¹ Catorce jamujlinaco jliaji itajlicanati Ezequias, Senaquerib, itajlicanati Asiria dajli, jlinucaa napji yacajle Juda caidaperri nite jlipaacana. ² Nite jliaji itajlicanati Siria dajli jlimenaca natajlicana napji tsojlidaunai jlitsorudaunai yapiya Laquis peeri Jerusalen riicojle Ezequias icuemawa. Jlitsomitaca uuni yufacarudajlico icodapii, jliaca inipojlico nacotsocawa , jliufetaca nini. ³ Napji Cacunaperi Israellitas jliaji Eliaquin Hilcias yenipe, jiaji yanicaite nananinaco, Sebna idanacaita itajlicanati irso, nite Joa namotucawa yacajlericuite nacaroo cacucataa napiyaa ⁴ Jliaco naminajli napji tsojlodaunai: "picaite Ezequias jliaji itajlicanati cadadajli Asiria dajli, jliaco: ¿cucaa jiaji picadajli picaujlewa inaco? ⁵ Picaiteca yacutii midajlitsa, picaiteca narsoca naidaa nainuacacaruwa.panaaya, ¿cucaaca jiaji picadajli picaojlewanaco? ¿cucaa yacaa pidawa piemacaro nocuemawa? ⁶ Picadaca picaojlewa Egipto naco, caidajlicanji jaicona pemanicarunasho muyeni pipacadanaco picapishoni caducacapia jlisho. Caicaa jliaji itajlicanati Egipto dajli narso napji icadacape icaojlewa jlinaco. ⁷ Icaitecada norso,"wacadacaa wacaojle waminajlinaco Dios naco," ¿curim nanaco napji yenunperri curim tsaca nacawa mastisadajli Ezequias jitani, nite jliaco Juda irso Jerusalen tsaca, "catsa yacaa matsiadajli apji altar rico? ⁸ Panayaa, nooma nunaitaca padaa yacutii matsiadajli jlinacuite jlaiji nutajlicana Asiaria dajli piacaro jlirso jlinaikitewa, nite nuawatsa pirso dos mil caballos, pitaitacada pioketaca jinete narso. ⁹ ¿cuaminta pitaitaca piawantaca sholudanai iminajli icuete nintsa tsucatsa jlinaikite? ¡ picadaca picaojlewa Egipto naco nacaroo pirso carros nite yacape caballos naco! ¹⁰ ¿Capanta nunocaa nuinuaca yapiiya nuwayaketa shiaa curim cadanta jlinoca nuine jliaji nodiote? jliaco jliaji nominajli: piawa pinuacawa nite piwayaketana." ¹¹ Nite napji Eliaquim, Hilcias yenipe, nite Sebna, Joa tsaca nacoo jlirso tsojludai iminajli, "pinaita matsiacajli, cacucaa pia wasro arameo ricuite, ima wanica famicani. macutsa pia warso Juda yacupaorico ima namicanta warso napji yacajleta inumapiperi" ¹² Nite jliaco tsulodanai iminajli, ¿jlimecaca nua nominajli picaojle picaitecaro piminajli irso jliaji yacuti? ¿curim jlimenaca nua naicaojle napji yacajle inumapiperi, iñacapewatsa ishatii nite nairawatsa natipajle? ¹³ Nite jliemacao tsolodaunai iminajli jliemataca caiida nacojlicuite napji Judionai, jliaco: jimica jliaco jliaji itajlicanati ferri Siria dajli. ¹⁴ Cai jliaco, macadatsa Ezequias icashateta shiaa, curim watsa jlitaita jlimanacutaca shiaa. ¹⁵ Macadatsa Ezequias icaaiteca icada icaojlewa Dios naco: waminajli watsa shenitafa; curiwatsa jlicdaca jliaji yacajle itajlicanati Siria icapirrico." ¹⁶ Memitsa Ezequias irso, cai jliaco jliaji itajlicanati Siria dajli: inucaa noicaujle imawadacacaro yufacawa. nite watsa iñaca ipania inaca, iracaotsa unii iyadacatsa. ¹⁷ cai watsa inaitaca kerreca nonocaa nudeca shia pada jipai naco cai dajliaji iyacdasho, pada jipai nincawaotsa ipania waliperri, capananiacawaotsani." ¹⁸ Macadatsa Ezequias icashateta shia, jlicaite, waminali watsa shenitafa. ¿capaa pada nadiote shenita jlicapi yuyana jliaji iminajliti Siria dajli? ¹⁹ ¿kerena nadiote napji Hamat nite Arfad? ¿kerena nadiote Sefarvaim? ¿capaa narraca nuyaa Samaria? ²⁰ ¿Cucaa nadiote aperri jipai nacoo, jitena nocapirricute, caiji naminajli itaitacaninta imanacutaca Jerusalen nocapirricuite.? ²¹ Mitsa macucatsana curim cucaa shepana, caica jlimencana jliaji itajlicanati, curicaro cucaa shepani. ²² Nite naji Eliaquim, Hilcias yenipe yapacada inaniti, Sebna idanacaita, nite Joa, Asaf, nanocaa Ezequias iderse natserentanda natsayan yapiiya, nacaite cuamica liaco jliaji tsoludanai italicana.