliteu yufakapetua aaji. ⁵ Jnite jnanuka jnaji idenikape Jlisru jliaji jnaminali (rey) Ezequías Isaías iikjaule, ⁶ jnite Isaías yaku nasru: "Tikaite jlisru jliaji iiminali: "Jnuminali iikaitekai jmafoutsa pimika jnaji yakuti jlikaiteli, jnakuitali iima jnua jnaji iidenikape jlisru jliaji Asiria rikudali. ⁷ Pikapa, jnukadawatsa paada ikauletin matsiadali jlinaku, jniteutsa jlimi paada yakuti jlidiakaru jlipaitenakulee jnukadautsa jlinuakau jlipaitenaku jlimatsetanshutsautsa." ⁸ Jnite jlidiau jliaji tsuludaunai iiminali jliukakadanaku jliuketaka jlinuakakau jliaji Asiria iiminali jlikjuete jliaji Libna, jlimika jliakau tekjle yakale laquisjle jliaji yapakada Libna. ⁹ Jnite jliaji Senaquerib jlimika jliakau jliaji Tirhaca, iiminaliti aaji Etiopíariku jnite Egiptoriku, jliaka jlinuakau jlikuete, nini jlimenakaka jnakaite jlisrutsenaka jliaji Ezequías: ¹⁰ "Ikaite jlisru jliaji Ezequías, iiminaliti aaji Judáriku: "jmakadatsa jlikatsatakapjia jliaji pidiote pikadanda pikauleo iinaku, jlikaitekadanaku: "Jerusalén kutiutsa jlimutukau jlikapi yuya jliaji iiminaliti Asinarikudali." ¹¹ Pikapakje, pjiminina jnakuna jnaji yapakape Asiria kuankananaitaka kalaimi nasru jnaji yufakape jnapaitenaku, jnawayaketakanakalaimi niniwatsa, ¿pjia kafiritsausa? ¹² ¿Kaapa jnadiote jnaji paana yakalee jnamanakutatsa, yakalee jliwayaketanipen jliaji jnuniri: Gozán, Harán, Resef, jnite jliaji yakalee Edén aadaliji Telasar? ¹³ ¿Kjere jliminali jliaji Hamat, jliminali jliaji Arfad, jhamninali jnaji Sefarvaimrikuperri, Hena jnite ivarikuperi?" ¹⁴ Ezequías jipakaa jliaji jnamenaka papena jlikapakan kukaka jna donanim jlisru jnite jlirakau jlipanarikujle jliaji jliminali jnite jlimekukan jlitsum. ¹⁵ Ezequías iitata Diosiinai: ¹⁶ "Jnaminali jnaji tsuludaunai, jlidiote jliaji Israel, pjia yuwakada jlinaku jliaji querubín, padatsa waminalika pjia aaji jalidaukariku pjinaitaka jnaji wakapali eenu jnite jipai ¹⁷ Pjinakurikutsu, pjimi nursr jnuminali pjimeku pitji, jnuminali, pjikapekaru, pjimikaru jlikaitejli jliaji Senaquerib, jlimenaka nusru jliaji jlikakaru pjijau. ¹⁸ Ajudali, jnuminali, jnaji iiminalitinai naperiji Asiriariku jnainuka pjiumi aaperiji pafee yakaleikuperi jnite jnapaitenakuperi. ¹⁹ Jnakada jnadiutenai tiyeriku, kuripiakatjadeka diusna jnanaitanipetsa jnaji atsiana jnakapishu, jaikunape jnite jipadatsu. Nini jnainukuka jnaji Asirionai. ²⁰ Nini paniya, jnuminali jnudiute pjiapfa jnamatsika yuya, jnanikaru pjinaku jnaji puana yakale kankatsa pjia iiminaliti ajadali. ²¹ Jnite Isaías, jliri jliaji Amoz, jlimenaka yakuti Ezequías iisru, jlikaiteka: Jnuminali, jiminali jliaji Israel jlikaiteka: Pjitatakapua jnuinai jlinaku jliaji Senaquerib, jliminali jliaji Asiria, ²² Kaikakuka jliaji waminali jlinaku: "jlitu jliaji Sionrikudali arua kuridasrutua jiyapa atsiayapiya srudufiapia srukapikau; kaitsa sruaji jlitu jliaji Jerusalén sruñukuta sruwida pjiekjuete. ²³ ¿Kukaka jliaji pjikuematali jnite pjikuitaka jlinaku? ¿Kuka ikjuete piwanaka jnite pjiretaka pitji padaledalitsu? Jlikjuete jliaji jliminali jliaji Israel jmaupitadalitsa. ²⁴ Jnaji jidenikape pisru jnaumetakaka jlinai jliaji iiminalitji jnakaitepeka: Jnaminakashu jnaji jnuanikaruda keya jnukau jnayenunka jnaji munutsi jliusrukukaruni yenunite jliaji Líbano jnuyuakautsa jnaji jnapania yenunperi jnite jnuniwautsa jlinana jliaji ciprés nim, jnuewautsau jnaufakawa yenuriperi jnaji tekuperi nasru, awakada kainakawapja . ²⁵ Jnukaka iiriri jnuiradaru uuni jnumetata jnaji Egiptorikuperi jnafakaru jnuipa yapjite. ²⁶ ¿Kurim pjimika kuanka jnuwaya ketakana uupipia jnudenipia jlipeyatuani? paniya nukadekena jliyapau paniya akaa pjiaji piwayaketa jnaji yakalee kananiperi jnawakarua kendu. ²⁷ Jnaji jliyakalewnaria jmaidaperim, jnowa yaketana jnite jnapaima nietana. kinki inanakana aaji jmedakawa, kanapiri jlipulepe, jnapana iipanapje jliaji kanapiri jnite jliusruawa jmedakawa, jlipeya jlinuka jliaji kauli jlimutukafete jliaji jeeri . ²⁸ Jnuanitsa pjiufakau, pjimututsakau, keruakena pjia jnukjuete. ²⁹ Jlima jliaji piirua jnukjuete jnite jliaji pjipadaleka jliukena jnunakurikule jnusruetwtsa jnupuireka pjitakunako, jnite jliaji jnudanatatsupa pjinumeriku, jnumenakautsa pjidiawa pjinulinite. ³⁰ Katsautsa pjianitsupaka jliaji: Jlia janaulika jliaji pjitakautsa puniati awakadaeta jnite paada jamuli jliatsenaka jnite pawalia jamulipisrutsa pjiapanaka jnite pjiniwaka pjiñakaru pjipania. ³¹ Jnite jlitepem jlipaneta jliaji Judá kafipe, jnamututsenakautsau jnite kainakakautsana. ³² Jlitepena jliaji Jerusalén jlimututsakautsau; jlitepem iimututsakautsau awakada Sionrikjuite jlikeriaje jliaji jnaminali jnaji tsuludaunai jlinaitakautsa kaiji." ³³ jniteutsa , waminali ikaiteka jlinaku jliaji iminaliti adajli Asiriariku: "kuriutsa jliewaka aaji yakaleriku, kuriutsa jlinuka jliyaitjiaputi kurimtsaka jlinuka jlidanatakatsupa yapiya kurimtsaka jlinaitaka jnawakarudau. ³⁴ Kaiji jlinukapishu, kaitsaka jlidiakau; kuriutsa jliewakawa yakaleriku - katsa yakuti jlikaiteli jliaji Waminali. ³⁵ Inudanatautsa jliaji yakale jnite jnumatsietan, jnumatsiakashu jnite jlimatsiakashu jliaji jnuinaidali David. ³⁶ Jnite jliaji jliangelte jliaji waminali jlimutukau jnite jlinuka jnaji asinonai jnapanaitariku, jnamaimaka jmayaka jnaji tsuludaunai ciento ochenta y cinco mil (185.000) jnukufiakudanakua jnaji paana atsianai, jnakapa jnadakipen kerekaketsa jnausruau. ³⁷ Jnite jliaji Senaquerib, jliminali jliaji Asiria, jlikada Israel jlidia jlipanarikujle jnite jliufawa Nínive. ³⁸ Jnite, jlitatakadanaku jlipawakiku jliaji Nisroc, jlidiutenai, jlienipe, Adramelec jnite Sarezaer, jnainukana matsetashu jniteJnapitukau jlipaitenakujle jliaji Ararat jnite jlisri Esar Hadón, jliufaka jliapuduni.