¹ kenapaka Ariel, Ariel, yakale jliufakawan jliaji David! pawaliakuan pawaliakuan; pjikada jnanuka jnaji jnakatimatakakawa. ² kJnurapitetakautsa Ariel, sruiyakautsa jnite kuyulekautsanu; kaiwatsa sruwaka jnusru kaiji Arieltsu. ³ Jnukurarata kautsa pjia , jnudanatakapjia, jnudenikautsa pjikjuete ⁴ jnaduitautsa pjia jnite pamiketsautsa piakuami jipairikjuite, jlipale srikuite. pjiakuami kaiji jinapiatintsu jipairikuite jmemaketsautsa pikuami jlipalerikuite. ⁵ Aimadanka jnamaimaka jnaji pjikuema kaiji jlipaletsu, jnite jnaji yumakape iinukapjia kaiji kanapiri yarakapetsu. Jliyapakautsa keeya jnite keeyanadatsa. ⁶ Jnaminali jnaji tsuludaunai jlinuatsa pikuale eenuriku, kananika jipai , kemadali imatsiketakada penakuriku, kauli kaidadali, jnite tiruli kaidadali , tiye iwayaketakada pjiumi. ⁷ Kaiwatsa petamunialetsu, pakapaniale deepiriku: Jureutsa yakale inuakaka Ariel ikuema jnite jlipana . Jnainukuatsajnu jnakaidatakarunu. ⁸ Kaiwatsaniji atsia kamunidali jitapunkapishu jlinñaka, jlikafiakadanaku , jmetadaka jlitsada . kaiji atsia jmetadalitsu iikaule jlitapun jliiraka jlikafiakadanaku, jliwanikau, jmetarikukan. kaiwatsa jnamaimaka jnaji yakale iinuakaliutsa Sion yapiya. ⁹ Ikapaja ifietakau; imatitakenawa matikasrutsa! Idewanaka kurikadeka jaikuteda yanatsu; jiwanikau, kurikadeka iraudatitsu. ¹⁰ Jliaji iminaliti jlipekuka inaku jliaji daimipen patji. Jlitaka iitji, jnaa iinuparutakape, jnañanpaka jnewida. ¹¹ Kalaimi jnaji yakuti kuripetua jiyapaka jnapadamakau kaiji jnadanandatsu jnaitanda taimi, paana atsianai imenaka janaleni, jnakaiteka pjileni. jlikaiteka:" kurim jnutaitaka, jnaitaka taimin." ¹² Jnamenakakada jlileni jliaji manikadalin, jlikaiteka. Kurim jnutaitaka". ¹³ Iminaliti ikaiteka: "Jliaji yakale jnatsumitakajnua jnakutsutsa, jnite jnanumayajlikutsutsa, tjekuka jnakaujle jnuya. jnaka jnusru matsiadali atsianai ikapau ¹⁴ Paniya, ikapaka, jnunaitautsa paada matsiadali jlisru jliaji yakale, matsiadali jlinakuwaka.jnite jnanike jnaji atsianai yanikape iwayakakautsau, jnite jnawaupikje jnaji atsianai yapakakape jliwayakakautsau. ¹⁵ kenaperika jnaji idawakape jnanaitanda jliuya jliaji waminali jnite jliaji jnanaitali kadaukawerikukan. Jnakaiteka: " kutsa kukaikapafa, jnite kurim kukayanikafa?" ¹⁶ Tsaa jinaitaka jlidanamiten!Jlisrutsa jlipadamakau jliaji atsia idenikada turepe turupewa, pasrutsa pakaiteka kukaka jinaita jliaji jlinaitanda, " kutsa jliaka jinaita jnua", kakuka jliaji jinaitalin:"kutsa jlianinka"? ¹⁷ Keyanadatsa, jliaji Libano jlipadamakau meyua, jnite jliaji meyuapji awakadakan. ¹⁸ Jliadautsa jaledauka jliaji jmenakurikudalin jlimikautsa yakuti jnadanandarikudali, jnite jliti jliaji matjidalin jlikapakautsa kadaukakafete. ¹⁹ Jliaji kuridalim pjia jnapeyu katimakautsani waminali jnakun, jnite jliaji kenadali jnapekuriku jnaji inaiki katimakautsani jlipitanaku jliaji matsiadali Israel. ²⁰ Jliaji kapiwaledali jliwayakakautsau, jnite jliaji ikanikadan jnaikau jliñakautsau. Kalaimi jnakan ipeyukape jinaitaka matsidali jnawayaketakautsana. ²¹ Jnaji ikadakape aape atsia jinaita matsi. Jnakada jliwau matsikawa, yumakada jlikuadau jnite jlitsatsu jliamaka jliaji ajadalipjia. ²² Paniya, jliaku jliaji waminali jlinaku jliaji jlipana jliaji Jacob. Iiminaliti iwentakada Abraham:"Jacob jmapamanietaketsau, kuritsa eewaka piekua ²³ Jlikapakadanau jlienipe, jnudeninpe jnukapitsu, jnaumautsa jnuipitana. Jnaumautsa jlipitana jliaji Jacob jnite jnafautsa katima jlinai jliaji Israel idiute. ²⁴ Jnaji tarape tsepaka jnanikautsa, jnite jnaji ikuitetakape kanikekautsana.