¹ "Kenaperii napji yempetiipe mepacaperii", cai jliaco jliaji waminajli. "nanaitaata jliaji naomajli, curim cadeeca jliaji nomajli; nanaitaca yacuti paana jipai yapiiya, curim cadeeca jlianica nainaii jliaji noo Espiritu, nite nanaitamincatsa namatsicanawa. ² Nawaopia naacao Egipto nirse, curim caadeca natataacawa nuiinee. Naomaca jliwapacana jliaji Faraon nacaada nacaojlewa Egipto naaco. ³ Micatsa, jlipaimanietawatsana jliaji Faraon, nacadandata nacaojlewa Egipto nacoo, jlipaimanietawatsana, ⁴ Ninitsa napji jliprincipen yuwaacape Zoan riico, nanooca napji idecape yacoti Hanes niite. ⁵ Piomii watsana jlipaimanietacana jlima jliaji yacajle curidajli itaita ikishidatacana, curim cucaaca ikitsidatana, capaimanapericana, ⁶ Paada yacotii jlinacoapana jliaji mawicajlina Neguev dajli: jlinacoite jliaji jipai camatsicanadajli keruadajli, runacuite Leona nite Leon tsacaa, rsutsaca apii nite jliaji apii yaaracaca, nadejica naricocaa burros naco, nite napji nawirute camello naanaco, apapii jacajjle curim dajli itaita ikitsindacanaa. ⁷ Macuadadajlinca jlikitsindatashopa jliaji Egipto; nini, nowanaca, Rahab, jliaji taimidajli yofacatuawa. ⁸ Panayaa piawa, piidana jlicapa tablanaco, piidana paperajlicon, pataitanda pamashietaca jlinowericuenawatsa jliawali pacaite jliacona . ⁹ Napji naiki mepacapericana, yenpetipee imacape, yenpetipee curiperii imica jliaco jliaji waminajli. ¹⁰ Nacaiteca narso napji icapacape papeyajlewa: "macapatsa", narsotsaca napji inoparutacape: "manoparutatsa ajadajli wanaco; icaite yacotii mashiadajli wanaco, inoparuta ishatida. ¹¹ shenacawa jliuya jliaji iinipo, shena jliuya wacadada jlicuite; yamicaro cacuca jliaji Santo Israel wanaco." ¹² Ninitsa, jliaco jliaji Santo Israel dajli: cuada imacuadata jliaji yacutii icadaa icaujlewa jlinaco imatsiketacada ishatideca piepajli iketsidataca pia, ¹³ Caicaa jilaji imatsicana tserenpenadajlisho iwapacadetsa iwacaruwa, caiji irucadaa yenonitewa cuamicadanacotsa jliwawa, keyanadatsa". ¹⁴ jlimacacani caiji botancani jliaji torupedaa; curim jliperdonacani, curimcada jlioketa jliwanapen jlikeratashopa tiiye, curicada jlitashopawa unii jipai ricuite. ¹⁵ Catsa jliaji waminajli Dios, Santo Israel icatejlica: "idiacawa icadaa icaojlewa nonaco manacucaawatsa shia, imawadacawatsa icadawatsa icaojlewa caidaperrica shia. curim cadeca yumaaca. ¹⁶ Icaiteca: curim, wapitucawatsa caballonaco, nitewatsa iipitucawa; keyape caballonaco fecucaawa, nite napji ipinietajliwa keyapetsaca jiecucaawa. ¹⁷ mil watsa iipitucawa natemacadanaco apada; natemacadanaco cinco cadaa iipitucawatsa caiketsa napji jlienitaji jlicayosho jliaji banderape jipana ipojliconaco, o caicani jlicayosho jliaji bandera wacadajlidanacosho." ¹⁸ Paniyetee waminajli jliapaca jlicapacaru kenaa iirso, nite, jliomaca jlicañata jlimashiaca, jliaji, waminajli jliaca Dios inaitacada matsia; jlibendiciaca napji iwapacapeni. ¹⁹ Panaa naiki yufacautsa yacaajle Sion jlico Jerusalen jlicotsaca, nite shiaa curim watsa iyaaketsa. kenacaotsa jlicapaca irso iyacadanaco. Jlimicadanaco shia, jliepacaotsa shia. ²⁰ Jliaji waminajli jliacaa irso peete uuni tsaca jiripitinadajli, caitsa, curimca cuancaojli jlidawacao jliaji icanantacada shia, iicapawatsani iitisho. ²¹ Jinacojlico jimiwatsa apada yacotii inacuapana caiji: "catsa inipooca jliaji, piaca jliriico," piawerico atsiemete nite inaruemete tsaca. ²² Imacuadatawatsa napji nadiote jinapian nanaitji palatasho nite owirosho. ipecucawatsana caiji trapo keranadajlisho. icaitewatsa narso caipji. warsa imutowa jaite apji." ²³ Jlicadawatsa iiya iwao ipanianaco yapanawerico, nite jliawatsa juredajli peete, jurewatsa napji napania. jliawali jaledauca, jurewatsa naiñaope majlitsi napji pivacan. ²⁴ Napji bueyes nite burros, nacatsa jicacape jipai, naiñawatsa juiwidajli nanaitanda palasho nite tenedor isho. ²⁵ Piomiwatsa napji jipana macanipe nite napji eacadadape, niniwatsa uniipaocape nite unii taracape, jliawali jaledauca nainoca mawicajli nawacao najii torres. ²⁶ caiwatsa jlirra jliaji kerii jeeri irrasho, nite jliaji jeeri sietefia icuawatsa naji jlirrapa, caiji jamujli siete jajledauca icuadajlisho. waminajli iniwacaotsa jliaji paitapenadajlin yacajle nite jlitapecaotsa nayaonini, curim jlinoetacana. ²⁷ Icapaa, jliacona inoca tecuite jliaji waminajli, jlirualico nite itacatijlico. pacanca jlinuma iruatisho, nite jliaji lienine caicaniaji tiiye keradajlisho. ²⁸ Jlicaoleo caiji uuni tarracapi wadedajli yawiñetaca, jliwiyocaro napji yacajle icuan jlisho jlaji pawiyacaroda iwayaketacaita. caicaa niaji narutecani caballo inumajlico nafrenashopani jlitaitacaru jliaca tecopaa. ²⁹ Irso caotsa cancion, caiji nacapacadanaco fiesta depirico, nite catimaca nacaojle, caiji pacaniwa waminajli iwacadajlico flauta yapiya, jipadano Israelrse. ³⁰ Waminajli icadacautsa jimicaro jliaco imashiaca nite jlicañatawatsa jlinapa jlirualico nite tiiye ricotsaca, caujlidashowatsa, iyadanshotsaca. ³¹ Jliaco showatsa jliaji waminajli, jliwayaketaotsa Asiria, jliñawatsan jaiconasho. ³² v waminajli yanica cadajlipiape jliñacani jaicosho, musicasho tamborines nite arpa sho watsa jlinuacaca napiya. ³³ Oopipia Namatsietaca nainicarudawa mawicali, nanicadeca, namatsietacan lisro jliaji watalicana, nite Dios jlinaitacan tefacajle nite macaiteni. nawaketa jurre jlipawao nakerratacaruni. jlirso waminajli, caiji jureanai azufre sho, jlikeratacaron.