¹ Nu Diote pjia numenali, njureta watsa pjia, nua matsiadali pishu, pjinaita kapua matsiadali, nuwaupianda uupi mayakandali njunaitaka. ² Nini pjia pjinaita yakale juredali, yakale tarape yemakau, uupi nawayakau jnite jnaji yakale kutsapanjnpe tarape. ³ Pana watsa kjaidali watsa yakale jireta pjia, apada yakale itarawatakape pana yakale. ⁴ Mitsa pjia taimidali naufakaruda jnaji kjenaperi, naufetakaruda jnaji jirapitakape, naufetakaruda liuya liaji kauli kafuinadali jnite idanapiati lisu liaji jamuli. Nini pania limatsikana kainji kauli linakuke liaji kurara, ⁵ Kainji jamuli jiipai metadanakun, pi jupwita njemika jnaji pana naiki, kainji lijuiwita liaji idanapiatin iyadaukayada, kaitsaka na cancioni jnaji matsipe njemi watsana. ⁶ Aaji awakada naminali litsurudaute imatsietawatsa nashu pjiumi jnaji yakale fiesta matsidali iijaudati shu, jnite vino añejos, iipeti muyeni, fiesta linaku liaji heces vino yada. ⁷ Liwayaketa liaji pjiumi kerre kanaukau jnaji yakale, liaji tsayape liukunda nanaku pjiumi jnaji yakale makapjipe. ⁸ Liamaretaka mayankali kalaimi, jnite naminali Dios likutsu natjiafia nekjuetepe; lipaimaniati liaji liyakale litakana jiipai yuya, naminali ikaitenda. ⁹ Apada jaledauka "Ikapa liaji wadiote; wawapanda, lrita Faa matsidali yuya. Aariji naminali; wawapanda katimaitsa Faa liajitafaa matsidali yuya." ¹⁰ Nini awakadanaku likada likapi liaji naminali liufetakaru; jnite Moab napjuawatsan liufakarudaliku, kainji napjuakapishu malitsi iriri liku pakjadali ishatishu. ¹¹ Njewakatsa njameku nakapi pamuyua, kainji jiñakada limeku likapi lipada leka nintsa lianji pjiumi likapishu. ¹² jnaji napana iwai tarrape lipeku liwau jiipai rikule, kainji lipali shu.