¹ ¡Iwaketacao, shiaa yacejle, iwaketacawa jimicaro; iwapa jimicaro matsia, shiaa yacajleta! piomii shia yuwacape nini imica, piomi napji jlinaitani imicaa. ² Imaa keruaca jliaji waminajli piomi napiyaa yacajle, piomi tsojlodaunai yapiya; jliwayaketacana cajlaimi, jlicadaca nainocaruna. ³ Napecucaotsa nadaki napji mayamiperin. ecuwatsa naitanii kerrecatsaji, jipananacuatsa nairana yaruwa. ⁴ Piomi napji jiwirida eenojlicoleperi nañacaotsawa, jlitacacaotsawa paperrasho jliaji eeno, nañacaotsa piomi napji jiwirida, caiji panapee iñacaniwa, caitsaca nawacaniwa napji higos. ⁵ Imaa capji numatsetan irracaji pacamicamicani eenojlicole; icapaotsa nurocucaawa Edon ricojle, nacaojle napji naikinai nuenitani nuwayaketacaruna. ⁶ Pacanca iranatisho jlimatsetan jliaji waminajli nite matecaitacani, jlirana itsacacawa nairanatso napji corderos nite cabras, matecaitacani carnero itiisho. jlinucaotsa mawicajli jliaji waminajli Bosra nite atsacaji Edom riico. ⁷ Pacuacaotsa nainuca napji bufalos, nite natsaca napji vaca macanipe tsunipetsaca. nadewanaotsa naufacawa iranatisho, nite matecadacaotsa jipai jlitiasho. ⁸ Imaa jliruaa iwawatsao jliada waminajli nite jliawali jamujli jlicadaotsa nacapa jlicaute jliaji Sion. ⁹ Matecashuatsa jliamaracao jliaji Edom iunite, mainisho jliaji jipai, piomi jliaji jipai jlipadamaotsa jacadajliwa. ¹⁰ Jlimacaotsa jawerico nite depiricotsaca; ketacacani caidajlitsa; caidajliwetsa jliowaca maninajlina; curitsa cucaa iyapaa nini, caidajliwetsa. ¹¹ Mitsa napji wipiaru nauwawatsa nini; jliaji bocucujli nite cuervo nanaitawatsa narupocowa nini . Jlimedica kerreca jlinana kenacana nite jliwayaketawatsana. ¹² Napji principenai curicaotsa cucaa norso nacaitecaro watalicanatentsa, curim cucaaa narso napji principenai ¹³ Duwirrida itawatsa jlitalicanatacawa, kedaaca napji jaicunape matinanipetsa. namacarudacan napji macajlinape nite wipiaru keruapee. ¹⁴ Napji mawicajli wacadeta piomi mawicajli keruape nini naufacawa. Nawanacaotsawa napji maficajli cadanaperi. piomi napji mawicajlinape depiricuperi yanicawa naufawatsa nini. ¹⁵ Nanaitawatsa narudawa napji bocucujli, nakefetaotsa, kenipeotsana nawapaotsa nenipe. aaja, nini watsa napji samuro shoperi, naino yapiya. ¹⁶ Pioma jlipaperanlico jiaji waminajli; pilecaa piicaparo cucaa canacaijli, curim cucaa makitsindaca; caica jlimenacaca, Espiritu iwaketacana. ¹⁷ Jlipecucaa suertes, paaca jinorutisho jlimedican. Nayadaotsani Naofacaro caidajliwetsa nirse.