¹ Kenaperi jnakan idewanakape iiruetakape jiwidanaku jliaji ipalamaleta janaji Efrain inaikite, jnite jiwirika jlimatsiaka jliaji putila, jnaji ipalamaleta jnadeninpe uuni yalaperikuperi jnasruetaka jnewidanaku jnaji idewanakape. ² Pjikapa, jliaji waminali jlimenaka aape yanikadapa jnite kaidadali; kaiji iiya tirulikudali imatsiketakada, uuni itarakaka jlimatsiketaka; jlipekuatsa jipairikule jnapalamaleta. ³ Jnapalamaleta jnaji iidewanakape Efrainyape jnapuakautsa jnaipa yapisren. ⁴ Jiwirika jlimatsiaka jliaji putila, iimutukada yalapeliku jiwidan kaiwatsaji jlinakatsu iinitakadau jliaji higo evaka jlipeya jliaji jamuli, aape, kuakaujlika iikapan, jlipa jlikapirikum, jli:akan. ⁵ Jliapjia jaledauka jnaminali jnaji tsuludaunai jlipadamautsau matsiadali palamaleta jnite palamaleta matsiadali jnasru jnaji jlitepen jliyakaletarikuperi, ⁶ Iikauletin iinukakada, jlisru jliaji yapakada jlinaitanda iima, jnite jlikaidatautsa jnaji idanatakape ikuema idiakau jnapanupete. ⁷ Papiape jnewaniu jnadewanakadanaku, juree jnairakadanaku yalaki. Jnite jliaji idekada jnapekadoni jliatsaka jliaji inupasrutakaita jnewanitsakau jnairakadanaku yalaki, jlidekana jliaji jnairauda. Jnewanikadanaku, kadaukaka jnakapaka jnite kurim jnani kukaka jnakaiteli. ⁸ Aajaka, kalaimi jnaji pai:akaruna jnakatakana, kurim keraka pauketa maupitjete. ⁹ Kukasruatsa jlia jlianike, jnite kukasruatsa jlikanantaka? jnasru jnaji jnatanipe yuya nainia jnasru jnaji irakapetua inia? ¹⁰ Katsa jnamenakalika, jnamenakalika jlinakuwaka, panikasru, panikasru jlinakuwaka; aaji tsutsa, atsakate tsutsa. ¹¹ Ajadali, jnakanikje jnanumayatsu jnite paana yakurikjuite kakukautsan jliyakaleta iisru. ¹² Papiapjia jaledauka jlikaitepjia jnasru:!"katsa jliaji paufetakau, iikada jliufekau jliaji mapjidali; kaiji jnaufetakau," kurikadeka jnemika. ¹³ Kaiwatsa jliaku yukaka jnasru jnakuwaka jlinakuwaka, jnanikaru, jnanikaru, tsutsa aaji, tsutsa tsakjate; jnataitakaru jnakau jnite jnewakau jnadanitetsu, kuyulekaruna, jnapakaruna. ¹⁴ yapaka jimi jliaku jliaji iiminaliti, pjia ikanikada, pjia yanikada jlianaku jliaji yakale Jerusalen. ¹⁵ Jliyapautsa jliaji jnakaitekapua: "Fanaitaka yakuti jliapiya jliaji jliminali jliaji mayankali, jnite jliapiya jliaji iriri mayamperin yusruakawa. Jlinukjauliutsa jliaji matsidali, kurim watsa jlipakafaa ¹⁶ Nim, jlikaiteka jliaji waminali: "Ikapa, jnuemetakautsa pada jipada, jipada jnaumanda, jipada matsiadali ikapakana, pemakaruna taimi. Jliaji tsepakada kuriutsa jnupaimanietakani. ¹⁷ Jnuawatsa yema jnakuete jnuwikaruatsana jnuekuletsuna, jnite jmayakankautsa jnemakau. Kauli kaidape iwidali iipiyukautsa jnaufakaruda jnaji iitsati jnite jnawi:etakautsa jnadawakakaruda. ¹⁸ Jlimakuadatakautsa jliaji yakuti jnanaitanda mayankali yapiya jnite jliaji yakuti jnauruakaruda jnaji mayanperi jnamakuadatatsakan. Jliawiñakadanakua jlitakautsa piumi tsaa. ¹⁹ Jliyapakadanakutsenakau, jlitakautsa tsaa, jnite depituakan, jaleweriku jnite depiriku jliukakau. yanikaujliutsa jlinaku, iifiuketsautsau. ²⁰ Jmedaka jlimakaruita jliaji atsia jlirakakarua, jnite jliaji jliañanpakatsupa tsitekan. ²¹ Waminali yemakakautsa ikapa kaiji jliemakapishu aaji awakadariku Perazim, jlikafiakautsa jlideni kaiji jalapukuliku Gabaon, kafainadali jlidenika, jlinaitanda kafainadali. ²² Paniya, kurideka ikanika, kurijnupatueta iipapi. Jnumi jlisru jliaji jnaminali jnaji tsuludaunai, yakuti jliwayaketakaru jliaji jipai. ²³ Yapa jimi matsia jnuakuami, yapaka jimi jnukaiteli. ²⁴ Jliaji idenikada jipai padaa jliapanakautsa nini, kantsa jlidenika? kaidalitsajlidenika jipai? ²⁵ Jlimatsietakadanaku jliaji jipai, kurim jliapanaka jlieke jliaji eneldo, jliapanaka comino, jnite jlikada pakja jnakau jnaji trigo jnite jliaji cebada, jliakawa matsia, jnite jliaji centeno jlinumapi? ²⁶ Jlidiute ikanantakan; matsiakariku jlikanantakan. ²⁷ Jnitetsaka, jliaji jlieke jliaji eneldo kutsa patudenkan, kuritsaka jlipaka jliaji karu jiyapaka cominonaku; kantsa pañaka jliaji eneldo jaikutsu, jnite jliaji comino jaikuapishu. ²⁸ Jliaji kanape jnamolekan kutsanta bitimika jnanaitakaru pan, jnintatsa jlipa jliaji carro jiyapaka jnite jlicaballoni ipatakjani, kurim jnabitimitakan . ²⁹ Jliaji tsaka inukada jlinakjuite jliaji jnaminali jnaji tsuludaunai, jliaji matsiadali ikanantaka yanikadapa kalaimi yuya.