¹ Kenaperica napji yumakape jlikitsindatacana jliaji Egipto, nawada caballo ikishindatacaruna nacada nacaolewa caruajes naaco juredajli nite jinetenacotsaca.curim nataca nacaojlewa jlinaco jliaji Santo Israel dajli, curim naomaca jliaji waminajli. ² Nini jliaji canikedajli, jlidecawatsa mashidajli naicaojle curim watsaca jlipadameta jliaji jlicaiteri. jlinicocawatsa jlicuema pantii mashidajli nite nacuemawa napji ikitsidatacapena jinaitacape mashi. ³ Atsiaca jliaji Egipto curim dioscaani, ipetiica napji caballos curim espiritu caana. jlipawerico watsana jliaji waminali, nacapacacaotsawa, jliaji ikishidatacada, curim taimi jliemacao, jliaji nakishidatanda, jliwacaotsawa; nañacawatsawa. ⁴ Cai liaco nosro jliaji waminali: "leon icasho, yenpetinacatua jliaji leon, jliemtaca caida cawiniwericoni, nemawaricua napji pastornai nacuete, curimca natetewa nematawerico, curimca nafiowa kemawericoni; caiwatsa jliorocucaawa jliaji owii itajlicana jlinuacacaro Sion icuemawa, apji wacadacajlico. ⁵ Nacayosho napji wipiaro yaracapewa, caicaa jliwapa Jerusalen jliaji owii itajlicana; jliwapaaca watsana nite jlienitawatsana jliyapacadanaco naicaojle nite jlimatsietacana. ⁶ Idiacaa jlicaole, jia shenitacacape jliuya, yacajle Israel jlicoperi. ⁷ Jliawali jaledauca padapeotsa napecucaa na idolote paratana jliatsaca naidolote owirona nanaitani namashicana yapiiya. ⁸ Asiria jiwaotsawa espadashosho; jliaji espada curidajli natudaa isho jliatsaotsa iwayaketana. napitucaotsa espada yuuya, nawatsa napji yenpetiapape nanawatsa nadejica jawiñadajli ⁹ Curim watsa nacada nacaojlewa nanacowaca nafiocapoawa, nafiocawatsa napji principenai nacapawerico jlibanderan owipee jliaji waminali- caicaa jliaco jliaji waminali, inuacacada Sion riico nite Jerusalen ricotsaca.