¹ Jliada pjia jliakan jaledauka, jliawatsa jliaji canción jnakantakautsani jlipaitenaku jliaji juda: Waruentsa paafe yakale taimidali yemakau, Dios yapentsa jnaji jlikuraran jnite jnaji yapakapen. ² Imeku jlipananuma, jnasru jnaji yakale, jmatsiape yufakau jlinaku, jnewakarua. ³ Iwaupiakjeti yufakada pinaku, pjimatsietakautsan matsiani, jlikadaka jliwaupikje pjinaku. ⁴ pjikadaka pjiwaupikje waminalinaku kaidalitsa, matsi jliaji waminali jipadaka taimidali kaidaliwetsa. ⁵ Jliwayaketakautsa jnaji yufakape padaleu, jnaji yakale yemakape taimiu jlipaimanietakautsana, kerekenautsa jnewau jipairikule, jlikadautsana jlipale iinai. ⁶ Jnapuetautsana jnaji kenaperi jnite jnaji yumakapepja jaledauka yaada. ⁷ Jliapuwa jliaji matsiadali pakuakawakautsan, jliapuwa jliaji matsiadali pjikadakautsa mayakanni. ⁸ Ajadali, aaji piniputeriku wapaka pimutueta wamatsikana, waminali, wapaka pinaku, pipitana jnite pimatsiaka katsa wapalika. ⁹ Jnumakapjia deepite, ajadali, jnukaule yumakapjia kaiwirikutsa. Matsi pjimutuetakadanakuatsa jlimatsikana jliaji jipai, jnaji inaiki yufakape jaledaukariku jnaniwatsa piruanaku. ¹⁰ Pjinaita jlisru matsia jliaji matsidali, kurikadeka jlianikaru jliaji matsiadali. Jnapaitenaku jnaji matsiaperi, jlinaitaka matsi kurim jlikapaka jlimatsiaka jliaji waminali. ¹¹ Imitaliti, pjireteninajnaji pikapi, kurikadeka jnauma jnanika. Jnakapakadekautsa pjikeriakje inaiki inaku jnite pjimaimanietakautsana, jnatiñai jnaji pjikuema iwayakjetakautsana. ¹² Iminaliti, pjidekautsa wasru matsiadali, ajadali, wasruwajleu pinaitaka jnaji wakapali. ¹³ Iiminaliti wadiotekapjia, pjanapjia waminanai pjipeyatua jnanipjiatsaka wanaku, kantsa waaka matsiadali pipitanaku. ¹⁴ Uupina mayanna, kuritsa kafikaruna, uupina mayanna, kutsa jnenkukarua. Ajadali, pjinuka pjirua yapiya jnite piwayaketakana, jnite pjikadaka jnanikje iñakau ¹⁵ Pjimakadalita yakale, iminaliti, pjimakadalita yakale, kampakatsa pjia kakunadali, pjiakjena idanataka pjiumi jnaji jipai. ¹⁶ Iminaliti, matsikadanaku jnayapakau jnaumaka pjia, kakupena jnatatakadanaku pjinai pjiumakadanaku pjimayakantakana. ¹⁷ kaiji inasru kewedandarutsu tsumidasru kenipeka, sruwanaka jlikaiyatsu kenipekasrunu, kaitsaka wafakau pinaku, jnuminali. ¹⁸ Kewedanpepjiakafa, kjenipepjiafa, kantsa wamutuetakapjiaka jliaji kauli. kutsa wadenka matsiadali jlisru jliaji jipai, jnite jnaji inaiki kutsa jnafenkau. ¹⁹ Jnaji pjiyape jmayanperin kafikautsana, jnadaki jirakautsau. Pjikafiawa jnite pjikantaka katimakapuapjia, pjiufaka jlipalesriku, jliaji iputsietakada depitua katsa pikamaraka, jnite jliaji jipai jlidewatsa jnaji jliyape jmayanperi. ²⁰ Pjikapa, jnuyakale, pjiewaka pjimakawa jnite pjitaka jlipanuma pjiapudamite, pjidawakatuawa, ²¹ Pjiapaka, pjikapawa, jliaji wamianali tsumitsa jlimutukasrua jliufakafete jlikadakaru jnakapa jnamatsikana ikuada jnaji yufakape jipainaku, jliaji jipai jlikapakautsa kuanka jnainuka, kuriutsa jlitaitaka jlidawaka jnainunipe.