¹ Catimacautsa jipai maminajlidali nite Araba tsacaa; catimautsani nite catiwiwatsani florenasho, ² Jurrewatsa napji florenape nite catimawatsani jlicanta watsa cancion; jliamatsiaca jliaji Libano nawatsa jlirson, jliatsaca jliaji Carmelo nite Saron, nacapawatsa jlimatsiaca jliaji waminajli, meremere dajlica jliaji wa Diote. ³ Icaidataa napji iicapiti maidaperi, iipacoacata yosripada. ⁴ Icaitee nasro napji icaujletin ifiocapewa," ¡icaidataacawa, mafiotsawa! icapaa, jlinowatsa jliaji Dios jlirapitetacaro, jlicaweñaca jlicuada jliaji jinaitajli. Jlinowatsa jlimanacotacaro shiaa." ⁵ Nacapacaotsa napji matiperrin, nemicaotsa napji manacojlicuperrin. ⁶ Nawatsiani watsao ciervosho napji memacaperrinpia, nacantawatsa napji macuperrin, nite uuni imutowatsa Araba ricuite, nite tarracapii maminajlinacawa. ⁷ Jlipadamacautsawa jliaji metacawa uuni yowacarudajlico nite metacawa uuni yuwaca nini; naufacawapia napji maficajlinape keruanipe, nini watsa canapirri mapafiadajli. ⁸ Niniwatsa pacaa inipoo jlipitanawatsa Santocai. curim watsa matsidajlin yacawa nini. jliacatsa yaniwatsa nainai napji yacape jlinai. curim mashidajli yacawa nisre. ⁹ Curim watsa apana leo nini, curitsaca maficajlina keruapericaa, mitsa nemaniwatsao napji jliyarupe ¹⁰ Jlienitani jlirsowawa jliaji waminaji nanuwatsa nacantake Sion ricojle, caidajliwetsaotsa catimacana; lipecuatsa nauya coyoledajli