¹ Icapaa, jlitalicanataotsa mashia jliaji waminali, nite natsaca napji jliprincipen nanaitawatsa mashia. ² Padapeotsa shiaa caiji jliowacarudasho jliaji caujli nite tsaca jliefacarudasho jliaji tirrujli, caipji uuni tarracapisho metacawa, caipji paowacani jipadaa idanan mapiwericona. ³ Curim watsa nataita nacapaca natii sho napji icapacape, nite watsa napji jimicape, namiwatsa macotsa. ⁴ Jliaji mawaopiacadajlin jliwaopiawatsa canikedajlisho, nite jliaji tarradajli cacucaa meripitinacawatsa cacucan. ⁵ Jliaji mepecadajlin curim mashiadali panican curitsaca jliaca jliaji catshadajli ⁶ Cacupeca yacoti midajlitsani, jlicaolerico jliwaopia jlinaitaca matsidajli, nite cacucani matsi waminalinaco. jlicadaca maiñaca jliaji mawitacaidajli irso, nite jliaji metadajli icaujle curiwatsa jliaca jlirrawa uuni. ⁷ Matsiperica napji jlicashatashopa. jlinaitacaotsa cuandajlicatsa jliaji mashite jliwayaketacaro ishatisho jliaji kenadajli, ninitsa jlicaitecata ajadali jliaji kenadajli. ⁸ Mitsa jliaji ashia matsiadajli jliwaopia jlinaitaca matsia; jlinaitacapoa matsia, taimicaotsa jliemacao. ⁹ Jinicuwa, shiaa inaitepe imawadacacape, jimii nuaco; shiaa nuitonaipe imawadacacape, jimica norso. ¹⁰ Padaa jamojli jlinacolepa, jliwayacaotsawa jliaji icadajli icaojle naaco, shiaa inaitepe imawadacacape, nawayacawatsa napji uva inaca, curim watsa cainacacana. ¹¹ Ifietacawa, shiaa inaitepe imawadacacape; jitaa icaojlewa, piomi shiaa icadaape icaojlewa inacowaca; jitaa itsayani cacuadaperi nite yemewa matsayanin; ipapica tsaco iwajlerico. ¹² Yacawa itataa wacadajlico, cainacacaru napji ipania. ¹³ Jliaji jipai nuyacajlericoda kedacaotsani dowirisho, piomi watsaca kedacan pantirico mashiaperri nanaitacawapia fiesta. ¹⁴ Namacacaotsa jliaji italicanati yofacaruda, jliatsaca jliaji yacajle jurrecawapia naiki curim watsa cucaa yuwanini; jliaji wacadada piomi torre napacawa naofacaotsawa caipji padawacacarudajlicosho caidaliwetsa, catimawatsa napji burros wacadajlicoperi narsocapua naiñaudawa ¹⁵ Kerrecautsa jlinooca waocajle jliaji Espiruto, niniwatsa jlipieta cainacaca napji ipaniati, piomi jliaji ipaniaticawa catimanacawatsani. ¹⁶ Matsiacaotsa apji maminalinacawa, nite matsiadajli watsa jliaji jipai napanacawa . ¹⁷ Namawadacaotsa nadenica, mashiacapoa nadejica, mawadacaotsa naowacawa caidajliwetsa. ¹⁸ Napji nunaikite naofacaotsawa namacarudajlico mashicawa, namaodacaotsa naofetawa apji naofajli nini . ¹⁹ Ninitsa iyadancani jliwayaketaca jliaji wacada, piomi shiaa yapanacape unipao tarracape icudapii jlibendiciacaotsa shiaa. ²⁰ Piomi shiaa imenacacape buey nite burro yapana.