¹ Jliawali jliyamikadanakuena jliaji Ezequías tsumikena mayankan Nini jliaji Isaías jlisri jliaji Amoz, jliaji iinuparutakada, jliaka jlikjaule jlikaitekasru jlisru, pjimatsieta pjipana, jmayankaute pjia, kutsa kafikaru pjia. ² Jnite Ezequías ikabukjueta jliekua jlitatakaru jliminali iinai. ³ Jlikaiteka: "Jnuminali pikada jnuwaupiaka kuampiaka jnumakapia jnukaulerikjuite, jnite jnunaitalipjia matsia pikapa." Jnite Ezequías iiyaka daidaa. ⁴ Jnite kakuka jliaji waminali Isaías iisru, jlikaiteka. ⁵ Pjia pikaite Ezequías iirsru, jnaminali jnaji jnuyakaleta: Katsa jlikaitelika jliaji jnaminali, jnadiute jnaji pjiferinaipe David, jlikaiteka pjisru: Jnumi jliaji pjikaiteli nusru jnite jnukapa pitjiafia pjikapakje jnuawatsa quince (15) años yamujli kafikarjtuapjia. ⁶ Jnite jnumatsitakautsa pjia, jnite jliaji yakale jlikapirikjuite jliaji Asiria iiminali, jnuapakautsa jliaji yakale. ⁷ Katsutsa pjianitsupaka jlimenakaka jliaji pjimnali, jnunaitaka kaiji pjiunakapishu. ⁸ Pjikapa, jnukasutsa jinapjiatipen jliemanikasrunanaku jliaji Acaz jnudiawatsa jnapudansre yamema pukupi jlidiukkuru yamena pakapi jliapudansre jliaji jinapjiatim jliyapetaudapienatja. ⁹ Katsa jlitatalika jlidanapjani jliaji Ezequías iiminaliti Judáriku, jliyamikadanaku jnite matsiakan: ¹⁰ "Jnukaiteca pamuyuakenautsa jnufakau jaledaukariku katsautsa jnuyapakau jlipananumajle jliaji mayankali; jnimenakautsa jnua nisre kaidaliwetsa ¹¹ Kuritsautsa jnukapeka jnuminali, jnaminali jnaji kafiputua yufakape jipainaku, kuritsautsa jnukapaka jnuji inaiki yufakape jaledaukariku. ¹² Jnainuka jnua jnite jnadekan kaiji paadekapishu jlipana jliaji yapakada jlipira; jnukalapika jnukaujle kaiji; iiñakadatsu pjidalekaka jnuñaaka; jaledaukakuan jnite deepikuan piwayaketaka jnukaule. ¹³ jnuiyaka jaleetsa jnuiyakani kaiji leóntsu jlitserentaka jnuapi jaleeweriku jnite deepite piwayaketaka jnukaujle. ¹⁴ Tiripitsu jnukeruata kanikau; jnukalapiakanikau kaiji tsutsubutsu, mapjitsa jnakapa jnaji jnuti yenuntse. Jnuminali, kuyukekanua; pikitsindatanua. ¹⁵ ¿Kukautsa jnukaite? jliatsa ikaiteli nusru jnite jliatsa jinaitalimi jmaidasautse jnuemanikau kaidaliwetsa jliamakenajnua jliaji jlikaiya jliaji nusrena. ¹⁶ Jnuminali, jnaji pjikadali nusrapitu matsia nusruna; pjidieta jliaji jnukaule jnuikjaule; pjimatsietaka jliaji jnulkiaule jnite jliaji jnudaki. ¹⁷ Matsia jnuani jnuyapetaka jliakan kaidali pjitanua matsikawa iiririkjuite; pjipeku pjidauitjete kalaima jnakaun jnumatiskana. ¹⁸ Jliaji mayankarikuda pjaa kurum jliaka pjisru matsiadali; jliaji mayankali kurin jlipeyukapia jnoa yakkape jnamatsika yapiya nisre kuritsa jnakapakasru jliaji pjimatsiaka. ¹⁹ Jnaji inaiki kafipetua, jliaji kafidali, jlia yaoisru matsiadali, kaiji jnuakapishu pjisru paniya jliaji jliedauka, jnaniri jnaji yempetipe jlikadaka jnani pjimatsiakanaku ²⁰ Jliaji Waminali jlimatsietukanua, nini waka jlisru matsiadali jaledaukan musikatju aaji jlipmariku. ²¹ Paniya Isaías ikaiteka: jipa pawalje jliaji higo iiruetakani jliyuanirikum matsiakarum. ²² Ezequías ikaite: "¿Kuajiutsa jnmitsupa