¹ ¡Kenadajli piaa, imatsiketacada curicadan namatsiketa piaa! ¡kenadajli jliaji jinaitacada matsi curicadan cucaa inaita matsi lirso! yamiwerico pimatsiketaca, piawatsa nawayaketa. yamiwerico pinaitaca matsi, nawatsa jinaitaca matsi pirso. ² Waminajli, kena picaapa warso; wawapaca piaa; picudaitafa jajlecacuan, imanacucaitafa matsiwerico fayapacawa. ³ Namicadanaco kemacan napitucawa napji yacajle; pinucudanaco, paitapenaca napji yacajle. ⁴ Caiwatsa napji pinanipia nawaketacacaniwa napji tsacarra; nawatsianicawa, ashianai iwatsiani naanaco ⁵ Nacaa matsiadajli waminajli irso. Jliofacaa eenolicojle. Jlipacantawatsa matsiadajlisho jliaji Sion. ⁶ Jlitalicanatawatsa juredajli jliaji matsiadajli, canikepacaotsana; camitsa piriicocaa pifiocaa jliwana cacuadajlisho. ⁷ Icaapa, naiyaca napji idecape yacotii inipojlico; naiyacaotsa cawiriico napji icadacape yacotii pamawadacashopa ⁸ Maminajliketsa jliaji iniipo; curitsa cucaa yemanica ninii. jliwayaketa yacuti napiya, napji icapacape curiketsa cucaa yumana nite napji naikinai nacaketsa naicao. ⁹ Jipai iyacaa nite jiwirican; capaimanaca jliaji Libano nite jliwayacacawa; maminajlica jliaji Saron; Basan nite Carmelo jlipiyocaa naji jlipee. ¹⁰ Panaya nunico nuemawa," jliaco waminajli. "panayaotsa nurracawa yenonrse. ¹¹ Pinaitawatsa pienipewa canapirri, nite kenipewatsa piaa iyasruatin shoo; caiwatsa picaojle tiiyesho jimaitacaita piaa. ¹² Namaitacaotsa napji yacajle, nacasho napji mayawishoperi nayuawatsana nite namaitaotsana. ¹³ Piaa tecoodajli, pimica jliaji nonaitandaa; piaa tsumidajlitsa, pianiica nutaitaca nunaitaca manaitacanadajli." ¹⁴ Napji inaitacape matsi Sion riico nafiocawa; natetewa napji camatsicanaperii. ¿cucacanta wanacuite itaitaca yucawa tiiyerico? cucacanta wanacuite itaitaca yufacawa tiiye mawayacacadajlirico? ¹⁵ Jliaji yanicada canikiadajlisho nite icaitecada ajadajli; curidajli jipacaa nadejicare icuada napji jirapitetacape, curidajli pacuacaica napiyaa, curidajli yumeteta inuacacao, curim tsaca icapacada matsidajli. ¹⁶ Jlinaitaca jlipanawa eenijlocole; taimidajliwatsa jipadasho jliaji pantii; jlirsuwatsa iñaudati uuni caidajlitsa. ¹⁷ Piicapawatsa jlimatsiaca jliaji waminajli; nacapaotsa jjliaji jipai tecodajli. ¹⁸ Pitawatsa picaojlewa jlinaco ifietacadaa, ¿ kerre jliaji escriba; kerreniaji; kerre jliaji ipesacada parataa? kerre jliaji, iniwetacaita torres? ¹⁹ curitsa picapacaro napji naiki padajlepee, napji curinii panica paamica yaaco. ²⁰ Picapaa jliaji Sion, wafuiwitacaca yacajlerico; icapacaotsa jliaji Jerusalen caipji panti paufetacarudasho, curidajli itaita jiwacao, curidajli cuancaojli yapiina jiwacao curitsaca tserenca jlipaapi. ²¹ imaa, jilaji waminajli caidajliwaketsa wainecani, apji uunidanjlico tarracawerico. curim paafia iita owifia itaita jiyapaca nini curim tsaca macafiajlica. ²² Imaa watajlicana jliaji waminajli, jinaitacda warso mashiadajli, waminajli jliacatsa watajlicana; jlimanacuitacaotsafa. ²³ Muyeeca jliaji pipapishupa, curica napapini caida, curim nataita namecocaa jliaji vela. naaca narsowaca naani, natsacaotsa jita nanani napji pocopocon perri yemanicao ²⁴ curim watsa nacaite napji yuwacape nini: "caifiaca nuaa;" napji yucape nini jliatawatsa namatsicana.